13 June, 2008

دماغ ايه دى

ياربى الساعه 1:30 وانا ايه اللى مصحينى
مش عارفه
انا كده بقالى 20 ساعه صاحيه
وده مش من عادتى يعنى
انا بحب النوم مووووووووووووت
يعنى انام 20 ساعه ماشى
اصحى لا

مش عارفه ليه انا صايحه كده
نفسى فى خبطه على دماغى عشان انااااااااااااااام
كل البيت نايم

لا وفى كمان شعور مزعج بالجوع

وبرضه مش عايزه اكل
دماغى رافضه الاكل
عامله رجييم قاسى حاد اجبارى غصب عنى
عايزه ااااااااااااااااااااااااكل
ودماغى مش راضيه
ماما تقولى اعملك سندوتش........لا
طب كلى فاكهه.................لا
ولا حتى كوبايه نسكافيه
:((
انا مش عايزه اخس
انا كده هختفى
انا "مفروض" بذاكر وعايزه طاقه
بس برضه مش باكل

اعمل ايه بس ياربى فى حياتى
اذا كنت مش هاكل ولا انام
امال اعيش اعمل ايه بس

يمكن عشان انا زهقت النهارده
هكون زهقت من ايه يعنى ... اى حاجه ممكن تكون عبيطه وتزهقنى

طيب خليكم معايا
لما تكون مستنى طول الاسبوع عشان تنزل محل تشترى حاجه
وطول الاسبوع بتمنى نفسك ان هتجيبها خلاص وتتبسط
ولما يجى اليوم ده
تروح تلاقى المحل قافل
هيكون شكلك ايه

طب بلاش
خليه مفتوح
ادخل بقى ودور وهى فين؟؟؟؟؟؟؟
كانت هنا
انا شايفها هناالاسبوع اللى فات وكنت مخبيها عشان ماحدش ياخدها
وفجأه
اهيه
هييييييييييييييييييييييييييييييييه

ايه ده مش دى
لااااااااااااااااااااااااااااااااااااااااااااا
مش هى دى..... دى بايخه
بتاعتى كانت احلى من كده

اناعايز بتاعتىىىىىىىىىىىىى
ماليش دعوه


وبعدين تعرف ان اللى راح مابيرجعش
وتضطر تستنى وتمنى نفسك بيه تانى بعد اسبوع جديد

وترجع بيتكم
وتبقى حالتك زيى كده
لا عارفه انام ولا اكل ولا اكتب

طبعا انا مش كنت عايزه اشترى حاجه ده مثال توضيحى
يارب ماكونش توهتكم زياده بيه

انا بتكلم عن المسلسل الغلس الجميل اللى انا بحبه
وهما بيهرجوا ويعملو حلقات تشل
صبرنى يارب

16 comments:

  1. ايه ده يا بندقة.. دي هلوسة من قلة النوم ولا ايه..... انا مش فاهم حاجة بصراحة
    بس انا عازرك بصراحة.. مذاكرة وامتحانات وطب ممكن يحصل اكتر من كدة

    وبعدين يا أميرة النت انتي لما تحتاجي حاجة مش تستني اسبوع ولا تنزلي تدوري عليها بنفسك انتي بس تشاوري وهي تيجي لحد عندك...

    يلا قومي نامي والصبح انشاء الله هتبقي زي الفل، ولو كنتي جعانة ومكسلة تعملي حاجة ممكن أطلبك ديلفري على حسابي..هههههههه


    تصبحي على خير واحلام سعيدة يا سمو الأميرة

    ReplyDelete
  2. معلش معلش انتى هتجوعى نفسك عضشان المسلسل
    ماتعمليش عقلك بعقلهم وسبيهم انتى

    ReplyDelete
  3. صباح الخير يابندق
    ..
    ليكي 20 ساعة منمتيش
    انا بقعد بال 3 ايام صاحية
    والله يابندق كنت باخد 3 حبات منوم ومكنتش بنام برضه بس توقفت خفت يجري لي حاجة
    اغمض الله جفنيك واراح عقلك وبدنك
    بإذن الرحمن
    علي فكرة حكاية انك تستني حاجة ومتحصلش او تحصل بطريقة عكس توقعك
    ده الحال دايما ويايا تقدري تقولي تعاندني الاقدار..
    كلي فاكهة يابندق بس متكتريش اقصد شوفي جسمك محتاج كام سعر حراري وتناولي بالقدر المناسب
    ..
    ربنا يعدي ايامنا علي خير
    تحياتي يابندق
    ..
    دودو

