14 September, 2009

مسابقه اخر رمضان




سلام عليكم يا احلى مدونين
كل سنه وانتو طيبين رمضان خلاص بيقول باى باى
لا
باى باى ايه ؟؟.... سلام عليكم

ربنا يتقبل منا صلاتنا وصيامنا فيه ويبلغنا ليه القدر ياااااااارب

قولوا امين
:)

شوفوا بقى يا حلوين بما اننا قربنا نختم القرآن .. وفى ناس ربنا كرمها وبتختم تانى مره
فالاسئله هتكون سهله خالص ان شاء الله

1- ايه اكبر رقم ورد فى القرآن؟؟
2- كام عدد السجدات فى المصحف؟؟
3- ايه اطول ايه فى القرآن؟؟
4- ايه اكبر/اطول جزء من ال30 جزء ؟؟

يلا بقا منتظره الاجابات الحلوه
واللى هيجاوب صح هدعيله ربنا يتقبل منا ومنكم رمضان ... وكل ماتبعت اكتر ,فرصتك فى الدعاء تكبر


ايه عايز كحك؟؟ كحك ايه بس ده مضر بالصحه
وبعدين ده فال مش حلو .. حد داخل مسابقه يقول عايز كحكه
هجيبلكم بسكويت وبيتيفور



*********************************

معلومه على الماشى

هل تعلم ان دعاء ختم القرآن يتنزل له 60 الف ملك من السماء يؤمنون على دعائك ويستغفرون لك الله
اللهم تقبل منا يا كريم

8 comments:

  1. ازيك يا بدكتوره بندقه
    ربنا يرزقك ويرزقنا الايمان والتقوى
    ويتقبل منك الدعاء
    وانا بقى هاسيبك تجاوبى الاسئله واجيبلك انا البسكوت والبيتيفور
    وكل سنه وانتى طيبه

    ReplyDelete
  2. اهلا بحضرتك
    وكل سنه وانت طيبه وربنا يتقبل منا رمضان يارب

    انا طبعا عارفه الاجابه امال انا اخترت الاسئله دى ليه
    ههههههههههههههه
    فين بقى البيتيفور بتاعى

    ReplyDelete
  3. كل دة غياب**
    وحشتينى يا حاجة
    ام هند بقى الاسئله اجابتها اها





    صح ولا ايه؟؟؟
    المعلومة ال ع الماشى بجد هايل غير كدة انا بموووووووووووت بس فى البيتى 4

    ReplyDelete
  4. بندوكا
    ميت الف مساء الفل والهنا
    والكحك واضح من البدايه انك مش ناويه تدينا حته
    فل قوى قوى يعنى
    واول ما اجى الاقى امتحان كده
    هو انا ناقص يا ستى
    طيب طيب
    متزقيش بقى هجاوب اهو

    الاول
    اعتقد ان اكبر رقم يعنى لو فى عدد الايات
    يبقى متين تسعه ومانين
    بتاع البقره
    لكن لو تقصدى اكبر رقم بقى عامه
    يبقى ميت الف
    فى سوره اعتقد يعنى
    الصافات

    التانى
    السجدات خمستاشر انا عاددهم عيب عليكى يعنى

    التالت بقى
    اطول ايه
    بصراحه
    انا كنت فاكرها الكرسى
    بس طلعت مش هى
    الشيخ قالنا انها ايه الدين بفتح الدال
    سوره البقره
    282
    وهى دى

