04 May, 2008

تاج ون

التاج ده من المصرى الغلبان
هو ادانى فرصه 3 سنين عشان اجاوبه وتمت بحمد الله فى اقرب فرصه
مبسوط يا مصرى
:)
الحمد لله
نبدا



أذكر 10 أشياء عن نفسك

يا سلام عليك يا مصرى
انت جيت على اكتر حاجه عامله مشاكل فى حياتى
انا مش بعرف اتلكم عن نفسى
ودى اكتر حاجه بتزعل ماما منى
بتقولى مش فاهماكى

ماعلينا نحاول
وابقى اقول لماماتيجى تقرا البوست
على بركه الله


10 اشياء عن نفسى ؟؟؟ امممم

1- بحب الضحك والهزار دمى خفيف بشهادة الاهل والاقارب


2- كمان بحب الالتزام فى العمل والاتقان
ماينفعش اعمل حاجه من غير ماكملها للاخر ولازم تتعمل صح حتى لو كانت صعبه
لانى بحب كل حاجه تكون صح
شعارى دايما : دعونا نعمل فى صمت
وبعد كده نهرج ماشى .. بس الجد جد


3- بحب مساعدة الناس والحمد لله مش بنتظر من حد حاجه ولا حتى شكرا
عشان هو كمان ماينتظرش انى لازم وحتما وضرورى انه هعمله اللى هو عايزه فى الوقت اللى هو عايزه
لا
كله بمزاجى انا
والحمد لله برضه مش عايزه من حد حاجه
ومش هزعل لو حد قالى لا
حقه

4- بحب دايما احافظ على مظهرى يكون محترم وشيك
مش عشان الناس لبست جينز درتى يبقى هالبس زيهم
مش عشان البنات دلوقتى كل لبسهم شويه قماش مقطع وملزق فى بعضه يبقى دى الموضه


5- يبقولو عليا عنديه جدااااااااااااا
يمكن اه
بس يعنى مين غيرى هيعرف انا عايزه ايه


6- حاجه مش لذيذه بقى انى مش بعرف اقول كلام مزوق
يعنى اللى فى قلبى على لسانى على طول
مابحبش اشوف حاجه غلط واسكت عليها فى حاله لو هتمسنى انا
مش عارفه ليه الناس غاويه ينضحك عليها بمزاجها
منعيش الواقع شويه


7- بكره الكدب والنفاق والمجامله
كلهم عندى مرادف واحد
بكره الكسل وانعدام الضمير والفهلوه اللى مصر عايمه فيهم


8- بحب اعيش كل يوم بيومه
مش بعرف افكر لمستقبلى جامد

9- مابحبش المفاجات خالص... ولا بحب التغير
بحب ارتب لكل حاجه فى عقلى الاول وبعدين اعملها
ماينفعش امشى فى موضوع قبل ماعرف هيخلص ازاى


10- هيييييييييييييييييه اخيرا وصلت للاخر
بحب العب رياضه رغم انى عمرى ما لعبت حتى بلى
بحب اكل حلويات لو حتى طول النهار
بحب الانجليزى جدا
بحب النجاح ونفسى اكون دكتوره شاطره وربنا يوفقنى
بحب اصحابى رغم انهم مايستهلوش
بكره اى انسان مغرور او متعالى
وبكره الغباء اوى

ماما بتقول ان الناس لو حبت بعضها كل حاجه هتبقى كويسه
انا بقولها لا
لو كل واحد عمل اللى عليه بغض النظر عن انت بتخدم حبيبك ولا عدوك الدنيا هتمشى صح
مش لازم نحب بعض عشان نقوم بواجبنا تجاه الاخرين

الظاهر رقم 10 فتح معايا جامد
حظكم بقى انا ماكنتش عارفه اكتب ايه فى الاول


اختر 5 أشخاص تهدى لهم التاج

paraniod,magnetic and dramatic girl
رغايين سبوت :honda
انسانه
dr.dead اهو اى كلام :
سكاى


لا تهدى التاج لمن أهداك اياه
اكيد يعنى .. بس افرض حب يغير رايه ويكتب كلام جديد؟؟


أترك لصديقك الذى أهداك التاج بان التاج نزل وتعالى شوفه
حااااااااااااضر


حلو الكلام ؟
لسه فى تاج كمان جاى فى السكه
ان شاء الله

13 comments:

