24 September, 2009

مبروك علينا


مبروك لمنتخب الشباب المصرى
ماشاء الله عليهم لعبوا حلو


صحيح انا ماليش فى الكوره بس عجبنى الماتش
وعجبنى اكتر اعلانات كوكا كولا عنهم فى رمضان


غير بقى انهم لعبوا حلو
كمان كان شكلهم حلو
شباب طـــول بــعرض


شكلهم احلى من الصور بكتير
ربنا يحميهم

الحمد لله ربنا كرمنا بالفوز
عقبال الجاى


***

نرجع بقى لرمضان
واعلانات رمضان
اشمعنا الاعلانات .... عشان تقريبا ماشفتش غير اعلانات وفى وسطها حته مسلسلات

احلى اعلانات عجبتنى كانت:
اعلان جهينه رايب .. ريحها ومتتعبهاش
اتصالات .. الشريحه دى هو ده وقتها
احمد حلمى ومنى .. يا حبيبتى يا اوبترا
رينو .. صحيح هايله بس مابتعومش
اعلان موبينيل مش بطال بس الوانه كتير
اعلان فوكس رغم انه نزل اخر رمضان بس كان احلى اعلان للشيبسى

كفايه كده ولو لافتكرت تانى هقولكم

7 comments:

  1. بداية سعيد جداً بتواجدي الأول هون , بالتاكيد بعد المسافات والاحتلال لن يمنعني من التواصل مع اصدقاء من اجناس والوان مختلفة وهذه هي احدى رسالاتي واهدافي , في مدونتي
    مبارك عليكم الفوز ومنه للأعلى يارب
    يشرفني صداقتك
    فهل تقبلينها , لكي اضيفك ضمن قائمة أصدقائي ؟
    ارق تحية

    ReplyDelete
  2. السلام عليكم و رحمة الله و بركاته

    ازيك يا بندقة؟؟

    رغم انى ماشوفتش الماتش
    و رغم انى ماشفتش اعلانات بردوا

    بس الطبيعى يكسب
    هههههههههههه

    و مبروك طبعا لفريقنا
    رغم انى بردوا مش باحب الكورة

    بس المصرى مصرى ولو بعد حين :)

    دمتى بكل خير يا جميلة

    ReplyDelete
  3. الاعلانات كانت كتيره اوي وفعلا بتزهق اللي قاعد ادامها
    بس هيا ديه الطريقه اللي بتخلي الناس تشتري

    الزن على الوداااااااااان

    كل سنه وانتي طيبه

    ReplyDelete
  4. ألف مبررررررررررروكـ لمصر وإن شاء الله ناخد البطولة
    كل سنة وإنتي طيبة وتقبل الله منا ومنكم
    وأسعد لله أيامكـ بفيض رضاه ونور هداه وباركـ بعمركـ إلي يوم تلقاه

    ReplyDelete
  5. واعلانات بيبسي بتاعت احمد مكي "صادق وهادي وكريم"
    واعلانات موبينيل كانت حلوووووة يا بندقة واحلى ما فيها فكرتها والواناتها الكتير

    وبالنسبة بقى للماتش انا ناشوفتهوش بس ساعتها كنت في جراند مول المعادي وكل شوية اسمع المول كله جوووووووووووووووووون
    فاعرف ان احنا عاملين شغل جامد

    كل سنة وانتي طيبة بقى وفل الفل

    miro el niro kwanirooooo

    ReplyDelete
  6. كل سنة وانتى طيبة
    والحمد لله ربنا رحمنى من الاعلانات والمسلسلات فى رمضان
    حمدلله على السلامة

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)