    بِسْمِ اللَّهِ الرَّحْمَنِ الرَّحِيمِ
    { يَا أَيُّهَا الَّذِينَ آمَنُوا إِذَا تَدَايَنتُم بِدَيْنٍ إِلَى أَجَلٍ مُّسَمًّى فَاكْتُبُوهُ وَلْيَكْتُب بَّيْنَكُمْ كَاتِبٌ بِالْعَدْلِ وَلاَ يَأْبَ كَاتِبٌ أَن يَكْتُبَ كَمَا عَلَّمَهُ اللَّهُ فَلْيَكْتُبْ وَلْيُمْلِلِ الَّذِي عَلَيْهِ الحَقُّ وَلْيَتَّقِ اللَّهَ رَبَّهُ وَلاَ يَبْخَسْ مِنْهُ شَيْئاً فَإِن كَانَ الَّذِي عَلَيْهِ الحَقُّ سَفِيهاً أَوْ ضَعِيفاً أَوْ لاَ يَسْتَطِيعُ أَن يُمِلَّ هُوَ فَلْيُمْلِلْ وَلِيُّهُ بِالْعَدْلِ وَاسْتَشْهِدُوا شَهِيدَيْنِ مِن رِّجَالِكُمْ فَإِن لَّمْ يَكُونَا رَجُلَيْنِ فَرَجُلٌ وَامْرَأَتَانِ مِمَّن تَرْضَوْنَ مِنَ الشُّهَدَاءِ أَن تَضِلَّ إِحْدَاهُمَا فَتُذَكِّرَ إِحْدَاهُمَا الأُخْرَى وَلاَ يَأْبَ الشُّهَدَاءُ إِذَا مَا دُعُوا وَلاَ تَسْأَمُوا أَن تَكْتُبُوهُ صَغِيراً أَوْ كبِيراً إِلَى أَجَلِهِ ذَلِكُمْ أَقْسَطُ عِندَ اللَّهِ وَأَقْوَمُ لِلشَّهَادَةِ وَأَدْنَى أَلاَّ تَرْتَابُوا إِلاَّ أَن تَكُونَ تِجَارَةً حَاضِرَةً تُدِيرُونَهَا بَيْنَكُمْ فَلَيْسَ عَلَيْكُمْ جُنَاحٌ ألاَّ تَكْتُبُوهَا وَأَشْهِدُوا إِذَا تَبَايَعْتُمْ وَلاَ يُضَارَّ كَاتِبٌ وَلاَ شَهِيدٌ وَإِن تَفْعَلُوا فَإِنَّهُ فُسُوقٌ بِكُمْ وَاتَّقُوا اللَّهَ وَيُعَلِّمُكُمُ اللَّهُ وَاللَّهُ بِكُلِّ شَيْءٍ عَلِيمٌ } صَدَقَ الله العَظِيّم

    اخر واحده بقى
    مش عارف قصدك
    لو من حيث عدد الايات
    يبقى التلاتين
    لكن من حيث عدد الصفحات
    مش عارف فى اكبر بقى ولا لا
    وبكده
    مستنى بقى الكحك والبسكوت والفطير المشلتت والبط والوز والفراخ والديوك
    يا ريت بلاش تاخير
    رمضان كريم عليكى يا بندوكا
    وسلامو عليكم

    ReplyDelete
  5. بندقه
    يا دكتوووووووووووووووووره
    انتى قولتى هتدعى
    ماشى
    اوعى تضحكى عليا
    انا اسمى محمد زناتى
    قولى ربنا يكرمه ويهديه
    ماشى
    العصفوره هتقولى
    ادعيلى فى ليله سبعه وعشرين
    فى النص كده
    ماشى
    متنسيش
    سلامنجه

    ReplyDelete
  6. كل سنة وانتى طيبة


    سنة سعيدة :)


    ويارب رمضان كريم

    وعيد زى السكر

    ولنا عودة

    تحياتى


    شاب فقرى :$

    ReplyDelete
  7. لسه بقول يا هادى تقوليلى مسابقة؟

    اول مرة اجى وشكلها الاخيرة كده

    كل سنة وانت طيبة بس اعفينى انا من المسابقة دى

    سلام

    ReplyDelete
  8. كل سنة و انتى طيبة يا بندقه
    و عيد سعيد عليكى

    أخبار الكحك و البتيفور ايه؟؟؟
    ههههههههههه


    دمتى بكل خير

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)