18 April, 2009

ياه من زمان اوى كده

سلام عليكم
صحيح بقالى كتير ماكتبتش .. بس ماخدتش بالى انه كتير اوى كده
18 يوم
هييييييييييه دنيا

قلت بس اطمنكم عليا
انا الحمد لله بخير

كنت عايزه اقول ايه بقى
؟؟؟؟؟

كتير ساعات الواحد يحس انه مخنوق وقرفان من الدنيا واللى فيها
ونفسه يموت ويرتاح
وتلاقيه فى وسط الخنقه يقول "ربنا ياخدنى ويريحنى بقى" بعد الشر عليا طبعا
:)
بس بتحصل وبتحصل كتير كمان

ساعتها بقى انا فكرت
صحيح لو مت هرتاح من الدنيا واللى فيها
بس ياترى اخرتى فيها ايه؟؟؟؟؟؟؟؟

مانا عملت بلاوى كتير اصلى وياترى ربنا غفرلى ؟؟ ولا لسه؟؟

فانا قررت انى اعمل حسابى قبل ماموت واستغفر ربنا عشان يغفرلى اللى بيحصل منى

"وَمَنْ يَعْمَلْ سُوءاً أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُوراً رَحِيماً"

استغفر الله العظيم

فعلا مش سهل انى اموت كده والاقى مستنينى حاجات كتير اتحاسب عليها
انا دلوقتى كل مافكر تلاقينى اقول استغفر الله العظيم
ماحدش ضامن عمره

وربنا قال "وما خلقت الجن والانس الا ليعبدون"

طب انا ماعملتش حسنات كتير ولا سيئات كتير بس ماضمنش يكون فى حياتى حاجه غلط وانا مش واخده بالى
يعنى يوم مازعقت لامن الكليه عشان الكارنيه
صحيح هو كان يستاهل بس برضه كان راجل كبير ومايصحش

يعنى لما بزعل ماما كل ساعتين وقبل الاكل وبعده
طبعا مش قصدى بس اهى زعلت
فين بقى "وبالوالدين احسانا"

كمان لاقيت انى لما اقول استغفر الله العظيم
الزهق والقرف اللى الواحد حاسس بيه بيخف كتير
"الابذكر الله تطمئن القلوب"

الفايده كمان مش بس معنويه
لا... ده الاستغفار يزيد الرزق
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا(10)يُرْسِلْ السَّمَاءَ عَلَيْكُمْ مِدْرَارًا(11)وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا(12)

يعنى الحكايه فيها فلووووووووس
:D

طبعا هو سيد الاستغفار:اللهم أنت ربي لا إله إلا أنت خلقتني ، وأنا عبدك ، وأنا على عهدك ، ووعدك ما استطعت ،
أعوذ بك من شر ما صنعت ، أبوء لك بنعمتك عليَّ ، وأبوء بذنبي ، فاغفر لي فإنه لا يغفر الذنوب إلا
أنت

وفي حديث عبد الله بن عمرو أن أبا بكر قال : يا رسول الله علمني دعاء أدعو به في صلاتي ، قال :
قل : " اللهم إني ظلمت نفسي ظلمـًا كثيرًا ولا يغفر الذنوب إلا أنت ، فاغفر لي مغفرة من عندك
وارحمني إنك أنت الغفور الرحيم


ومن أفضل الاستغفار أن يقول العبد : " أستغفر الله العظيم الذي لا إله إلا هو الحي القيوم وأتوب
إليه " .


ولما اسمع الحديث القدسى:
قال الله تعالى : " يا ابن آدم إنك ما دعوتني ورجوتني غفرت لك ما
كان منك ولا أبالي ، يا ابن آدم لو بلغت ذنوبك عنان السماء ثم استغفرتني غفرت لك ، يا ابن آدم
لو أتيتني بقراب الأرض خطايا ثم لقيتني لا تشرك بي شيئـًا لأتيتك بقرابها مغفرة "


يبقى لازم احب ربنا اكتر واكتر


يعنى من الاخر اللى زهقان وقرفان يستغفر ربنا كتييييييييييييييير
وربنا يفرج همه
وبالمره ياخد حسنات وربنا يمحو عنه سيئات ويوسع رزقه
وكده كده كسبان
واحسن من مسابقات 0900

28 comments:

  1. استغفر الله العظيم واتوب اليه

    عندك حق والله يابندقه

    الواحد ساعات بيترعب من فكره انه يموتويلاقي ربنا كده

    احنا يادوب بنعمل الفروض بالعافيه

    وياريتنا مش بنعمل سيئات خالص

    ربنا ياخد بادينا ويغفرلنا ويرحمنا

    الف حمدلله ع سلامتك ياجميله

    ReplyDelete
  2. استغفر الله العظيم واتوب اليه
    تسلم ايديكى يا دكتورة
    وحمدلله على السلامة
    وشكرا على البوست الرائع
    تحياتى