  1. ههههههههه ايه يابنتى مش لازم الناس تحب بعض ازاى ده الحب جميل جميل الحب هههههه
    ومتشكره ع تمريرك التاج وانا هحطه مع الشوية الى عندى لحد الافراج سوريز
    :D

    ReplyDelete
  2. مبسوط جدا يا بندقة طبعا
    أنا مكنتش أتوقع أبدا السرعة دي في الاجابة على الأسئلة.
    وبما اني اجابات كلها عبقرية فأنا قررت منحك لقب أميرة النت والتاج ده بقى ملكك هديية مني.
    بس ازاي تضحكي عليا
    قال ايه ما بعرفش اتكلم عن نفسي
    ده أنا طلعت جنبك ولا حاجة خالص..هههههه
    نيجي بقة للإجابات

    بحب الضحك والهزار دمى خفيف بشهادة الاهل والاقارب
    وأنا كمان أشهد ان دمك خفيف جدا جدا ودي حاجة صعب تلاقيها في الزمن النكدي ده.
    حب الالتزام فى العمل والاتقان وحب مساعدة الناس وكره الكدب والنفاق.. كلها صفات اساسية في طباع الملوك والأميرات يا أميرة النت.

    بحب دايما احافظ على مظهرى يكون محترم وشيك (دي بقى عجبتني جدا فيكي وفكرتني بحديث الرسول لا تكن إمعة إن أحسن الناس أحسنت وإن أساءوا أسأت)
    حكاية انك عندية وما بتعرفيش تقولي كلام مزوق، مش حاجة سيئة بالعكس حاجة جميلة ودليل على الطيبة
    بحب اعيش كل يوم بيومه(دب بقى مش عارف أعملها أنا بالعكس أنا دايما تفكيري رايح لبكرة وعلشان كدة تلاقيني مكتئب دايما ههههههه)
    صفاتك في اجابة السؤال رقم عشرة كلها جميلة جدا جدا

    أنا بقى ما أقدرش أقول بعد ده كله، غير يا بخته وهتكون أمه دعياله ليل نهار بالتأكيد

    تقبلي مروري يا أميرة النت

    ReplyDelete
  3. بالمناسبة يا بندقة هو بعد ما تخلصي امتحانات سنة خامسة وتنجحي انشاء الله هيبقى فيه دراسة تاني ولا كدة تبقي خلصتي وبقيتي دكتورة

    ReplyDelete
  4. أولا ما شاء الله مدونة مميزة و مضمون فعلا متميز .....

    ثانيا أدعوك لدخول مدونة الصحبة الشبابية و مشاركتنا أرائك و أفكارك بل و تعليقاتك و خاصة بموضوع

    الشباب و التغيير فى مصر

    أرجوك كن اجابي ولو برد لأن شرف ليا اني أشوف تعليق عندي أرجوك متحرمنيش ردك و تعليقك ,, رجاء مش أمر " يا تري حتكسفني ولا لأ " ....

    و عموما ... جزاك الله خيرا علي أي حال

    http://so7bah.blogspot.com/

    ReplyDelete
  5. صباح الفراولة يابندق
    ..
    انا استلمت التاج
    واشكرك جدا لانك ذكرتيني ضمن المستلمين له
    ..
    هقلك حاجة
    معظم الحاجات الي قلتيها عن نفسك فيا
    عندية محدش بيفهمني بحب الانجلش مش بعوز حاجة من حد
    وحاجات تاني كتير
    اجابتك في محلها واحلي مافيها الصدق والتلقائية
    اشكرك يابندق
    انا هقلك بندق مش هقلك بندقة لاني اسم بندق بحبه اوي ولايق اكتر
    :)
    شكرا ياجميل

    ReplyDelete
  6. بندق ادخلي بقي انا جاوبت التاج خلاص
    بشكرك تاني ياجميل

    ReplyDelete
  7. هههههههههههه

    حاضر ياست بندقة هاخد التاج شكررة لتمريره ليا :)

    تعالي بقى لاجاباتك :

