25 March, 2009

صحاب اخر زمن >_>

طبعا اتاخرت عليكم وده مش طبيعى

اصلا حصلت حاجات كتير الاسبوع اللى فات ده
كان اسبوع غلس بشكل
ياساااااااااااااااااااتر

المهم بقى انا زعلانه من العيال اصحابى
وهحكيلكم ايه اللى حصل وانتوا احكموا

ايه ؟؟ ماحدش يقول وانا مالى مش عايز اسمع
مادام دخلت يبقى هتسمع

واقفل يابنى باب المدونه مافيش خروج

ال ايه احنا شغالين دلوقتى رواند النسا
وال ايه احنا بناخد
2 sessions

واللى مش عارف يعنى ايه يروح يدور فى القاموس

المهم خلص الاولاني واخدنا
break

قوم ايه العيال نزلو يشتروا حاجات
اتاخروا
رنيت عليهم عشان يطلعوا لان فى ناس تانيه انضمت علينا وهيبدأوا يقعدوا وياخدو امااكن اصحابى

طبعا هتقولى وانتى لازمتك ايه ماتحجزيلهم

هقولك يا ظريف
مانا طبعا حجزتلهم وماحدش كان بيقعد
بس انا كنت لوحدى فى بنش طويل عريض والناس تيجى تقول طب ممكن مكان واحد بس وكده
وبعدين هما اتاخروا يعنى كفايه كده سايبينى لوحدى

اول مادخلوا انا بقول الحمد لله جم
لقيت اللى طلع فيا
انتى بترنى ليه مهو الدكتور لسه مادخلش
انت يا ....... بترنى ليه
قلة ادب
ياشيخه خلتينا نيجى جرى منك لله
يعنى احدفك بالشنطه دلوقتى

كل ده عشان رنتلهم
انا طبعا زعلت وقلتلهم الحق عليا انى بقول تيجوا تقعدوا مكانكم عشان ما يتاخدش

وسيبتهم وقعدت بعيد

طبعا زعلت جدا
لانى ماتوقعتش الرد ده ابدا
انا اصلا ماعملتش حاجه عشان كل ده

اللى زعلنى اكتر بقى انهم مافكروش يصالحونى
رغم انى قولتلهم انى زعلت منهم وتانى يوم برضه ماقعدتش معاهم
فعلا بقى زعلت منهم ساعتها
يعنى لو كانوا قالولى ياشيخه خلاص معلش
كنت قلت خلاص

انا اصلا مابحبش حد يطول لسانه عليا
وهما عارفين كده
وده السبب اللى مخلينى ببعد عن ناس كتير لانهم فاكرين الصحوبيه دى يعنى خدنا على بعض .. نشتم بقى ونمد ايدينا براحتنا

sorry
انا مابحبش كده
وعمرى ماعملت كده مع اى واحده فيهم
يعنى كبيرى اقولها يا غلسه يا بايخه
دانا عمرى مامديت ايدى وزقيت واحده فيهم

بجد بجد انا زعلانه
:(
ومش عارفه اعمل معاهم ايه

################

كل ده بقى كوم واللى حصل النهارده كوم

اااااااااااااااااااااى
انا وقع عليا أصرية زرع
اه والله البتاعه الفخار دى اللى فيها زرع
بس الحمد لله كانت بلاستك


بس تقيييييييييييييييييييييله جدااااااا

هو ربنا ستر ووقعت على ركبتى قبل ماتكمل على رجلى
وده خفف الخبطه شويه
بس انا رجلى بتوجعنى
و أزرقت و بأللت
ومش عارفه هامشى بيها ازاى بكره
عاااااااااااااااااااااا
ياحبيبتى يارجلى

بس خلاص

35 comments:

