01 October, 2009

ابقوا قولولى

طول النهار والليل الناس فاتحه التليفزون
بيتفرجوا على ايه؟؟؟؟؟؟؟
كووووووووووووووووووره طبعا
وتقريبا برضه منتخب الشباب

اول مره اشوف حد مشغل التليفزيون الارضى
يافرحتك يا وزير الاعلام

الماتش النهارده الساعه 9ونص
شوفوه بقى وبشرونى خرجنا ولا صعدنا

اصلهم بعد اللى عملوه فى ماتش بروجواى سدوا نفسى
ومش عايز اشوفهم تانى

بس انا اكتشفت حاجه حلوه اوى فى ماتشات الكوره
بتخليك تقعد تتفرج من غير ماتغير المحطه
وهى
مافيهااش فااااااااااااااااااااااصل ونواصل
مافيهاش اعلانات فى النص
مافيهاش اوعى تغير المحطه

بس خلاص
مشاهده سعيده
وحظ سعيد للمنتخب

9 comments:

  1. بصى يا بندقة
    والله انا عن نفسى مش بتابع اى ماتشات كورة محلية او عالمية مصر بيكون ليها اى علاقة بيها
    من ساعة ما خسرنا قدام فرنسا 5-0 من كام سنة
    عشان حرقة الدم
    بطلت اشوف كورة
    واريح بالى
    كل سنة وانتى طيبة

    شاب فقرى

    ReplyDelete
  2. هنكسب وهنقطع إيطاليا إن شاء الله

    منتخب شباب إيطاليا مالوش فيها أصلا ^_^

    ReplyDelete
  3. ولا تزعلى ياستى مسبنا ايطاليا بسكور كمان وقطعناهم:)

    ReplyDelete
  4. والله يا بندقة انا مريحة نفسى

    و مش باتفرج على كورة خاااااااالص
    و تقريبا بردوا بطلت اتفرج على التليفزيون خالص

    يعنى هى الماتشات بس اللى بتحرق الدم!!!!


    ياللا الواحد صحته على قده
    يحافظ على اللى باقى فيها :)

    دمتى بود يا جميل

    ReplyDelete
  5. هههههههههه

    عشان مفيهاش فاصل
    هوا موضوع الفواصل والاعلانات ده بأه صناعه لوحده
    الناس ممكن تقعد تتفرج على الاعلانات عشان ممكن يكون فيها فن اكتر من الحاجات التانيه

    بعد شويه هتبقى اعلانات وفاصل مسلسل

    ReplyDelete
  6. الحمد لله النتيجة كانت ايجابية وصعدنا والحمد لله

    ReplyDelete
  7. لولوولىىىىىىىىىى
    كسبنا

    ReplyDelete
  8. السلام عليكم
    عندك حق الفاصل و الاعلانات اصبحم فعلا حاجه تجنن بجد .. اما الماتش فانا زيك من مده نفسى مسدوده عن الماتشات لكن سمعت زى ما بلغوكى اننا صعدنا او زى ما كيكى الجميله ما قالت كسبنا ..
    مبروك لمنتخب الشباب ..

    تحياتى لكى

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)