    ReplyDelete
  3. استغفر الله العظيم

    ربنا يجازيك باستغفارنا وتذكيرنا

    الاستغفار عباده جميله بتفوق من الغفله

    ReplyDelete
  4. فعلا كلامك صح جدا جدا
    انا مفيش حاجه خرجتني من اللي أنا فيه غير الاستغفار والصلاه
    وربنا يدمها علي نعمه

    ممكن بقي لو سمحتي اكتب حاجه بخصوص البوست
    بس تخص الصلاه
    دعاء كل لما ادعيه القي حافز علي الصلاه والقي بنتي بتقلدني وتصلي معايا علي طول
    والدعاء هو جزء من القران وهو " اللهم اجعلني مقيم الصلاة ومن ذريتي ربنا وتقبل دعاء "
    تحياتي

    ReplyDelete
  5. فعلا عندك حق يا بندوقة
    الواحد لما يستغفر ربنا ويسلم امره لربنا.. ربنا بيفك كربه وبيرزقة من حيث لا يحتسب
    ربنا يفك كربك يا قمر ويبعد عنك اى خنقة أو ضيق

    ReplyDelete
  6. MǿиY El-Shreef:
    فعلا يا مونى احنا ممكن نكون بنعمل سيئات كتير من غير ماناخد بالنا
    والحمد لله على نعمة الاستغفار دى

    بنا يغفر لنا ذنوبنا جميعا
    :)

    ReplyDelete
  7. همس الاحباب:
    اهلا بيك
    وشكرا على سؤالك عليا فى غيابى
    انا الحمد لله تمام

    ReplyDelete
  8. احمد ابو العلا:
    ايوه يا باش مهندس فعلا عباده ونعمه من ربنا
    استغفر الله العظيم من كل ذنب عظيم
    ولولا استغفار سيدنا نوح لظل فى بطن الحوت
    ربنا يتقبل منا

    ReplyDelete
  9. حواء:
    وحشانى جدا جدااااااا
    عامله ايه يا حبيبتى
    وايه اخبار الامتحانات
    بنا يقويكى ويباركلك

    فعلا دعاء جميل
    ربنا يتقبل يا حبيبتى ويجعل بنتك قرة عين لك
    :)

    ReplyDelete
  10. MaNoOoSh:
    ربنا يبعد عنا كل هم وحزن يارب
    نورتى يا جميله

    ReplyDelete
  11. البت المشمشية حلوة بس شقية :
    نستغفرك ربى ونتوب اليك

    اللهم تقبل
    :)

    ReplyDelete
  12. أول مرة أعرف إن فيه بندقه على النت

    وكمان دكتورة؟

    إيه الجمال ده كله؟

    واللي زود جمال تعارفي على مدونتك لأول مرة هو روعة موضوعك

    أصلا أنا بقالي فترة طويلة ومافيش في بالي وتفكيري غير الكلام اللي بتقوليه ده

    نفسي أعمل حسنات كتيييييييييييير ونفسي أعيش كتير علشان أعبد ربنا ول زعلان مني في حاجه أقرب منه أكتر وأكتر وأعبده واتقيه أكتر من الأول بكتير

    بس أرجوكي لا تدعي بالموت على نفسك بعد الشر عنك ربنا يطول في عمرك

    الصح إننا نقول: اللهم أحيني مادامت الحياة خيرا لي وأمتني إذا كان الموت خيرا لي

    أنا هقولك على وصفة سريعه يا بندقه لو اتبعتيها هتحسي براحة بال واطمئنان قلب:
    ـــــــــــــــــ
    1 - الصلاة على ميقاتها
    2 - الخشوع في الصلاة والاهتمام بالسنن والنوافل وخاصة قيام الليل والضحى وممكن قيام الليل لو حتى ركعتين
    3- صيام اتنين وخميس والتلات أيام البيض
    4- قراءة قدر يسير من القرءان يوميا ولو خمس آيات كل يوم
    5- زي ماقلتي الإستغفار باستمرار بالإضافة طبعا لباقي أنواع التسبيح وذكر الله ولو حتى وانتي بتعملي كبايى شاي في المطبخ يعني اجعل لسانك رطبا بذكر الله دائما
    6- البعد تماااااااااااما ونهائيا عن الغيبة والنميمة وده عايز تدريب جامد وتصميم على عدم ذكر أي إنسان بأي كلمة سيئة
    7 - التحلي بأخلاق الإسلام وجعل الله دائما أمام عينيكِ في كل قول وفعل

