28 December, 2009

انا اخرى تجارة اعضاء



دلوقتى وبعد 6 سنين فى كليه طب وقبلهم 3 سنين ثانويه عامه
وبعد ما اهلى صرفوا عليا دم قلبهم ... ده غير حرقة الاعصاب  والسهر والدعاء
وبعد ماقربت خلاص انى اكون دكتوره بجد واقبض 240 جنيه بحالهم
كان لازم احس انى مفروض اردلهم ولو بعض قليل من تعبهم معايا



بس الظاهر انى مش هلحق

 


لالالالالالا ماتقوليش انهم مش مستنين مننا حاجه
ولا تقولى كفايه انهم يشوفونا ناجحين
الحكايه مش كده خالص
الحكايه انهم يمكن مايلحقوش يشوفونى من اصله
طب خليك معايا

لما تبقى عارف ان الدنيا ماعدش فيها امان  ....   يبقى تحرص  صح؟
طب ولما تبقى ماشى فى الشارع اى حد يكلمك ترد عليه
اى واحده عجوزه  تناديك تشيل معاها ماشى
توصلها للبيت ماشى
مع ان ماما علمتك انك ماتكلمش حد غريب فى الشارع
اى واحد مش عارف الطريق تعرض عليك انك توصله  ... قال يعنى خريطة مصر حضرتك
يخبط الباب تتطوع حضرتك وتفتح من غير ماتعرف مين ... يابنى انتى ماسمعتش عن الحراميه اللى بيخبطوا على الباب الاول عشان يعرفوا مين فى الشقه
اى حد يعدى كده يقولك تعداد تديله بيانات عيلتك كده بكل سهوله ... تبقى اكيد اكيد عبيط

يبقى ماتستغربوش بقى لما تسمعوا انى اتخطفت وبتوزع بالحته دلوقتى
ويبقى طبيعى جدا واستاهل كل اللى جرالى عشان ماتعلمتش من كل الاخبار السودا اللى بنقراها كل يوم فى الجرايد

كانت معكم بندقه سابقا من داخل الشواااااااااااااااااااااااااال


21 comments:

  1. بندقةةةةةةةةةةةةةةةةة
    ردي علي سمعاني من جوه الشوال ولا ايه
    الف سلامة عليك و علي كل المصريين

    ReplyDelete
  2. ايوه ايوه معاكى
    حضرتك طالبه كام؟؟؟

    ربنا يسلم فعلا
    منورانى

    ReplyDelete
  3. ياااااااااااااه
    بندوقة
    وحشتيني جدااااااا


    ربنا يا ستي يستر من تجارة الاعضاء
    ومن كل شر

    بس مش 240 جنيه كتييييييييييير قوي بعد 7 سنين طب غير ال3 ثانوية قبلهم
    ههههههههههههههه


    ربنا يوفقك يا قمر

    ReplyDelete
  4. هههههههههههههههههههههههههههههههه
    انا فى الشوال اللى جمبك ^_^

    ReplyDelete
  5. اسلوبك جمبل وكلامك أجمل

    ReplyDelete
  6. انا ليا اربعين جنية من ال240 جنية اتفقنا ههههههه
    معلش يا بنتى وخلى بالك يا بندقة الشعب عايزينك

    ReplyDelete
  7. و الله يا بندقه ربنا هو اللى ساترنا و حامينا بجد من غير ربنا كان زمان الواحد راح ف داهيه من التهور و العمايل اللى بيعملها

    و متفكرنيش بال 240 جنيه دول انا كل مفتكر انى هاخد المرتب ده لما اتخرج بعد الهلاك اللى الواحد فيه احس انى عايزه اضرب نفسى بالجزم انى دخلت طب

    happy new year
    و حشتينى جدا جدا و يا رب السنه دى تبقى حلوه علينا و انا مفضلش مكسله و سايبه البلوج و الناس فتره طويله كده :D