  1. ههههههههههههههه

    الف سلامه عليكي يا بندقه وخدي بالك وانتي ماشيه ولا شايله بعد كده

    وبعدين عادي صوحابك واستحمليهم مش مشكله هنعمل ايه بقي هما الصحاب بقوا كده يابنتي

    ReplyDelete
  2. هههههههههههه
    أصرية زرع
    نيهااهاهااااا

    اللهم لا شماته
    لا لا ياستي ألف سلامه

    بصي حاولي تسامحي
    لأنك لو مسمحتهمش هتقعدي أنتي اللي زعلانه
    وهتفضلي تعذبي نفسك أكتر لما تقعدي وتفكري أنهم مجمش عشان يصلحوكي

    انا مبقلش انهم صح وان اللي عملوه ده صح
    لأ طبعا ده غلط 100%, بس خليكي انتي اللي بتسامحي
    افتركليهم حاجه حلوه أو موقف جميل وانتي تسامحيهم

    1000 سلامه مره تانيه

    ReplyDelete
  3. أولا الف سلامة عليكة من الخبطة يا بندقة
    وبعدين صحابك هم صحيح أندال ومعندهمش دم وسايقين فيها
    بس ممكن تجربى تعامليهم بالمثل ونزودى الرخامة عليهم علشان يبطلوا رزالة
    هههههههههههه
    اوعى تسمعى كلامى
    لا بجد هم بصراحة لو اسلوبهم كدة وفى مرة تانية مثلا متحجزيلهمش البنش وسيبيهم يقفوا ساعتها هيعرفوا قيمتك

    ReplyDelete
  4. الف سلامه عليكي ياجميل
    ان شالله راوند النسا
    هههههههههههههههههههه

    ReplyDelete
  5. الف سلامه عليكى ان شاء الله خير

    وبعدين الاصحاب مش دايما على هوا الواحد يوم كدة ويوم كدة

    عديها

    بس هما هيصلحوكى مش تقلقى

    انتوا كلكوا كبرتوا الحكاية مع انها صغيرة اوى

    بس كان المفروض مفيش غلط

    ReplyDelete
  6. بنتى الحبيبه..الدكتوره بندقه
    سلامتك ..سلامتك..سلامتك
    واصحابك دول انا جربت زمان زيهم كتير..لاانا رضيت بيهم..ولا هما اتغيروا
    بس كلمه منى صغيره..تقبليها من ام اكبر منك بكتـــــــــــــــــــــــير
    لو ان اصحابك دوا محترمين ومؤدبين وعارفين ربنا ..يبقا ماتزعليش منهم ..
    عيشى حياتك وسامحيهم وافرحى بيهم..دى ايام مش هاتتعوض
    تمنياتى ليكى بالسعاده

    ReplyDelete
  7. الف سلامه عليكي
    ام عن صحابك
    فمش عارفه اقولك ايه
    بس مدام هما عارفين كده
    يبقي خلاص
    لكن لو مش عارفين انك مش بتحبي كده يبقي كلميهم وابقي عرفيهم انك بتضيقي من كذا علشان يبقي النقط فوق الحروف
    شفاكي الله وعفاكي

    ReplyDelete
  8. هههههههههههههههههههههههههههه

    حلوة اوى اليوميات دى

    وسلامتك الف سلامة من الزرع

    هتتكسى :p

    ReplyDelete
  9. العنف ومنبعه
    بنعلم ولادنـــــــــا شعـار اللى يضربك اضربه
    من غير ما نعلمهم خطورة الضــــــــرب ومقصده
    وتركنا التسامح والعــــــــفو وخالفنا موعده
    ونستغرب زيادة العنف ونقعــــد نولول ونعدده
    ما العنف احنا اللى زرعناه بكلامنا وتـــشدده
    ونتباكى على ضحايا فكرنا وكلامنا اللى بنردده
    ودموع التماسيح لن تحل مشاكلنا المتعدده المتردده
    ولا تلغى افكارنا الهدامة المسيطرة المتمـــــددة
    فى عقول تبلدت بافعال التخلف المتزايـــــــدة
    مرسلة بواسطة كلام على بلاطة

    ReplyDelete
  10. سحابه وهاتعدى إن شاء الله :)


    وسلامتك يا بندقه الحمد لله إتها طلعت بلاستيك

    :D

    ReplyDelete
  11. ماشاء الله عجبتني طريقة تعبيرك :)

    معليش هو الواحد احيانا مش بيكون مدرك اوي كلام اللي قدامه ودرجه اهمية بالنسبه للشخص ده لانه مختلف عنه..

