04 May, 2008

ايه ده

السلام عليكم يا مدونين يا حلوين

بصراحه يعنى انا مش عارفه انتو ازاى صابرين على االمدونه دى

انا كل يوم ادخل اشوف
مالقيش ولا بوست جديد ولا صوره جديده ولااى حاجه
هى المدونه دى مالهاش صاحب يسال عليها ولا ايه


بجد يعنى كتر خيركم انكم لسه فاكرينها


بجد
مش عارفه ليه مش كتب فى مدونتى حبيبتى
رغم انى عندى فى دماغى حاجات كتير عايزه اقولها
وكمان كتير بزهق وابقى عايزه افضفض فيها
بس ساعه الزهق
حالتى لا تسمح
وكمان عندى تاجات اصحابها هيموتونى قريب
ايه رايكم نبدا بالتاجات عشان ماحدش يبقى ليه حاجه عندنا



ان شاء الله البوست الجاى
هههههههههههههههه
كنتوا فاكرين انى هعملمه بسرعه كده ولاايه

بس سيبكو بقى من التهريج وقولولى
هو احنا عاملين المدونه ليه
عشان نكتب فيها كل اللى نحس بيه

امال انا ليه مش عارفه اكتب
كل مالاقى حاجه مزهقانى بلاقينى ببعد عن كل الناس وكل حاجه وبحب اقعد لوحدى
وكمان بحس انى مش لازم ازهق الناس بزهقى
يعنى لو لاحظتوا كده
هتلاقو كل امواضيع فى المدونه تهريج

اكيد يعنى انا مش عايشه فى حياه ورديه مختلفه عن كل الناس
بس يمكن مش بعرف اعبر عن زهقى

وخصوصا انى لما بزعل مع حد لا بعاتبه ولا بقول له
ولا حتى بسامحه
مجرد انى ببعد عنه شويه لحد ماانسى
هو كده صح ولا لا ......... مش عارفه

فى ناس بتحس ان كده غرور منى
بس انا مش كده

يلا بقى بعد كده كل المدونه نكد فى نكد
عاااااااااااااااااااااااااا

مش بحب النكد
ماتخافوش
اصلا انا مش بعرف ابقى كئيبه
ولا بعرف اتكلم عن الزعل والحزن والحاجات السودا دى

انا مهما حد زعل منى او زعلته برضه بصالحه بضحك وتهريج
امال يعنى فاكرينى هتحايل عليه؟؟؟؟؟؟

يلا باى
كفايه كده

8 comments:

  1. بندقة بندقة بندقة
    كيفك ياجميل
    انا هستني البوست الجديد ده
    وصحيح انتي بتكتبي قليل بس ال بتكتبيه جميل عشان كده احنا بنيجي
    ربنا يوفقك
    ..
    دودو

    ReplyDelete
  2. شفت فيكى الخير ولسه بتسالى عليا ازاى

    منوره والله

    ان شاء الله قريب اكشفلكم عن سر انقطاعى عن المدونه كل شويه

    ReplyDelete
  3. هههههههههههههه

    يا بنتي انا من بعد بوست الفيستا قولت يظهر اختها خلتها تحرم تمسك الجهاز

    حمد لله علي سلامتك

    ReplyDelete
  4. ايه يا عم ديد انتن نسيت ان انا الكبيره ولا ايه

    ده انا ابوظه واقفله وماحدش يقعد عليه كمان
    براحتى يعنى

    الله يسلمك يا دكتور

    ReplyDelete
  5. السلام عليكم
    ازيك يا بندقة
    هو انتي عندك حق ان احنا صابرين عليكي.. انا بدخل عندك كتير ومش بلاقي اي حاجة .. اقول لنفسي معلش يمكن عندها امتحانات.. لازم نستحملها دي برضة في سنة خامسة طب.. وبتوع طب ما ما حدش بياخد عليهم.. ربنا يصبرهم ويصبرنا عليهم..هههههههههه

    والتاج اللي انت اخدتيه مني لازم تجاوبي عليه في أسرع وقت ممكن.. ده تحذير شديد اللهجة يا دكتورة.. قدامك مهلة تلات سنين علشان تجاوبي عليه.. انا مستني..هههههههه
    نيجي بقى للموضوع.. هو فعلا الواحد ساعات كتير يخاف حتى يعبر عن اللي جواه.. بس ده مش كويس لانه بيصنع انسان انطوائي متقوقع في ذاته.. لازم نخرج اللي بيدور جوانا علشان ما تبقاش عندنا عقد..
    انتي فعلا انسانة جميلة ورقيقة، بس خليكي جريئة اكتبي كل اللي بتحسي بيه، سواء كان كويس او وحش، عبري عن نفسك واشركي الناس في أفكارك.
    صفاتك الشخصية فعلا جميلة، انسانة مرحة وجادة، بس ياريت لما تاخدي موقف من حد او تزعلي من حد تعرفيه ايه غلطة، ومش تاخدي جنب كدة من غير ما تعرفيه انك زعلتي، لان فيه ناس كتير ما بتعرفش هي غلطت في ايه؟

    انا في انتظار البوست الجاي، وطبعا هيكون رد على أسئلة التاج يا أميرة النت.

    تقبلي مروري

    ReplyDelete
  6. المدونة هي الطبيب النفسي الجديد للجميع فبدل ماندفع دم قلبنا عشان نتمدد علي الشيزلونج ويقعد يسمعنا دكتور عمال يبص في ساعته عشان يحاسبنا بالثانية خلقنا نحن مدوناتنا لنفضفض ونجدمن يستمع لآهاتنا دون أن يطلب المعلوم
    مع تحياتي

    ReplyDelete
  7. صباح الخير يابندق
    فين التاج؟؟
    انا داخلة ادور ملقتش
    قليلي بسرعة وينه؟؟
    علي فكرة بوست ويندوز الفيستا ده حلو اوي
    خلاني ابتسم
    :)
    تكرم ياقمري

    ReplyDelete
  8. بندقه
    اسمك حلو
    اجاباتك حلوه اي
    اسلوب كتابتك جميل اوي اوي
    ان شاء الله بالتوفيق
    اتمني تشرفيني

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)