01 April, 2009

وانا كمان اشمعنا انا يعنى؟


تاج يا شباب
انا جالى التاج ده مرتين
مره اتدبست فيه من فتافيت ربع قرن
ومره من زوجه عنيده

وقلت بقى اجاوبه عشان الحق الاقى حد ادبسه فيه
عشان الناس كلها بتجاوبه دلوقتى
:p

بسم الله


اسمك؟
بندقه طبعا
انت كل ده ماتعرفش ولا ايه



المشهور بيه وسط اصحابك؟
اصحابى بينادونى باسمى عادى
الا بقى لو حد نسى اسمى ويقعد يقول يا توتا يا بوكا
وحاجات غريبه جده
ساعتها بعرف انه نسى اسمى



سنك؟
24


مجال دراستك؟
طب بشرى
ربنا يصبرنى


اسم مدونتك؟
simply me



صورتك الرمزية فى المدونة بتعبر عن ايه؟
بتعبر عنى وانا هااااااااديه
وده مش بيحصل كتير ولو حصل مش بيكون حلو


هل فكرت فى اغلاق المدونة ؟ والسبب؟
اه .... مره فكرت اقفلها
بس قلت لا طبعا لانى بحبها وبتصبرنى على حاجات كتير
وكفايه ان ليا فيها اصحاب حلوين زيكم كده


ايه رد فعلك لو حد قل ادبه فى تعليق ؟
همسح التعليق
بس هرد عليه باحترام هو مايستهلوش


اسوأ مدونه؟
اى مدونه صاحبها اسلوبه مش محترم وكلماته بذيئه

هيحصل ايه للايميل بعد ماتموت؟
تقريبا كده ولا حاجه
يعنى هيفضل معلق كده
عشان ماحدش يعرف الباس وورد
وابقوا افتكرونى واقرولى الفاتحه


اديت الباسوورد لحد قبل كدة؟
اديته لاختى مره عشان تشوفلى حاجات


السفر بالنسبة لك ايه؟
انا بحب الطريق بس فى السفر
يعنى اروح واجى اتفرج على الطريق
بس ماحبش اقعد بعيد عن مكانى اللى اتعودت عليه
بحس بالغربه بسرعه


الموود بتاعك ايه ؟
بيختلف
يعنى لو فى الكليه بكون هاديه وساكته ولوحدى وفى حالى معظم الوقت
لو فى البيت ... زمان كنت دايما بضحك واعمل دوشه كده فى البيت
انما دلوقتى برضه ساكته
مش عارفه ايه الاكتآب المزمن ده

بس ساعات بقى بهييس خالص ويجيلى حاله من الرغى والكلام والضحك والتهريج
يعنى بتجنن خالص
وكل الناس بتحس بكده
من اول العيال معايا فى الكليه ولحد ماما الغلبانه اللى بتسهر معايا للصبح فى اليوم ده


بتعمل ايه فى وقت فراغك ؟
على النت دايما
فى وقت الفراغ وغيره
مقيم يعنى ومعايا اشتراك


الأكلة المفضلة ؟
امممممممم
طب ليه بقى ....... كده الناس هتفتكر انى دبدوبه
:)
انا بحب الحلويات جداااا
وبحب اللحوم كمان يعنى كائن متوحش!! ايوه.. خاف منى
وبحب السبانخ والقلقاس والباذنجان بكل انواعه
والمكرونه
هاااااااااا ..... تقدروا تقولوا بحب كل الاكل


الصفات التى اخذتها من والدك؟
بابا اخدت منه كرهه للقراءه
هههههههههههه
وكل مره ماما بتقولى يا بنتى اقرأى حاجه تنفعك اقولها لما بابا يقرأ الاول


الصفات التى اخذتها من والدتك ؟
ماما حبيبتى رغم كل الاختلاف بينا
بس انا بحس دايما بفكر زيها وبتصرف زيها
وهى تقولى انتى بتعملى كل حاجه صح
بس فاضل تبطلى عند معايا
:p


اكتر ست حاجات بتكرههم ؟
الغبااااااااااااااااااااااء
الظلم .. الخيانه .. الزحمه .. الاهمال .. انى اصلح اخطاء غيرى


اكتر ست حاجات بتحبهم ؟
الكمبيوتر بتاعى .. مدونتى
موبايلى

الرسم

النوم

خمسه بس ... اه ضحكت عليكم


شخصيتك نوعها ايه ؟
كانوا بيقولوا انى دمى خفيف
دلوقتى مش عارفين انا ايه بالظبط
متقلبه جدا


