28 June, 2008

عدنا بحمد الله


الحمد لله بعد نكسه 16\6
طلاب «خامسة طب عين شمس» يتجمهرون أمام مكتب وكيل الكلية ويطالبون بإلغاء امتحان «الباطنة»

ربنا كرمنا النهارده فى امتحان الاطفال
وعوضنا خي
ر
بس ماحدش ينق فيها بس عشان لسه فى امتحان تانى 1\7

طبعا كل اللى حصل فى الامتحان اللى فات
كان كفايه اوى انى اكتئب واتقوقع وماكتبش حاجه كل الفتره اللى فاتت دى

بس الحمد لله انا خلاص اتعلمت الدرس
وماينفعش مع الكليه دى غير التناحه
يعنى مهما يعملو تانى ولا هياثر فيا
بعد ماشفت الغلابه اللى فى ثانوى عام بينتحروا

انا برضه هطلع دكتوره غصب عنهم

ماما حتى قالتلى انا عايزاكى يابنتى
ومش مهم ولا تقدير ولا درجات
وادتنى كارت اخضر عشان العب وبلاهه مذاكره ووجع دماغ

احلى حاجه بقى فى الموضوع ده
ان انا اتشهرت
اصل انا طلعت فى الصوره اللى فوق دى
والنهارده بقى ماكنتش ملاحقه على الجمهور اللى عايز منى توقيع

بس بقى ادعولى

6 comments:

  1. مهما كانت الامتحانات صعبة انتي قدها يا دكتورة بندقة؟؟
    بس ما قولتيش انتي مين من اللي في الصورة دول.. يعني لبسه طرحها لونها ايه.. علشان نعرف بس

    ربنا يوفقك في الامتحان القادم..

    ReplyDelete
  2. شكرا يا مصرى على تشجيعك ليا
    انا يا سيدى فى الصوره اللى مش باين فيها حاجه دى

    فى الوسط بطرحه لونها روز جنب الدكتور اللى رافع ايده وغطت على وشه
    الحمد لله انها مش غطتنى انا
    ههههههههههه
    ها وصلت؟؟؟؟؟؟ ولا الوصفه سهله

    بس ممكن تعتبرنى فى وسط الصوره وانا بمضى اتوجرافات الطلبه
    احم احم
    :)

    ReplyDelete
  3. ربنا معاكى هى خامسه فى عين شمس كدا وبعدين الدكتورة اميمة تخصص يعنى قتل طلبة
    شوفى امتحانا النسة اللى فاتت عملت فينا اية وانتى تعرفى
    سواء امتحان الwritten او cases

    يلا بالتوفيق يارب والف شكر لوقفتكم دى لانها دليل ان الطلبة لسه ليها صوت

    ReplyDelete
  4. ماتقاقيش هاتطلعى دكتورة شطورة انشاء الله
    بس ايه اللى دخلك عين شمس؟
    ماله القصر العينى يعنى؟

    ReplyDelete
  5. حمد لله على السلامه ربنا يكرمك ويوفقك ان شاء اللة فى ما بقى من امتحنات حلو الكارت الاخضر بتاع ماما

    ReplyDelete
  6. ربنا يوفقك و يكرمك يا رب
    عروس البحر

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)