02 July, 2008

البقاء لله

انتقل الى رحمه الله فلان الفلانى"مش هتفرق الاسم يعنى" ربنا يرحمنا جميعا



صلاة الجنازه بعد صلاة العصر فى الجامع تحت بيتنا
ربنا يصبر اهله
والحمد لله مافيش صويت ولا صراخ

على العشاء اتنصب الصوان وطبعا لا عزاء للسيدات
مش عارفه ليه يعنى هما مالهمش نفس ... ماعلينا

انا طبعا فى مشوار حياتى الذى لا ينتهى
راجعه بيتنا ولاقيت الصوان والقرآن والله يرحمه
ماعرفوش طبعا ولا عمرى سمعت عنه
بس برضه ربنا يرحم جميع المسلمين .. مش هتبقى دنيا واخره يعنى

كان لازم طبعا اعدى من تحت العربيات بما انهم اخدوا كل الشارع عشان الصوان

وانا فى حالى بعدى من جنبهم والمفروض يعنى ان ده موقف عظيم لا يحتمل التهريج
الاقيلك اللى داخل العزاء يسلم ويقول: البقيه فى حياتك ده بيكلم ابن الراجل تقريبا او اخوه وانا ايه اللى عرفنى
رد عليه :حياتك الباقيه

انا سمعت من هنا وكنت هافطس على روحى من الضحك
بقى كده يا راجل
ده برضه جاى يعزى وياخد بخاطرك

طبعا بتقولوا تخاريف نوم برضه
ابدا والله انا دلوقتى فى كامل قوايا المش نوميه
:)

طيب خليكم معايا كده
واحد ابوه مات
يجى التانى يقولوا البقيه فى حياتك
يعنى ايه؟؟؟؟؟؟؟؟
البقيه = عقبال ماتخلص من باقى العيله ...
فى حياتك = تفضل انت قاعد على تلها

قام يا عينى الولد زعل انت كمان جاى تدعى على مامى واخواتى
وماسكتش ..اداهملو ..
حياتك الباقيه = اعملها انت بس وخلصنا منك ومالكش دعوه بالباقى
يعنى مافضلش غير حياتك انت عشان تخلصنا

طب يعنى ينفع كده؟؟؟؟؟؟
اتنين قاعدين فى عزاء والراجل لسه مدفون
والجو كله صفاء وروحانيات
يقوموا يعملو فى بعض كده ده كان فاضل يقسموا التركه على بعض كمان

عشان كده انا ملا بروح اعزى بقول ايه؟
البقـــــــــــــــــاء لله
عشان ماحدش يستنانى
:)

بس كده
شفتوا بقى التفكير المنطقى العقلانى العالى اوى ده
حد فكر فى الحكايه دى قبل كده
اى فوكيره


27 comments:

  1. الأخت الفاضلة : بندقة
    أسلوبك في الكتابة ساخر وجميل ويتميز بالتلقائية والمرح ..بس هل أنتي كده في الحياة ...أشك
    كل اللي بيضحكوا بيبقوا في الواقع نفوسهم حزينة...بس يارب ماتكوني منهم ....وتكوني مرحة بجدومايكونشي هروب من حاجات بتضايقك ..وربنا يسعدك يابندقة

    ReplyDelete
  2. رائد عبد السلام:

    اهلا بيك فى مدونتى الملخبطه دى
    انا بفرح جدا لما بلاقى تعليقات من مدونين جدد
    وبفرح جدا لما مدونتى بتعجبكم

    الحمد لله انا حياتى سعيده وبحمد ربنا عليها كده
    ماعتقدش انها ممكن تكون احسن
    يعنى الحياه لازم تمشى بحلوها وفلفلها وشطتها كمان لو استدعى الامر
    :)

    انا بس بحاول مافكرش فى اى حاجه تزهقنى

    شكرا على مرورك وياريت تشرفنى دايما

    ReplyDelete
  3. المعروف طبعا ان الجملة اللي بتتقال في الحالة دي هي البقاء لله.. لان البقية في حياتك معناها ان الراجل مات ناقص عمر وهو هياخد السنين اللي فاضلة يحطها على عمرة..

    وبعدين بدل ما انتي تقعدي تفكري في التحليل اللفظي لكلمة البقية في حياتك روحي عزي الست جارتكم.. سبحان الله شاغلة نفسك بحاجات غريبة.. ده دليل على حالة الفراغ الادراكي اللافكري..هههه والعلاج بسيط وبالمجان.. حبة باندول ونامي على طول.. هتصحي الصبح تلاقي نفسك زي الفل..ههههههههههه
    ربنا يرحم الراجل ويرحمنا جميعا..
    تحياتي

    ReplyDelete
  4. فى حب مصر:
    اممممممممم
    بقى هى البقيه فى حياتك يعنى باقى السنين تزود عمرك؟
    ماجاتش فى بالى كده خالص

    جديده برضه

    انا اروح اعزى جارتنا ازاى وهى ماتعرفنيش ولا انا اعرفها
    انت عايزنى ادخل عليها اقولها ده المرحوم كان غالى علينا كلنا
    تبصلى من فوق لتحت وتاكلنى
    لالالالالالالالا
    احنا كده كويسين خالص