لماذا دخلت عالم التدوين من الاساس؟
بالصدفه البحته وتحت رغبه الجماهيير
اصل انا يوم ماجيبنا الكمبيوتر كنت بلعب عليه بس
ماما بقى قالتلى اعمليلك مدونه ... اعمليلك مدونه
لحد ماعملت المدونه وبعذبكم بيها


احلى جملة قيلت فى وصف مدونتك؟
مش عارفه هى حلوه ولا ايه
بس اتقالى : حاسس انها مدونه طفله صغيره
وبفرح اوى لما الناس بتقولى دمك خفيف .. بيفكرونى بالذى مضى وبطمن على نفسى


احلى بوست كتبته؟ ضع اللينك ثم اذكر لماذا؟
امممممممم
خليها عليكم دى
قولولى ايه حبتوه اكتر



افضل مدونة قرأتها؟
كل مدونه بضيفها لقايمة مدوناتى تبقى حلوه
وعجبتنى




افضل بوست قرأته؟
مادام كتبت تعليق على البوست يبقى عجبنى فكرته واسلوبه


الشغل بالنسبة لك ايه؟
رغم انى عارفه انه مش ارحم من اللى انا فيه دلوقتى
بس مستنياه
نفسى بقى اشتغل دكتوره بجد
وان كان على الشغل بشكل عام فانا اصلا مابحبش قعدة البيت يعنى بحب اشتغل


الانترنت بالنسبة لك ايه؟
عالم واسع اوى
ونفسى ادوس فيه اكتر
بس هيضيعنى



تمرر التاج ده لمين ؟

لمين؟؟ لمين؟؟؟

ثلوج .. عشان هى زعلانه اليومين دول
مخنوقه .. بحجز بعد يوميات عبده انزحه
ريهام العربى .. هدية تعارف :)
تدبيسه بقى عشان لسه مش جاوبته ..MǿиY
الباشمهندس احمد .. متهيئلى لسه مش جاوب عليه
همس الاحباب .. مش عارفه يقبله منى ولا لاء
اخف دم .. قبل مايروح لقاء الشعراء
دكتور ديد .. غلاسه بس مش اكتر
سفاح كرموز .. اللى كان عايز يعتزل
نيمو .. وحشانى جدا
حصان برى .. بقاله كتير غايب
لماضه .. عشان تخرج من الغرفه المرعبه شويه
نور الحياة .. لعل وعسى يرجع قريب

طبعا كل دى تدبيسه زى مانا اتدبست
:p

24 comments:

  1. ههههههههه
    ده مرض ومنتشر فى المدونات
    اسمه تاج
    ايه يا دكتورة انا عملت ايه بس
    ده انا حتى مطيع ويسمع الكلام وبشرب اللبن كمااااان
    هههههه
    طبعا اجابتك بتنم عن خفة دمك وطيبتك
    ربنا يوفقك فى دراستك
    ونشوفك احسن دكتورة فى الدنيا
    وشكرا يا ستى على التاااااج
    نردهالك فى الافراح
    يا بندقة

    ReplyDelete
  2. شكرا يا همس الاحباب

    مهو عشان انت طيب وبتسمع الكلام عرفت انك مش هتكسفنى
    ربنا يخليك

    ReplyDelete
  3. ههههههههههه

    انا حاسه اننا بقينا ف مملكه

    وفي ملكه كريمه اوي بتوزع ف التاجات

    :D

    ميرسي يادكتورة ياعسوله

    بجد فرحت اني عرفتك اكتر واكتر

    بس غريبه مش بتحبي القرايه

    ياعيني امال هتقري كتب الكليه المدعوقه دي ازاي

    ربنا يكرمك ياقمرايه

    وكل تاج وانتي طيبه

    ممممممووواه

    ReplyDelete
  4. مونى الجميله
    اممممممممممم
    انا نسيتك ازاى
    بقولك ايه هدبسك فى التاج ده لو ماكونتيش لسه جاوبتيه

    يا حبى انا اقرا كتب الكليه عشان انجليزى
    انما عربى
    لاااااااااااااااااا

    ReplyDelete
  5. والله انا فرحاااااااااااااان جدا انك افتكرتيني وممرته ليا

    على كل حال انا سعيد

    بس حالة الاكتئاب ديه عند الناس كلها بس كلنا بنحاول نخرج منها

    كلنا هنروح عندك دكتور واحد

    هههه

    ReplyDelete
  6. عاااااااا

    ماشي ماشي

    بقيتوا اربعه

    والخامس مستوعدني

    :D

    ReplyDelete
  7. احمد ابو العلا
    امممممممممم

    كل الناس عندها اكتآب
    كويس يبقى اتخصص انا نفسانى بقى

    حلو هنلاقى شغل
    :)