    ReplyDelete
  4. فى حب مصر:
    صح هى فعلا كده تخاريف نوم
    :)
    يا سلام اطلب دليفرى واقعد اتفرج عليه انا بقى
    مهى المشكله انى ماليش مزاج اكل
    بس تسلم ايدك
    وانت من اهل الخير
    خخخخخخخخخخ
    ----------------------------------
    wanna b a physician:
    مش عايزه اعمل عقلى بعقلهم
    اصل هما اللى بيصبرونى طول الاسبوع عشان اشوفهم فى اخره
    هى حكايه ادمان شكلها كده
    ---------------------------------
    دودو:
    صباح النور يا دودو
    3 ايام يا بنتى ده كان يحصلى حاجه
    شكرا يا حبيبتى على الدعاء
    ربنا يتقبل منك

    ايه بقى كلام السعرات الكبير ده
    لالالالالالالالالالالالالا
    انا لما يجيلى مزاج اكل بديها
    سيبك انتى المهم النفس
    :)

    ReplyDelete
  5. سبحان الله
    ايه ده
    حاله نفس الى بتجيلى بالظبط
    يخلق من الحالات خمسه وتلاتين
    بصى يبنتى
    احسن حاجه فى مثل هذه الحالات
    تحولى تجعلى نفسك مسبهله
    اه مسبهله
    وكانك سورى فى الفظ يعنى عبيييييييييييييييطه

    ReplyDelete
  6. ازيك يا بندقة
    على فكرة ممكن تكون الحالة اللى انتى فيها هلوسة نوم
    فوقى للمذاكرة ونامى كويس عشان تبقى مركزة
    طبعا كلامى عامل دلوقتى زى كلام الاباء والامهات
    بس انتى عارفة انا مرة حاصلى موقف زى بتاع الشراء انا كنت شوفت قميص فى محل عجبنى قوى قلت هشتريه بكره فرحت المحل تانى يوم لاقيته مغلق مقلكيش حالتى كانت عاملة ازاى كنت مخنوق جدا لانى استنيت لتانى يوم احساس وحش جدا
    فنصيحة منى اللى نفسك فيه جبيه سواء بقى لبس او اى حاجة تانية
    اوعى تقولى هشتريها بكره او بعده او حتى الاسبوع القادم
    ولما تحسى بالجوع سيبك من الرجيم وكلى لان انتى عارفة احلى حاجة فى الرجيم لما تيبوظيه
    معذرة على الاطالة
    مع خالص تحياتى

    ReplyDelete
  7. اول مره ليا
    عجبني اسم مدونتك
    Me,Myself and The World

    بس اللي جابني اكتر اني مسميه نفسي بندقه في مكان تاني فاستغربت
    قولت اكيد الدماغ فيها شبه

    يابنتي ادخلي نامي
    يعني لا اكل ولا نسكافيه ولا حاجات عايزاها تتحقق
    وكمان مفيش نوم
    الاعراض دي انا عرفاها
    ده تهيييييييييييس من الاخر

    الروشته
    اشربي ميه 3 مرات بعد الاكل وبين الوجبات
    ولو مفيش وجبات يبقى قبلها
    وطبعا لو كانت الوجبه رز مع الملايكه
    يبقى 5 مرات
    ههههه

    ReplyDelete
  8. سموك انا ما قولتش تطلبي ديلفري.. انا قولت انا أطلبك ديلفري ويجي لحد عندك؟؟

    وان كان على حكاية النفس دي أهي هانت كلها كام يوم وتخلص الامتحانات ونفسك تتفتح؟؟؟

    وبعدين قلة الاكل كويسة ومطلوبة علشان الرجيم..