    ReplyDelete
  8. دعوة لمدونتى الجديدة

    http://awraktanbod.blogspot.com/2010/01/blog-post.html

    ReplyDelete
  9. ههههههههههه ع فكرة فيه مشروع قانون حاليا لتنظيم عملية التبرع بالاعضاء بس ان شاء الله شويه شويه واكيد هينظموا عملية سرقة وتجارة الاعضاء
    كل واحد يمشى ف الشارع ياريت يمسك نفسه هههههه علشان معدتش امان
    عمار يامصر
    جميل البوست يادكتوره بندقه

    ReplyDelete
  10. اية دة شوال لما احسس علية كدة و اشوف فية اية اية دة حاجة غربية حاجة زى الكورة و نشفة و الباقى اية دة وحاجات تانية طرية لازم بقى افتح الشوال دة واشوف فية اية
    بسم الله الرحمن الرحيم
    اية دة دهب ياقوت مرجان بندقة احمدك يارب
    اللى يلاقى حاجة تبقى من نصيبة اة

    ReplyDelete
  11. تجارة أعضاء ولا تجارة عين شمس :)
    والله يا فندم ربنا يستر كمان
    بعد إصدار قانون رزع الأعضاء من مجلس الشعب
    ربنا يستر يما هنشوف من حوادث على ودنه على رأى دكتور مصطفى محمود الناس هتقتل بعض عشان الأعضاء
    والناس الغلبانة اللى مش لاقية تاكل ممكن الناس الأغنيا يقتلوهم عشان زراعة الأعضاء ويما هنشوف

    ReplyDelete
  12. looooooool

    مالك يابنتي

    ضاربه ايه

    وحثاااااني

    ReplyDelete
  13. بندوقة

    ازيك يا بنتى عاملة اية

    بصراحة تفاؤل تفاؤل يعنى

    ReplyDelete
  14. السلام عليكم ورحمه الله وبركاته
    طبعا الموضوع جميل ومش ينفع يكون ليه نهايه لان الناس المعدومه من الضمير موجوده كتير للاسف بجد ربنا ياستر
    ياريت تقبلى مرورى
    تحياتى

    ReplyDelete
  15. بندقة..
    دي اول مرة ليا هنا..
    وحاسس ان دماغك فيها اكتر من اللي هنا..
    طلعي اللي جواك يا بندقة عشان انا عاوز اتاكد اني صح :)

    ReplyDelete
  16. ههههههههههههههههههههه

    كلي واحد يخلي باله من لغاليغه على رأي عادل امام

    فعلا يادكتوره معادش امان اليومين دول
    وبعض ضعاف النفوس والضمائر الميته عادو ظاهره يجب اجتثاثها من المجتمع بأي شكل ليعود الأمن والامان

    وربنا مايحرمنا من وزارة الداخليه بصراحه يعملوا ايه يعني يقطعوا نفوسهم .. ماهو يايحرسونا يايسرقونا اه نرسي على بر
    ههههههههههههههه

    كل سنة وانتي طيبه

    ReplyDelete
  17. للاسف الشديد هذا واقع

    ReplyDelete
  18. ما تخافيش يا جميله انا خدت لون الشوال و نمرته و ان شاء الله حنعرف مين صاحبه من المرور و حنجيبه
    هههههههههههههههه
    ربنا يستر عليكى و على كل الناس الطيبه اللى عايشاها من غير ما تحسبلها

    ReplyDelete
  19. يا لطيف يا لطيف ...احنا بقينا عايشيين في شيكاغو والا إيه؟؟؟ربي يحميكم آجمعين

    ReplyDelete
  20. هههههههههههههههههههههه


    معلش شدى حيلك

    ReplyDelete
  21. مهنة الطب مهنة أخلاقية
    والفلوس مش كل حاجة
    فى ناس كتير معاها فلوس وبتاخد اكتر من خمسميت جنيه ف الشهر ومع ذلك مش سعيدة

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)