28 January, 2009

برتوكول الطبيب المسلم

الدكاتره ربنا يهديهم السنادى
متخصصين تضيع وقت
ومنهم اللى بيهرج ومنهم اللى بيتكلم فى حاجات مفيده

ولما ربنا يكرمنا بواحد ابن حلال كده يقول كلمتين حلوين
تلاقيهم دخلوا الدماغ على طول

زى دكتور من يومين كده قالنا حديث للرسول
اللهم صلى وسلم وبارك على محمد واله وصحبه وسلم

"كل المسلم على المسلم حرام... دمه و ماله وعرضه" صدق رسول الله


طبعا احنا خدنا الحديث ده زماااااااااان ايام المدرسه
بس الطريقه بقى اللى الدكتور فسر بيها الحديث فى مجال الطب دى اللى كانت جديده

قال
ان دمه تفسر : ان حرام انك تقوم باى تدخل للمريض يكون من غير فايده
حتى لو كان بسيط مثل شكة ابره او اشعه او اى تدخل ضره اكتر من نفعه

مش بس دمه يعنى انك تقتله زى ماكنا فاكرين
ان من قتل نفس بغير نفس فكانما قتل الناس جميعا

ماله تفسر: حرام انك تطلب اى تحاليل او اختبارات مالهاش لازمه
لمجرد انك متفق مع المعمل انك تنفعه او متفق مع مندوب شركة الادويه انك تكتب دواء معين مع ان فى غيره له نفس التاثير وارخص بكتير
وزيها العمليات اللى بدون داعى واهو برضه تنفع زمايلك

عرضه تفسر : دى بقى اخلاقيات المهنه فى انك تحافظ على المريض وتراعى شعوره كبنى ادم مش مجرد حاله مرضيه

قد ايه الدين الاسلامى جميل وشامل لكل نواحى الحياه
صحيح
الدين المعامله

9 comments:

  1. اول زيارة واول تعليق كمان يا فرحتى
    لولولولى

    ReplyDelete
  2. فعلا ديناا جميل اوى
    وشامل لكل حاجة الحمد لله
    الحمد لله الذى انعم علينا بنعمة الاسلام

    ReplyDelete
  3. اول زياره ليا هنا
    وشكلها مش هتكون الاخيره

    وعجبني البلوج قوي استايلو لذيذ

    بالنسبه للبوست مقدرش اقول غير يسلم فم الدكتور ده يارب الدكاتره تسمع ويتعظو والاهم يعملو بية ويبطلو شغل الجزاره اللي همه بيعملوه :)

    تحياتي

    ReplyDelete
  4. اه نسيت اقول حاجه انا بحمد ربنا اني مسلمه لان دينا دين شامل ونافع لاي زمان ومكان


    :)بس

    ReplyDelete
  5. تصدقي الدكتور ده محترم جدا لانه فعلا نادرا تلاقي حد الزمن ده ابن ناس.. كتير من الاطباء حاليا بياخدو الطب كسبوبة يكسبوا منها عيش ومش بيسيبو المريض الا لما يبيع هدومة
    من كام شهر اضطرين هنا اروح المستشفى اكشف على دور برد ولسوء الحظ كانت بطاقة التأمين الصحي مش متجددة.. تخيلي ان الكشف بس كان ب 300 دره (450 جنية مصري) وشريط برشام وقطرة كان تمنهم 200 درهم (300 جنيه).. بالذمة تبقى تجارة ولا لأ.. ويارتهم حتى اطباء يستاهلوا
    كفاية كدة المهم طمنيني على نفسك وحياتك
    تحياتي يا دكتورة
    ويارب يكون الطبيب ده قدوة لكل الشباب

    ReplyDelete
  6. البت المشمشية حلوة بس شقية:

    اهلا اهلا
    نورتى اول
    وتانى
    وتالت تعليق


    مبروك كسبتى معانا ربع جنيه مخروم
    :)
    ---------------------------------
    ريهام العربى:
    يارب ماتكونش الاخيره فعلا
    شرفتينى
    احنا فعلا شفنا السنادى جزارين كتير
    ----------------------------------
    فى حب مصر:
    سيبك انت من الدكاتره ووجع دماغهم
    انت ازاى يا استاذ تتعب -الف سلامه يعنى- وتروح لدكتور غيرى
    هو انا فاتحه المدونه دى ليه يعنى
    عشان احجز زباين طبعا
    :)

    ReplyDelete
  7. الحمد لله علي نعمة الاسلام
    نايس بلوج يا بنوتة

    ReplyDelete
  8. خطى تائهه:

    اهلا بيكى
    على فكره مدونتك جميله اوى
    بس ليه مش نافع اكتب فيها تعلق؟؟؟؟؟؟

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)