05 March, 2009

حركات رخامه

ياه
قد ايه انا فرحانه دلوقتى انهم مش هيدخلوا المدونه

اصلهم كانوا فاكرين انهم ماسكيننى من ايدى اللى بتوجعنى عشان انا بحب مدونتى ومش هاقفلها

نفسى اشوف وشهم بقى وهما مزبهلين ومش عارفين يدخلوا

ههههههههههههههههههههه


بس ايه رايكم فى حركة الغلاسه دى
اصل انا اكتر حاجه كانت بتغيظنى انى اروح مدونه الاقيها للزوار فقط

وللاسف عملت زيهم



بالمره بقى مادام بقيت غلسه اقولكم باقى حركات الغلاسه فى المدونات
طبعا اولها كده انك تلاقى المدونه مقفوله


ولو دخلت بقى تلاقى واحد عاملك 100 رساله ترحيب وتهديد وسلامات و.. و.. فى وشك عدل
تقفل واحده تطلع التانيه لحد ماتطلع عينك



خلصت
ادخل بقى على الالوان
يااسود فى اسود يا ابيض فى ابيض تحس ان الصفحه اساسا ماحملتش وتعيد من الاول
اوتلمح الكلام اللى مش باين ووابقى قابلنى على ماتقراه


ياسلام بقى لو عرفت بعد العذاب ده ان المدونه بتكتب فى السياسه
وكلام كبير بقى من اللى لا بفهمه ولا بهضمه ده
ويبقى اتفقعت على الفاضى



طب بلاش
دخلت والحمد لله عجبك الموضوع
ويشاء ربنا انك تقرر تكتب تعليق
ooooooooooooooops

هههههههههههه هههههههههه ههههههههه
صاحب المدونه مش عايز تعليقات بيكتب لنفسه وبس
يلا برااااااااااااااااااااا


لالالالالالالالالا
حظك كان احسن من كدا
كتبت التعليق وماطلعش
كتبته تانى ...... برضه ماطلعش
هتكتبه اخر مره بقى وده من كرم اخلاقك
ماطلعش

ايه ده؟؟؟؟؟؟؟؟
اكتشفت ان اتعليقات لازم تاخد موافقه الاول

وانت عمال تبعت فى نفس التعليق وزمانه بيقول عليك عبيط




ها انا عملت 3 حركات رخمه فى المدونه بتاعتى
اولا لونها اسود فى اسود ورغم انها سودا بس عاجبانى اوىىىىىىى


ثانيا بقى حكاية انها اتقفلت معلش شويه كده وربنا يفكها من عنده
ثالثا التعليقات والحمد لله افرجت عنها وبعبر براحتك

حد شايف حاجه بايخه تانى؟؟؟؟؟؟؟؟
قول قول ماتخابيش

15 comments:

  1. انا هاكتب اول تعليق عشان اقولكم ايه اخبار دخول المدونه دلوقتى؟؟؟؟
    فيه ايى مشاكل؟

    ReplyDelete
  2. ولا حسيت بحاجة

    ههههههههههههههههه

    ReplyDelete
  3. السلام عليكم
    هو فى ايه بالظبط
    عامة انا مش فاهم حاجة
    بس ماشى ايميلى اهو
    kh_cyc2006@hotmail.com

    ReplyDelete
  4. يا اوختى كبرى دماغك اللى مش يعجبك مدونتة اوعى تفتحيها

    يلا ولا يهمك

    كفاية كدة عليكى المرة دى
    سلام يا قمر:)

    ReplyDelete
  5. هههههههههههههههههههههه

    عايزة افحمك و اصدمك و اقولك

    ان المدونة مفتوحه للكل

    هههههههههههههههههههههههههههههههههه

    يابنتى انتى شوفى الاعدادات كويس

    انا دخلت الاول قريت قبل ماسجل دخووووول

    ReplyDelete
  6. اه فعلا صحيح هههههههههههههههههههههه

    ReplyDelete
  7. dr.dead:
    بالهنا والشفا
    :)

    -----------------------------
    همس الاحباب:
    شكرا على الاميل
    وانشاء الله توصل الدعوه عليه قريبا

    ------------------------------
    زوجه عنيده:
    هههههههههههه
    اصل انا كنت بتغاظ اوى من الحركات دى
    وادينى عملت زيها
    ومتغاظه من نفسى
    ههههههههههههههههههههه

    ReplyDelete
  8. sweet violet:
    حبيبة قلبى انا عارفه انها مفتوحه دلوقتى
    مانا اللى فاتحاها
    اصل اسمهم ايه اياهم مش عندهم نت حاليا
    هيا هياهيا هياااااا

    المهم الدعوات توصل واهى تنفع وقت اللزوم

    -------------------------------
    dr dead:

    فين يابنى الاميل؟؟؟؟؟؟؟؟
    مهى كانت مقفوله امبارح

    ReplyDelete
  9. المدونه مفتوحه يابنتي
    ماتخديش راحتك اوي في الكلام
    يخرب عقلك حيرتينا معاكي
    هههههههههههههههههههه

    ReplyDelete
  10. ههههه
    والله بوست زي العسل
    ايه مستنقع الرخامه ده كله اللي عند المدونين؟
    بس والله معاكي حق, أرخم حاجه بتغظني فعلا نوضوع المودريشن ده يعني التعليقات متظهرش الا بعد موافقه مالك المدونه. تقوليش يعني مالك حتة أرض وخايف حد يبني عليها


    بلوج جنان وبوست رائع
    انا حاجز مكان هنا على طول ان شاء الله

    ReplyDelete
  11. بسم الله الرحمن الرحيم
    والله انا زيك بزهق جدا +من حكاية المدونات اللى ندخل نقرأ ونعلق فيها
    تلاقى آل ايه هتنشر التعليق بعد موافقة صاحب المدونه... على ايه يعنى ...طيب داحنا بنجبر بخاطرهم
    وبعدين قلت ...طيب والله ..مانا كاتبه تعليق عندهم تانى...ايه الغلب ده
    بس احنا ذنبنا ايه يا دكتوره
    احنا حبايب زى بعض ومابنعملش الحركات دى
    ربنا يخليكى رجعى المدونه زى ماكانت...واوعى تقفلى التعليقات
    وارجع افكرك بحديث رسول الله صلى الله عليه وسلم( عامل النماس بمثل ان تحب ان تعامل)
    والطيبات لله
    دمتى بكل سعاده

    ReplyDelete
  12. ممممممممممممممممممممممممم انا سيباللك كومينت هناك ياريت تبعتيلي دعوة بجد دمتي بالف خير

    ReplyDelete
  13. ممممممممممممممممممممممممم انا سيباللك كومينت هناك ياريت تبعتيلي دعوة بجد دمتي بالف خير

    ReplyDelete
  14. عاشقه وغلبانه:
    اخد راحتى يا حبيبتى واللى مش عايزه يدخل هسيبه على الباب بره

    معلش على الحيره معلش حقك عليا
    :)

    ---------------------------------
    احمد ابو العلا:
    الحمد لله انك دخلت بعد ماغيرت ال
    moderation
    على التعليقات
    انا كده براءه
    :)
    شكرا ويارب المدونه تعجبك دايما

    ---------------------------------
    الفراغ:
    والله حضرتك انا عن نفسى قفلتها لظروف طارئه
    وان شاء الله ماتتقفلش تانى
    وربنا يخليكى اجبرى بخاطرى كده على طول
    شرفتينى فى المدونه
    :)

    --------------------------------
    حروف:
    وصلت يا حبيبتى وبعتلك الدعوه
    ماتحرمش من زيارتك ابدا

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)