04 May, 2008

تاج تو



سلام عليكم
انا جيت تانى
ومعايا تاج تانى
ايوه واحده مريشه ومعاها تاجات كتير


التاج ده بقى من مدونه اهو اى كلام
عن العزوبيه
يلا بينا

ما رأيك فى الجملة التى تقول ...العزوبية تاج على رؤوس العزاب لا يراه الا المتزوجين؟

اه ساعات فعلا بيكون كده وساعات برضه بيحسد العزاب المتزوجين
وده بيحصل مع البنات اكتر كمان
عشان طول ماهى لسه بنوته غلبانه وقاعده فى البيت وكل الناس بتتامر عليها اخوها وابن عمها و....
بس بقى لما تتزوج هو واحد بس اللى هيكلمها وهى هتعرف تسكته
:D


ما هى العوائق من وجهة نظرك التى تحول بين الشباب والزواج هذه الايام ؟

يعنى واحد مش عارف يشتغل ويصرف على نفسه هيتجوز ازاى
هى حاله البلد الاقصاديه والبطاله وارتفاعه الاسعار اللى فى كل مكان ده مش هيدى للشاب فرصه اصلا انه يفكر فى الزواج
بجد يعنى ربنا يكون فى عون الشباب لانهم مهما كان عليهم عبئ كبير
ده كفايه حتى شكله وهو راجل ولسه بياخد مصروفه من والده شكله قدام نفسه حتى
انما انا بقى هاخد مصروف من ماما وبابا وعمو وخالو
ولا يهمنى انا بنوته



من وجهة نظرك هل النكد موجود فى العزوبيه ام فى الزواج ؟ ولماذا ؟

النكد
يا سلام على النكد
هوانت مش عايش فى مصر ولا ايه
ده لولا بس ان المصريين بيحبوا الضحك كان زمان حالتنا وحشه اوى
بس يعنى عشان الناس تعبانه بيبقوا مضدايقين وزهقانين

بس انا لا بحب النكد قبل الاكل ولا بعده


ما الحل من وجهة نظرك لمشكلة (( العزوبية )) فى مصر ؟؟

الحل ان الحكومه توزع شقق على بطاقه التموين
ويشغلو الشباب الغلبان ده
والاهالى بقى تساعد ولادها وامرهم لله
والناس اللى تتجوز تعمل حسابها على اليوم ده وتراعى مصلحه عيالها وتربيهم كويس وماتجيبش عيال كتير


من وجهة نظرك ....هل للعزوبية مميزات وعيوب ؟

احلىى حاجه فى العزوبيه انك حر
لا شايل مسؤوليه حد ولا حاجه
يعنى جعانه وماليش مزاج اعمل اكل
مش هاكل
مش مشكله ماوراييش عيال بقى بتعيط ولازم اكلهم
عايزه انام هنام
عايزه اخرج هخرج -بس هاقول لماما طبعا :)
عايزه اتفرج على الفيلم مش هلاقى واحد يقولى لا هاتى الماتش

ما هو رأيك فى انشاء مدونة (( رابطة )) للعزاب من المدونين ؟؟؟

لا انا مش بحب فكره المدونه المتخصصه دى
دمها تقيل على قلبى
بحب المدونه تعبر عن صاحبها
يكتب زى مايحب
وفى فعلا مدونات بتكتب عن حكايات الجواز والخطوبه وكده
كلها اعاده وخيال


أخيرا ....لمن تمرر هذا التاج ؟؟؟

لكل اللى يحبه
التاج ده
FREE OF CHARGE


8 comments:

  1. السلام عليكم
    ازيك يا بندددقة
    حلوة اجاباتك بنوتاتى خالص عيزاهم يوزعوا شقق على البطاقة صح النوم يا بندقة صح النوم
    ههههههههههههههههه
    كل التحية يا ست البنات

    ReplyDelete
  2. ازيك يابندق ياجميل
    عارفة انتي خليتي التاج دمه خفيف اوي
    عارفة عجبتيني اوي والله لما قلتي الجملة
    :
    عشان طول ماهى لسه بنوته غلبانه وقاعده فى البيت وكل الناس بتتامر عليها اخوها وابن عمها و....
    بس بقى لما تتزوج هو واحد بس اللى هيكلمها وهى هتعرف تسكته
    :))))))))))))
    تستاهلي اكس وعشرة علي عشرة علي الاجابة دي وحدها
    ..
    وكمان حكاية بطاقة التموين دي ياريت والله
    ..
    يارب يابندق يرزقك بالي يقدرك ويفهمك ويحبك
    قولي امين
    الله حافظ
    ..
    دودو

    ReplyDelete
  3. السلام عليكم
    معلش لو كنت اتأخرت عليكي يا أميرة النت
    حلو موضوع العزاب ده بصراحة بس
    انا نفسي أعرف بيحسدوا العزاب على ايه بس؟؟؟؟؟؟
    المشكلة مش بس امكانيات وفلوس لا المشكلة الاكبر هي الاختيار الصح؟؟؟؟؟؟؟؟؟؟؟؟؟؟
    ياريت بقى لو عندك حل لمشكلة الخيارات دي تقوليلي والنبي..هههههههههه

    ReplyDelete
  4. مع الاسف نا مليش في التاجات بس مستني ردك الكريم علي موضوعي بعد غيابي
    تحياتي

    ReplyDelete
  5. يعني انا كل يوم ادخل علشان اشوف ردك على التعليقات مش بلاقي حاجة

    سموك بقى هتردي امتى عليها؟؟؟؟؟؟؟؟

    عايز اعرف الترشيحات والخيارات اللي عندك..هههههههههه

    ReplyDelete
  6. ههههههههههههه للأسف ازور المدونة تانى مرة والاقى تاج بس لازم ارد

    تاج حلو وإجابات أحلى ودمها خفيف

    د/هيما

    ReplyDelete
  7. تاج حلو بس كفايه بقي تاجات وهاتي بوستات :)

    ReplyDelete
  8. حل الشباب ابسط من كدا بكتير ...

    حيجري ايه لو ولع في نفسه ؟؟؟؟

    والله الواحد سعات بتصعب عليه نفسوه

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)