01 March, 2009

لااااااااااااااااااااااااااااااء

انا زعلانه
مكسوفه
حزينه

:(

النهارده بس فقدت شئ عزيز عليا جدا
عاش معايا اكتر من 8 سنين
منه لله اللى كان السبب
اتخطف منى ماكنتش اعرف انه هياخده
وماكنش فى وقت عشان اتراجع
انا اتاخدت على خيانه


انا مش عارفه كملت اليوم ازاى
ومشيت فى الشارع ازاى

كنت حاسه ان الناس كلها عارفه انه مش معايا
لو حد سالنى عليه اقول ايه
راااااااااااااااح

اورى وشى للناس ازاى ده
كان رافع راسى
كنت حاسه معاه انى مميزه

كان ليا لوحدى ... ماحدش يشاركنى فيه

مش عارفه اقول ايه ربنا يصبرنى على بعاده

انا مش عايزه احملكم همى
بس اكيد عايزين تعرفوا ايه اللى مزعلنى كده
انا هاقولكم بس خلوا قلبكو جامد

هوا


هوا


هو اصلا هى

هى




بطاقتى " الرقم القومى بتاعى"


عاااااااااااااااااااااااااااااا


اااااا..... قبل بس ماحد يتعصب ولا يتهور ولا يحدف حاجه

ايه؟
انا بحب بطاقتى

والنهارده اول يوم تبعد عنى

@@@@@@@@@@@@@

طيب هحكيلكم من الاول

قوووووووم ايه انا حبيت اجدد البطاقه حسب الاوامر الجديده
ولما رحت اختمها من الكليه الست الموظفه الهانم ضيعتلى الورق


قالتلى عدى عليا كمان يومين ادورلك عليه

رحت كمان يومين مالقتهاش
ايوه هربت منى وخدت اجازه اسبوع
كان نفسى ساعتها.....
يلا مش مهم

انا بقى رحت دورت فى الشغل بتاعها
لقيت الورق موجود وخلصان من يوم ماجيبته
ساعتها بقى كان نفسى .................. ولا برضه مش مهم

يوم ماكنت رايحه اتصور تعتبت جدا وماقدرتش اقوم من السرير
سامعه حد بيقول ان المشكله مش فى الموظفه بقى
سمعتك وعرفتك وهبعتلك الجدع بتاع جررررررررر فاكره

ماعلينا رحت بعديها بيومين انا وماما
ساعتها قالولى الموظفين مشيوا ابقى تعالى بدرى

شوفتوا البطاقه مش عايزه تسيبنى بتحبنى

النهارده بقى رشقتلهم من الساعه 9 هناك - مارضيتش اروح 8 لان اكيد مافيش موظف فيكى يامصر بيشتغل فى مواعيد العمل الرسميه- رحت لاقيت امة لا اله الا الله واقفه هناك مستنين برضه

ومن 9 ل11 على ماجه دورى
عشان ايه ؟ عشان واحده تاخد ورقى تشخبط عليه قال يعنى راجعته
كنت متغاظه منها اوى وهى بتشخبط بكل عشوائيه على الورق اللى انا ماحفظه عليه ومارضيتش حتى اتنيه عشان يدخل الشنطه

كل ده واستحملته
انما اطلع اتصور تقولى هاتى البطاقه لاااااااااااااااا
اقولها طب تاخدى صوره منها لا
طب اجيبهالك المره الجايه لا
اهئ اهئ اهئ

وخدوا منى البطاقه

عااااااااااااااااااااااااااااااااااااا

انا عايزه بطاقتى
فوتى علينا كمان اسبوعين

ودى كانت حكايتى اللى لسه مانتهتش مع البطاقه
****************************

والبوست ده كله عشان اقولكم روحوا جددوا البطاقات قبل اخر مارس
وكل سبع سنين وانتوا طيبين

20 comments:

  1. هههههههههههههههههه
    يا حلاوتك
    انا مش بخرج بلبطاقة

    ReplyDelete
  2. اول تعليق يا جدعاااااااااااااااااااااان

    ReplyDelete
  3. تسمحيلى احدفك الاول بحاجة

    لانى اول ما فتحت البوست شوفت
    صورة البيبي وانا بقرأ تخيلت هو دة اللى راح منك

    انا لسة برضة مش غيرت البطاقة سيباها انسة شوية كدة

    والجديدة هتتعودة عليها ولا يمهك

    تحياتى:)

    ReplyDelete
  4. ههههههههههه
    أنا فكرت الموبايل الي ضاع ولا ايه
    وقعتي قلوبنا
    يلا ربنا معاكي يارب تقدري تعيش الأسبوعين دول بدونها
    ههههههه
    مودتي

    ReplyDelete
  5. كل ده عشان البطاقه

    الا ليه يا بندقه تتجدد

    م انا مجددتهاش من ساعه م عملتها وبعدين صورتي فيها حلوه ومش ضامن انها تطلع كده تاني :(

    ReplyDelete
  6. ههههههههههه
    تصدقي معرفتكيش غير من العيال

    دمك عسل يا بنتي واللهي
    ولو عليا انتي مش محتاجه بطاقه اصلا :)

    ReplyDelete
  7. ههههههههههههههه
    راح

    راح
    خد البطاقه وراح

    بس على فكره صورتك اللى فى البطاقه تحت
    عسل قوى
    ليها حق تضيع

    ههههههههه

    ReplyDelete
  8. هي لازم تتغير ....؟؟؟

    انا تعبانه ومش فاضيه اغير حاجه


    ربنا يعوض عليكي عوض الصابرين

    ReplyDelete
  9. ياااااااااااااااه تتغير ..