    يارب أكون أفدتك بالروشتة الإيمانية دي يا دكتورة

    تقبلي مروري ودمتي بحفظ الرحمن سالمة

    ReplyDelete
  13. اللهم اغفر لى وللمسلمين والمسلمات الاحياء منهم والاموات

    ربنا يكرمك ياحبى على البوست دا

    كنت فكراها مشكلتى انا بس

    ربنا يقوى ايمانا ويهدينا اجمعين

    وكل سنه وانتى طيبه

    ReplyDelete
  14. والله عندك حق كمان لما تبقى زهقانة او حاسة ان الدنيا مقفلة فى وشك(بحسها لاكتير جدا جدا)
    اتوضى و صلى ركعتين لله
    لانى كل مرة بحس بقرف و زهق لما ببدا المذاكرة بعمل كده فربنا بيسرها معايا
    فعلا احييكى على شجاعتك و اعترافك بذنبك ياريت كلنا نبقى كده بنشوف اخرتنا قدام عينينا

    ReplyDelete
  15. ماشاءالله تدوينه جامده جدااا وفكره جديده

    ReplyDelete
  16. كيفك ياقلبي

    يعني يبقى عندك مدونة وانا اخر من يعلم

    مخصماكي ياوحشة

    البوووست راائع جدا

    فعلا لما بنكون مخنوقين ممكن ننسى نفسا وندعي انه ربنا يموتنا وريحنا بس دا حرام بالرغم انها مجرد مقولة

    بارك الله فيكي عالادعية الرائعة

    ربنا يطول بعمرك

    ReplyDelete
  17. ELMASRYA - MRS WRITER:
    انا اتشرفت بزيارتك ومعرفتك يا مصريه
    :)

    فعلا كلامك مظبوط وصح جدا وربنا يعينا على عبادته ويتقبل منا

    اللهم أحيني مادامت الحياة خيرا لي وأمتني إذا كان الموت خيرا لي

    ReplyDelete
  18. mona@asr elgnoon:

    ربنا يتقبل منى ومنك حبيبتى

    ReplyDelete
  19. بنوته صغيوره:

    ربنا يبعد عنا الزهق دايما

    ReplyDelete
  20. عمك ياض:

    شكرا
    نفعنا الله واياكم بها

    ReplyDelete
  21. ঔღঔ نـــوارة ঔღঔ :

    اهلا حبيبتى
    بجد ماكنتش اعرف انك مش عارفه مدونتى

    انتى شرفتينى فيها بجد
    ويارب كده تنورى على طول

    ماقدرش على خصامك ابدا

    ReplyDelete
  22. السلام عليكم
    ازيك يا بندقة
    ربنا يبعد عنك اي خنقة أو سوء يا رب
    جميل جدا الكلام اللي انتي كتباه
    هو فعلا الانسان ساعات كتير يتمنى الموت لكنه مش بيفكر ايه اللي ممكن يحصل بعد الموت، والعودة لربنا دايما مطلوبة
    ربنا يزيدك من علمه
    ويزيدك كمان جمال على جمالك الخلقي والانساني والشكلي طبعا
    تحياتي

    ReplyDelete
  23. استغفر الله العظيم واتوب اليه
    استغفر الله العظيم واتوب اليه
    استغفر الله العظيم واتوب اليه

    لا إله إلا أنت سبحانك إني كنت من الظالمين

    وحشتيني يا بندقة والله

    جدااااااااااااا

    ReplyDelete
  24. بندقة اهلا بيكى فينك من زمان ؟؟

    وصدقتى فى كل كلمة قلتيها ..

    الواحد ساعات بيتمنى الموت ومش عارف هيقابله ايه بعد ما يموت ..

    علشان كده افضل دعاء اللهم أحينى ان كانت الحياة خير لى وأمتنى ان كان الموت خير لى زى ما علمنا الرسول صلى الله عليه وسلم ..

    جزاكِ الله خير على الافادة ..

    دمتِ بخير ..

    ReplyDelete
  25. حينها عندما تضيق به السبل وتنقطع الطرق
    يجد طريقا واحدا نحو السماء يأبى الإنقطاع ..مفتوح لمن أخلص التوجه اليه
    مدونتك رائعة ..دمتي بتالق

    الحارة سد

    ReplyDelete
  26. كم أحب لقائك يا الله ..

    الموت فكرة لا تبارحنا .. دوما نفكر فى رحلتنا الثاني والاخيرة بعد هذه الرحلة المؤقتة عبر ما نسميها دنيا ..

    نشعر بالخوف يقبض على أرواحنا .. نفتش دواخلنا عن ماذا فعلنا حلال هذه الرحلة القصيرة .. نتذر .. نبتسم عندما يلوح خيرا فعلناه .. وتتألم ملامحنا عندما نتذكر خطأ ارتكبناه ..

    لكن الله سبحان وتعالى كريم غفور حنّان منّان .. يتجلى فى الساعات الأخيرة من الليل .. ليطمئنا بأن باب التوبة مفتوح "هل من تائب .. فأتوب عليه؟" كم أنت عظيم يا الله ..


    اذا تركت نفسى صديقتى سأكتب الكثير والكثير .. ولا أريد أن أطيل عليك..



    تركتك فى حفظ ربى

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)