    ReplyDelete
  8. mony:

    معلش يا جميل
    لازم ينوبك من الحب جانب
    مانت اللى قلتى
    "الملكه الكرينه بتوزع"

    هههههههههه

    ReplyDelete
  9. هييييييييييييييييييييييييييييه
    كويس انى مش فى التدبيسه دى
    كع كع كع كع**
    تعرفى فى اجابات كتير تشبهنى اى والله
    بس فعلا بحسك هاديه وطيبوبة كدة وشقيه ربنا يسعدك ويهنيكى
    قااااااااااادر ياكريم
    عوووووووووووووووووو

    ReplyDelete
  10. بندقة العسولة ..

    تاج ظريف جدا مر عليكى ..

    واجاباتك ظريفة برده ..

    دمتِ بخير ..

    ReplyDelete
  11. ممممممممممممممم

    مع انى عملته قبل كده فى فيضانات التاج السنين اللى فاتت

    بس هعمله تانى حاضر ^_^

    ReplyDelete
  12. كيكى:
    اه يا جميله هربتى منه
    انا مش عارفه انتى مختفيه فين اليومين دول
    ؟؟؟؟؟؟؟

    ReplyDelete
  13. لجين ابو الدهب:

    شكرا يا حبيبتى
    ده انتى اللى عسوله خالص

    ReplyDelete
  14. سفاح كرموز:

    اممممممم
    معلش
    هى الدنيا كده

    تاج ليك وتاج عليك

    ههههههههههههه

    ReplyDelete
  15. ههههههههههههههه

    تاج حلو وهديه تعارف مقبوله

    هو انا بس اختباري قرب فيادوب بلف في السريع علي المدونات بعد الاختبار ان شااء الله انزل

    ReplyDelete
  16. ماشي يا حبيبي انا هعمله عشان خاطرك

    هو انا عندي كام بندقه في الدنيا

    :)

    ReplyDelete
  17. ههههههههههههه
    اجابات دبلوماسية
    اكلتى نصها
    بس مفيش مشاكل
    اهم حاجة ان انتى بتحبى الحلويات واللحوم.
    بس انا عايز اعرف لحوم ايه بالظبط؟؟
    لحوم البش يعنى؟؟
    ههههههههه
    بصراحة اجابات مميزة احييكى على التاج ده.
    وننتظر مزيد من التيجان.

    ReplyDelete
  18. جميلة إجاباتك بجد
    سعيد بتعرفى على مدونتك
    دمتِ بكل الود

    ReplyDelete
  19. ماشى يا بندقة يا عثل
    انا خلاص اتدبست فى التاج وهجاوب علية اجبارى
    بس احلى حاجة حالة التهييس
    انا دايما بحب مثل
    هيس هيس تبقى كويس
    بلا اكتئاب بلا تعب قلب
    سلام يا قمر

    ReplyDelete
  20. بندقة ده اسمك يا لوزة

    ايه التهرب ده.. هابلغ عنك الضرايب بتغشي في التاج الضريبي

    انا بحب الاكل اللي انتى كاتباه كله كله.. ماعدا طحالب اببحر السبانخ ديه .. يعععععععععععععع هو انا باباي ولا ايه
    ولا اكونش زيتونة.. بطل اكل سبانخ مش هايطلعك عضلات ياماما ده كارتون

    وحشااااااااااااني

    ReplyDelete
  21. حلو اوى التاج

    ردودك دمها زى العسل
    بس اتصدمت لما عرفت انك دكتوره
    ياله قدر الله وما شاء فعل

    بهزر

    دكتوره دكتوره حد لاقى

    كمان ردودك بيغلب عليها التزامك الدينى والاخلاقى

    شايفه الكلام الكبير

    ماشاء الله عليكى ربنا يحميكى


    تحياتى

    ReplyDelete
  22. شخصيتك جميلة اوى بجد

    وفعلا تحسى انك بتكلمى طفلة عسوولة اوى اوى

    تحياتى ليكى ياقمر

    بيس

    ReplyDelete
  23. ايه الغيبة دى كلها
    لعل المانع خير
    ولا التاج طلع ضيق على دماغك

    فى انتظارك
    تحياتى

    ReplyDelete
  24. تحفه اجاباتك يا بندقه
    تحياتى

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)