    ايه يابنتي الكلام الجامد ده

    بس تصدقي فيكي صفات مشتركة بيننا كتير
    الظاهر هنعمر مع بعض يابندقة :P

    لا بجد عسولة ياقمراية

    ولما اشوفك بكرة هبقى اقولك كلام كتير :)

    ReplyDelete
  8. هوندا:
    انا مش قصدى مانحبش بعض
    بس مش شرط اننا نتعامل مع بعض كويس بس عشان بنحب بعض

    انتى عامله حبس انفرادى للتاجات عندك ليه يابنتى؟

    -----------------------------
    فى حب مصر:
    يا سلام على زوقك يا مصرى
    انا اجاباتى عبقريه
    ده انا طلعت شخصيتى كلها شوربه

    بس انا بعتز اوى باللقب الجميل ده منك
    وقريبا كده يظهر للنور

    بجد يعنى مش عارفه اقول ايه بعد كلامك الرائع ده عنى

    بس اكيد امه مش هتكون دعياله اوى كده يعنى لمايعرف انى مش بحب الطبيخ
    هههههههههههههههه


    ياريت يا مصرى اكون خلصت
    لسه فى سنه 6 كمان
    ربنا يصبرنى يا رب

    -------------------------------
    احمد كجول:
    شكرا احمد ومنور المدونه
    يارب ماتكونش اخر زياره
    اكيد هزور مدونتك
    ---------------------------
    دودو:
    حلوه صباح الفراوله دى
    ههههههههههه

    مبروك التاج يا جميله
    وماشى بندق حلوه منك
    ايه الاسامى الجديده اللى بتجيلى دى !! كلها حلوه
    -------------------------------
    skymad:
    سكاى منوره مدونتى يا جدعان
    ايه الهنا اللى انا فيه ده
    ياسلام يا سكاى هو انا هلاقى اعز منك امررله تاج
    جاوبيه انتى بس وانا اديكى التانى
    هههههههههههههه

    بس انا شوفتك النهارده وماقولتيش فيه ايه بينا مشترك
    غير الدرس طبعا
    ;)
    قوليلى بقى مش تنسى اوكى؟
    منتظراكى يا عسل

    ReplyDelete
  9. هههههههههههه
    البوست حلو وجميل
    والاجابات رائعه
    مع ان الاسئله طويله ومن خارج المنهج
    دى غير انهم مش مصرحين بالغش
    او باصطحاب المجلدات والمراجع

    اجاباتك حلوة وعقليه جدا
    ودمها خفيف
    تحياتى

    ReplyDelete

  10. جيت أسلم بس

    تحياتي

    ReplyDelete
  11. - بحب مساعدة الناس والحمد لله مش بنتظر من حد حاجه ولا حتى شكرا
    عشان هو كمان ماينتظرش انى لازم وحتما وضرورى انه هعمله اللى هو عايزه فى الوقت اللى هو عايزه
    لا
    كله بمزاجى انا
    والحمد لله برضه مش عايزه من حد حاجه
    ومش هزعل لو حد قالى لا
    حقه

    :) ايه البلضجه دي !!!!!
    حلوه قوي البساطه في الردود

    ReplyDelete
  12. ممكن:
    فعلا والله عندك حق الاسئه بره المنهج
    وانا هطالب باعادة تصحيح
    :)

    منور المدونه
    --------------------------
    اريك مات:
    اهلا وسهلا ومرحبا
    تسلم فى اى وقت زى مايعجبك
    تصدق انا برضه شبهت على الصوره
    بس ايه الحكايه؟
    هو انت كل سنه فى مدونه جديده ولا ايه

    عموما فيك الخير انك لسه فاكرنا يا "اريك" ده اسم ده ياراجل؟
    --------------------------------
    حصان برى:
    مش بيفتكرنى غير لما اروحله الاول
    ماشى خليها علينا
    :)

    فين يا سيدى البلطجه دى؟
    مجرد انى عارفه حقى ومش هتنازل عنه
    انا ليا مساحه من الحريه متمسكه بيها
    هعيش حياتى زى ما احب وقت مااحب
    بس كده

    ماتنساش تزورنى تانى فى حدود ال10 شهور الجايين
    ;)

    ReplyDelete
  13. ماشي يا ستي هرد عليه مع انه متاخر بس عشان الظروف انتي عارفه

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)