    انا اساسا عملتها بعد السن القانونى للبطايق بحوالى 4 او 5 سنين ..

    يقولولنا كمان لازم نغيرها كل 7 سنين ..

    وبعدين ايه يا بنتى حبك الفظيع للبطاقه ده ..

    ده انا بكرها جداااااااا عملتها بس لانى لازم احتاجها فى التربيه العملى ولو مكنش كده مكنتش فكرت اعملها اصلا ..

    ReplyDelete
  10. ههههههههههههه

    انتي زيي انا بحب بطاقتي اووي

    ومش بخرج الا وهي بحضني هههههههههه

    ربنا يصبرك على بعادها و ترجع لحضنك قريبا

    بالتوفييق يا عسووولة

    ReplyDelete
  11. ههههههههههههههههههه

    كل ده علشان البطاقه

    انا عموما مش بمشى بالبطاقة اصل معايا كارنيه

    ((:

    بس ايه صحيح موضوع التجديد ده ؟؟؟؟

    انا لسه ماعداش على البطاقه بتاعتى سبع سنين

    ReplyDelete
  12. البطاقه
    اممممممممممم

    لا شكلك عشريه
    ربنا يعوض عليكى ياستى
    ههههههههه

    ReplyDelete
  13. انا عملت بطاقة علشان كتب كتابى ..

    واظن لو ماكنش كتب كتابى ما كنتش عملتها :D

    مش عارفة ليه عمرى ما سعيت للبطاقة .. سعيت لها للضرورة بس ..

    يادوب عملتها وبعد شهرين رحت جددتها بالبيانات الجديدة وهى دلوقتى مش معايا ..

    بس هو ليه التجديد ؟؟

    كل بطاقة وانتى بخير ..

    دُمتِ بخير ..

    ReplyDelete
  14. الحمد لله انا بطاقتي تقريبا معايا من سنه

    :D

    يعني لسه بدري ع التجديد

    علي فكره مش بغيظك و لا حاجه

    بس بطاقتي حببتي في محفظتي و النهارده هتبات في البيت مش برااا

    معلش يا بندقتي ..:D

    ReplyDelete
  15. البنت المشمشيه:
    هههههههههههه
    بتخرجى من غير بطاقه
    هبلغ عنك
    :p

    --------------------------------
    زوجه عنيده:
    اااااااااااااااااى يا عينى
    يا حبيبتى هو انا عارفه اجيبه عشان اضيعه
    هههههههههه

    ------------------------------------
    كاتب مصرى:
    ههههههه
    معلش حقك عليا

    ReplyDelete
  16. dr dead:
    هى مفروض تجددكل سبع سنين يا ديد
    اوامر عليا
    ولو على الصوره ماتخافش هما بيسئلوك لو عايز تستخدم نفس الصوره ماعندهمش مانع

    يلا يا سيدى روح جدد وانت مطمن

    ---------------------------------
    حصان برى:
    عيال مين
    :وش مزبهل:

    ربنا يخليك
    قولهم بقى يرجعولى بطاقتى

    --------------------------
    رومانسى:
    ياسلاااااااااام
    ياريت كانت صور البطاقه حلوه كده

    ReplyDelete
  17. عاشقه وغلبانه:
    مالك كده زعلانه ليه اوى
    بلاش تغيريها يا حبيبتى ولا يهمك
    :)

    -------------------------
    lonly girl:
    يا بنتى انا بحب بطاقتى وقلمى وموبايلى ومادليتى وساعتى ونظارتى وكل حاجتى بحبها اوى

    ----------------------------
    نواره:
    اخيرا لقيت حد زيى
    قوللهم يا نواره

    حبيبتى نورتى المدونه
    ---------------------------
    sweet violet:
    كارنيه ايه ده
    كارنيه النادى؟

    ReplyDelete
  18. nody_1987:
    شكرا ياحبيبتى

    ----------------------------------
    لجين:
    الف مبروك كتب الكتاب

    يا ستى التجديد ده اوامر عليا

    ---------------------------------
    ثلوج:
    ماشى يا ستى
    طبطبى عليها وغطيها كويس
    :D

    ReplyDelete
  19. يا ليلة بيضا كل دة علشان البطاقة
    طب فرضا فرضا ضاع منك الموبايل هتعملي فينا اية
    بلاش الموبايل سلسلة المفاتيح
    بلاش دة ولا دة الجتة اللي بتذاكري عليها ومطلعة عينها ردت فيها الروح
    هتعملي اية
    انتي بتتمرني في مستشفى الفيوم؟
    سؤال برئ جدا

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)