25 February, 2010

ما احلى المطر

الدنيا بتمطر
لا بتمطر ايه ... دى بترخ مطره


مطره مطره مش اى كلام
مطره من اللى ماشفنهاش من يجى خمس سنين كده

انا بحب المطره دى اوى
بتفكرنى بايام ماكنت بغيب من المدرسه
ولما كنت باخدها فوق دماغى وانا راجعه من الكليه وامشى انقط انا كمان
 " اصلى عكس كل الناس اللى بتستخبى تحت البلكونات لا انا بمشى تحت المطر مباشرة"

كمان بحس ان ابواب السما مفتوحه كده وربنا بيكرمنا بالمطر
وبحب اسمع الرعد واستنى اشوف البرق عشان افتكر ان سرعة الصوت اكبر بكتير من سرعة الضوء

 


 اعمل ايه اصلى كنت علمى
 
ههههههه


يلا باى هاروح اتفرج على المطر

3 comments:

  1. حبيتك اكون انا اول واحد يعلق على احلى كلام بجد انت/ى انسان/ة هايل/ه

    ReplyDelete
  2. فعلا ايام المطر دى جامده بجد

    كنت ايام المدرسه بطلع ايدى من العربيه و هى ماشيه و اغسل وشى بالمطر


    و كمان ايام التهييس ف الكليه و نقف ف نص الشارع و هى بتشتى
    و خصوصا شتى اسكندريه بلدى ممتع كتير و انتى ع البحر و بتشتى




    -----------------------
    كان معكى من امام الكيبورد
    واحدمخه لاسع شويه
    شبـــ اون لاين ـــاب
    الاسكندريه
    -----------------------

    ReplyDelete
  3. الله يسامحكم بوظتو سمعة العلمي
    صوت ايه اللي اسرع من الضوء
    الصوت سرعته
    ٣٢٠ م/ث
    الضوء سرعته
    ٣٠٠٠٠٠٠٠٠ م/ث
    لو كنتي لسه ف المدرسة مكنش استاذ الفيزيا سابك ابدا ‎:D
    انا برضه بحب المطر اوي بس مبحبش البهدلة الي بيسيبها ف الشوارع
    بس آخر مرة دي مكانتش من النوع الي بحبه صراحة
    كان زايد حبتين

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)