14 July, 2015

بين الواقع والخيال

كان نفسي تيجي تجري عليا وتبوس راسي 
تقولي وحشتيني ومش قادر ابعد عنك 
تقولي بس انا زعلان منك وتعاتبني 
وانا اعاتبك و نتفاهم


لازم نتكلم مش كل واحد ياخد جنب ويسكت 
انا جيت وكلمتك فاكر!! 
قلتلك هتنام ازاي واحنا مفروض نتكلم؟ 
فاكررديت قلت ايه؟؟ 
اعملي اللي انتي عايزاه وكل واحد حر! 
ده مش كلام حد بيحب


تفتكر لما سيبتني انا مازعلتش 
تفتكر كان الدينا حلوه وانت بعيد عني 
كنت بفكر فيك ونفسي تيجي

وانت كل تفكيرك اني سيبتك 
طب مهو احنا الاتنين مشينا 
طب ليه انت ماجيتش الاول 
طب انا جيت اهو مش عايز تقولي وحشتيني 

عارف انها مش اول مرة تقولها 
عارف كام مرة قلتلك ماينفعش كل واحد يعمل اللي هو عايره لوحده 
احنا اتنين مفروض نكون واحد 
لازم اشوفك بتضحي عشاني شويه عشان اتنازل ليك 
الاقيك عايز سعادتي.... وانا افضل سعادتك عليا 
ساعتها هنلاقي سعادتنا سوا ونقرب اكتر

افتكر اني قلتلك كل مرة اتخانقنا علي نفس الاسباب 
اسلوبك بيبعد بينا 
افتكر قلتلك اني هتغير 


ماتلومش عليا في اللي وصلناله 
انا فعلا اتغيرت .... اعرف انه بسببك 


11 July, 2015

3 من رمضان

كالعاده في كل البيوت سالته هنفطر فين اول يوم في رمضان 
وبكل برود جاوب عند بابا
وبكل بساطه قللت ماشي مش لازمخناقة كل سنه وخليني انا الاكبر
وافقت ورحت
وتاني يوم روحنا بيتنا وصحينا الصبح كلمتك وقلت انا هاروح عند ماما 
وكان الرد المسفز المعتاد 
ليــــــــــــه؟؟
ليه؟ عشان احنا في رمضان
ليه؟ عشان ماطفترش لوحدها 
ليه؟ عشان احنا كنا امبارح في بيت اهلك 10 انفار وامي تعبانه لوحدها مالقتش حد يفطرها
وعشان وعشان وعشان


ورحنا وجه علي الفطار وكل ونزل يصلي ورجع نام واتسحر ونام ومشي
تاني يوم مسافر طول النهار وقلتله هقعد مع ماما
تالت يوم عنده عزا وانا مش هاروح وهقعد مع ماما 
ليــــــــه؟؟
علشان انت مش في البيت
ععلشان انت مش فاضيلنا
عشان انا مش عايزه اقعد لوحدي

غضب وماجاش وماتصلش
اتصلت وقلت هاروح الخميس لما تكون قاعد في البيت ونكون سوا

****************************


back to writing





رغم ان مش موهبتي الكتابه ابدا 
لكنها هتكون طريقتي لتوثيق الاحداث
علشان ماننساش



ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)