    تحياتي

    ReplyDelete
  9. بندقه

    اولا احب اطمن عليك وعلى اخبارك
    والله وحشتنى مناقشاتك اللذيذه

    جميل البوست رغم انى تهت فى الاول

    طمنينا عليكى

    وعارف ان اعتذارى عن التأخر والغياب مش هيكون كافى

    بس انشاء الله هتشوفي بوست جديد قريب

    ReplyDelete
  10. ايه يا بندقه
    مالك ومال المسلسلات
    اللى مصممة علشان تجيب تخلف عقلى
    شوفى ميكى احسن زيى
    تحياتى

    ReplyDelete
  11. السلام عليكم
    اول زيارة ليا
    ههههههههههههه
    كل ده علشان مسلسل
    بس عارفة انا كمان كده
    :D

    ReplyDelete
  12. Anonymous:
    طيب لما الحاله 35 جت معاك مش كنت تقولى انت مين؟؟؟؟؟؟؟؟؟؟؟
    -------------------------------
    حــــــراء:
    هى فعلا كان شكلها تخاريف نوم جامده جداااااااااا

    طيب اللى نفسى فيه هاجيبه بس اجيب المسلسل منين
    :(
    ------------------------------------
    زُمُرده :
    بجد نورتى المدونه

    حلو اوى الارز مع الملائكه ده
    انا بحبه
    ----------------------------
    مصرى:
    ياسلام على زوقك يامصرى
    بجد قدها وقدود يعنى
    بس هطمع فيك فى دليفرى برضه
    استنى اما افكر فى حاجه اكبر شويه
    ---------------------------------- samo:
    اخيراااااااااااااااااا
    ياه
    دانا مفروض اوزع شربات انك رجعت
    فينك يا دكتور من زمان
    يادى الكليه اللى مضيعه الدنيا دى

    مافيش اعتذار ولا حاجه طبعا
    منتظره البوست الجديد
    :)
    ---------------------------------
    كلام على بلاطة:
    ميكى
    اه
    ماما مش بترضى
    :((

    اهلا بيك فى المدونه
    ----------------------------------- fatma :
    يابنتى اصلا مافيش حاجه تصبرنى على الغلب ده
    غير المسلسل اللى بقولكم عليه
    ولما يطلع هو كمان عليا
    يبقى حرااااااااااااام

    شكرا على تشريفك لمدونتى الصغننه

    ReplyDelete
  13. دا نتيجة قلة النوم بتجيب قلة تركيز بس خلى بالك احسن الموضوع يقلب بقلة عقل يا بنتى دا انا تهت ومش عارفة ارجع اه يا دماغي يلا قومى نامي احسن ممكن ترجعى عن الكلام اللى بتقوليه ده وتقولى كلام مفهوم او على الاقل يسهل ترجمته

    ReplyDelete
  14. على فكرة انا لما مش بنام بيحصل اكتر من كدا
    خير خيييييير
    بس لازم تكوني مثابرة اكتر
    يعني ملقيتيهاش متفقديش الامل
    خليكي وراخا لحد متزهقيها وتجيبيها
    ولا انتي سيرينديبية
    :D

    ReplyDelete
  15. كل اما احاول اركز في حاجه الاقيكي دخلتيني في حاجه تانيه

    شوفيلي دوا بقي علشان الدوخه دي

    انا زيك برضه بحب انام اوي مبتسمعتش غير لما اقفل الساعه
    تحياتي

    ReplyDelete
  16. اه
    فهمت...طيب انتى كتير بتحسى انك عاوزة حاجه مش عارفه هى ايه؟

    طيب احيانا بتحسى انك مخنوقه ومش عارفه السبب؟
    واحيانا قلقانه ومش عارفه ليه؟

    طيب نفسك بتهفك تاكلى حاجه وفجاءه تبقى مش عاوزة تكليها؟؟؟؟

    كده انتى ....هوبلس كيس.... فهمه
    عيشى بقى وافرحى بنفسك
    وخالى الجيران يزغرتوا

    يا خسارتك فى الطب يا ختى

    ههههههههههههه
    انتى عامله دماغ قله نوم وشويه كابه من طول العام الدراسى
    الا هو انتى فى سنه ايه
    ماداهيه الا تكونى فى تالته
    وبكده يبقى الموضوع خرج من ادينا

    تحياتى

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)