    وسلامتك يافندم من اصريه الزرع :)

    ReplyDelete
  12. DR.DEAD:
    انا ماكنتش شايله حاجه
    :(
    دى وقعت عليا وانا قاعده فى امان الله

    ReplyDelete
  13. احمد ابو العلا:
    شكلها كده ضحكه شريره

    انا بجد كان سهل اوى انى اسامحهم لانهم اصحابى
    بس صعبان عليا نفسى

    بس اكيد هنسى يعنى

    ReplyDelete
  14. manooosh:
    الله يسلمك يا عسل انتى

    عجبانى حكايه نزود الرخامه دى
    ههههههههههههههه

    ReplyDelete
  15. عاشقه وغلبانه:
    شكرا يا جميل
    ويارب راوند النسا فعلا
    :)

    ReplyDelete
  16. زوجه عنيده:
    وحشانى بجد

    هى فعلا الحكايه كبرت اوى
    ربنا يسامحهم بقى

    ReplyDelete
  17. الفراغ:

    حضرتك نورتينى
    وهسامحهم بس عشان خاطرك
    :)

    ReplyDelete
  18. حواء:

    سيبك بقى من العيال الوش دول
    هو انا لسه هعرف من تانى ده عشره 5 سنين لحد دلوقتى

    اهم حاجه انى سعيده جدا بتشريفك مدونتى
    ويارب ماتكونش الزياره الاخيره

    ReplyDelete
  19. سفاح كرموز:

    ايوه يوميات
    امال انت فاكر المدونه دى بتاعةايه يعنى

    هتكسى ؟؟؟؟؟؟؟؟
    مااااااااشى

    ReplyDelete
  20. ابو المفاصل الواصل:

    اسم معبر الصراحه!!!!!!!!

    كلام جميل

    ReplyDelete
  21. زهرة الامل:

    ربنا يخليكى يارب
    هى صحيح بلاستك بس تقيله اوىىىىىىىىىىى

    :(

    الحمد لله

    ReplyDelete
  22. عمك ياض:

    اهلا وسهلا بحضرتك

    فعلا عندك حق ساعات بنزعل من ناس وهما مش واخدين بالهم

    وتقريبا كده العيال اصحابى نسيوا الموضوع اصلا
    هههههههههههههههه

    ReplyDelete
  23. هههههههههههه

    اصريه مره واحده ههههههه ياعيني يابنتي

    اللهم لا شمااااااااته

    ابقي حاسبي بعد كده .. بس دي وقعت عليكي منين :D

    وبصي ياستي بالنسبه لصحابك حاولي تبقى متقبله اكتر الحجات دي عاديه بينا الصحاب

    ربنا بصالحكوا ع بعض ياقمر

    ReplyDelete
  24. الهزار او الجد بقلة الادب مش حلو ..

    كنت كتير اصاحب ناس واسيبهم علشان فاكرين ان الصحوبية هزار بقى وناخد على بعض شتيمة ومد ايد ومش عارفة ايه ..

    وموقف البنش ده انا مقدراكى لان كتير كنت بتحط فيها وتيجى واحدة تقولك عايزة اقعد وواحدة تهمس وهى طالعة هو احنا فى سيما علشان تحجز وكل ده علشان مصلحتهم ..

    بس انا مش بقومك عليهم والله بس مفروض اقل حاجة انك حجزتى عشانهم انهم يصلحوكى ..

    انتى عامة خلى بينكم سلام عليكم علشان ما تبقاش قطيعة فوق تلات ايام ..