    على فكره بقى البانادول بيصحى

    ReplyDelete
  5. لا جامد التفكير
    بس شكله كدا تهييس امتحان الاطفال
    الا انتى عملتى اية؟؟؟؟؟

    ReplyDelete
  6. طيب ربنا يجعلها اخر الاحزان
    وتفرحوا فى كل الموجودين


    ولا نقول ماجور ان شاء الله

    ولا نقول للفقيد الرحمه وللاسره الصبر والسلوان

    ولا نقول زى كركر
    شد حيلك
    شد ديلك


    تحياتى

    ReplyDelete
  7. كلنا لها

    الموت للجدعان

    ReplyDelete
  8. والله انتى مش طبيعيه:))
    بس معاكى حق لأن دينيا كمان البقاء لله مش البقيه فى حياتك
    الله لا يأخذ احدا ولسه له باقى او فكه:)
    تحياتى

    ReplyDelete
  9. هههههههههه

    اولا ربنا يرحمه ويرحمنا كلنا

    فعلا لازم نقول البقاء لله

    انا افتكر كنت واقف فى عزا مرة وكل اللى يقولى البقاء لله اقول له فى سري بابتسامة عريضة عقبال ولادك

    طبعا هما مابيفهموش انا بقول ايه

    مدونتك رائعة يابندقة واتمنى اتمنى انك تزرونى

    ReplyDelete
  10. البقاء لله هي الكلمة الدينة في التعزية وياريت للو نلتزم بيها
    وياريت كمان بقي لو نقول الصح لله ما اخذ ولله ما اعطي زي الرسول الكريم صلى الله عليه وسلم ماعلمنا
    تحياتي ليكي

    ReplyDelete
  11. البقاء لله هي الكلمة الدينة في التعزية وياريت للو نلتزم بيها
    وياريت كمان بقي لو نقول الصح لله ما اخذ ولله ما اعطي زي الرسول الكريم صلى الله عليه وسلم ماعلمنا
    تحياتي ليكي

    ReplyDelete
  12. ههههههههههههههههههه والله انتي تحفة يا قمر متتصوريش واحشاني اد ايه انتي وخفة دمك دي

    ReplyDelete
  13. هههههههههههه
    والله انا عمري ما فكرت في الحكايه دي
    انتي فصصتي العمليه كلها خالص
    ههههههههه
    علي العموم انا بقول البقاء لله

    تحياتي وبجد بوست جميييييييل

    ReplyDelete
  14. انا قريت الموضوع بصراحه مفهمتش حاجه هههههههههه

    بس اللى فهمته انك تقصدى ان الافضل اننا نقول البقاء لله وده كلام مظبوط فعلا و سمعت كمان ان حرام البقيه ف حياتك دى نقولها لان البقاء لله وحده و العمر لله وحده ايضا

    ReplyDelete
  15. أيون لاحظت نفس ذات الموضوع قبل كده يا بندقة

    ايه البقية في حياتك دي بجد حاجه غريبه وكلمة مش مفهومه بجد

    في المواقف اللي زي دي الناس بتقول البقاء لله
    عظم الله أجركم
    ان شاء الله ربنا يجعل مثواه الجنه حاجات كده يعني

    تسلم ايدك ع البوست يا قمر

    ReplyDelete
  16. اما موقف يموت فعلا
    بس يموت من الضحك
    هههههه
    تحياتي

    ReplyDelete
  17. This comment has been removed by the author.

    ReplyDelete
  18. هههههههههههههههههههههههه


    و الله عندك حق

    ههههههههههههههههههههههههه
    ههههههههههههههههههههه

    ReplyDelete
  19. السلام عليكم
    ازيك يا بندقة
    انتي فين
    هو العزا لسة موجود جنب بيتكم ولا ايه.. ههههههههه

    ليكي تاج عندي هدية تعالي خديه

    تحياتي

    ReplyDelete
  20. هههههههههههههههه

    سنه 5 دي بتعمل عماااااااااااال

    ReplyDelete
  21. هههههههههههههه والله انتى رايقه يابندقه

    يادماغك ههههههههههههههه

    ReplyDelete
  22. بندقه

    والله ووحشتنا بوستاتك اللذيذه

    جميل انك فكرتى بالاسلوب ده

    بس

    مين بيفكر كده
    الكل بيردد كلام بيتقال قدامه

    على رأى . شوقى .
    شعب ببغاء رأسه فى اذنه

    جميل الموضوع
    ومستنى مرورك الكريم عندنا

    تحياتى

    ReplyDelete
  23. انت فين من زمـــــــــــان

    تحياتى

    ReplyDelete
  24. طب ايه؟؟؟؟؟؟؟؟؟؟



    تحياتى

    ReplyDelete
  25. فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html

    ReplyDelete
  26. هههههههههههههههههههههه والله إنتي دماغ
    بس عجبني قوي تحليلك للموقف
    يلا البقاء لله

    تقبلي زيارتي الأولى ليكي وشكلها كدة إن شاء الله مش هتكون الأخيرة
    وكل سنة وانتي طيبة

    سلام بقى :)

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)