    وسلامتك الف سلامة ..

    شفاك الله وعفاكِ ..

    دمتِ بخير ..

    ReplyDelete
  25. الف سلامه عليكى يا بندقه

    وسلامه رجلك

    بالنسبه لاصدقائك هما ماغلطزش اوى كده يعنى ... وعلى العموم يا سيتى خيركم من بدأ بالسلام

    ReplyDelete
  26. iههههههههه
    لا الف سلامة عليكى يا دكتورة
    ابقى روحى للدكتور شاطر
    هههه
    بالنسبة لاصحابك عادى تهريج وعشم وكده
    خليكى انتى الكبيرة العاقلة
    وبا بخت من قدر وعفا
    والمسامح كريم
    تحياتى

    ReplyDelete
  27. بندقتي الجميلة

    طبعا مدبسة يا جومرررررررر

    ده انتي رابع مدبس .. يلا بقى

    وحشاااااااااااني موووووووووت

    ReplyDelete
  28. MǿиY El-Shreef:

    مش عارفه ليه مابقدرش اتقبل قلة الادب
    يعنى غلاسه ماشى.. نداله ماشى..

    بس قلة ادب
    امممممممم
    صعبه شويه

    ReplyDelete
  29. لجين ابو الدهب:

    والله يا لجين انا بكلمهم عادى دلوقتى

    بس خايفه يكونوا هما اللى مستنينى اقولهم معلش ولا حاجه

    اصلى حاسه انهم بيبعدوا عنى

    :(

    ReplyDelete
  30. mona@asr elgnoon :

    الله يسلمك حبيبتى

    هما غلطوا لما شتموا

    بس انا خلاص يعنى ... مش همشى ورا الناس اربيها

    انا بس زعلت لانى ماتوقعتش كده

    ReplyDelete
  31. همس الاحباب:

    الحمد لله ماوصلتش للدكتور

    اصلى مش بحبهم
    ههههههههههههه

    وانا مسمحاهم يعنى هعملهم ايه؟؟؟؟؟
    ربنا يهدينا جميعا

    ReplyDelete
  32. فتافيت:

    يااااااااااااااه
    يعنى ماعرفتش اهرب

    ههههههههههههههه

    ياسلام ده التاج بتاعك يا فتافيت زى العسل زيك بالظبط

    تحت التنفيذ يا فندم
    :D

    ReplyDelete
  33. انتو اصحاب وحاجة بسيطة زى دى متزعلكوش من بعض ابدا.
    متزعلوش من بعض بس معدتيش تحجزى لهم بعد كده. هههههههه
    مليون سلامة على رجلك ان شالله 200 واحد من اسرائيل.
    سلامتك يا بندوقة

    ReplyDelete
  34. الف سلامه على رجليكى
    مدونه جميله جدا واسلوب جميل بجد

    ReplyDelete
  35. سؤال بس قبل ما اعلق على الموضوع اية لازمة انى اخش المدونة الرئيسة وبعد مفهمش موضوع الايميل الى مكتوب على جانب وبعد ادوس الاقى نفسى هنا
    طب ما كنت دخلت هنااااااااا علطولللل
    **دوختينى يااااااشيخة**
    ام هند بقى
    انا كدة زيك محبش حد يطول لسانه ولا يمد ايده بضاااااايق جداااااااا**بس تصدقى احيانا بطول لسانى وبعد كدة اضايق جداااااااا واروح اعتذر بس متفهميش غلط مش بطول لسانى اقول كلمة كدة ولا كدة لااااا انا مش بتاعت كدة ولا كدة
    بصى متزعليش منهم معلش اى نعم المفروض تانى يوم لمة اقعدتى بعيد يجؤا يكلموكى اممممممممممممممممم
    اقولك كفاية كدة كلام عشان شكلى بهدى النفوس والف سلاااامة على رجلك
    اقولك اشربى حبه لبن احسن وريفوا عشان صدعتك
    عوووووووووووووووو

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)