16 April, 2008

vista











فى حاجتين بيخلوا اختى تصوت منى
1
الكمبيوتر


طيب انا بكل حسن نيه نزلت فيستا




وسطبتها وخليت شكل الكمبيوتر زى العسل
وثيمات بقى وديسك توب
وحاجات حلوه خالص


اصحى الصبح بقى تقولى فين الماسينجر؟
عايز يتسطب من جديد
يعنى ايه انتى مسحتيه وكل الارشيف اللى فيه

امممم اه
فيها ايه يعنى مهو ده الطبيعى

:D

طيب انت شيلتى ليه الفاير فوكس من على الديسك توب بتاعى
ااااا اا انا ماشيلتوش بس من على الديسك توب انا شيلته كله
نعم ايه؟ يعنى ايه؟ وكل ال
bookmarks
راحت؟

اه

لا حول ولا قوه الا بالله يا شيخه حرام عليكى يعنى كل الشغل اللى كنت حاطاه راح
حراااااااااااااااااااااام


ولسه لما تعرف ان مافيش
word
powerpoint
real player

ولا اى حاجه

كله راح
راااااااااااااااح

طيب وانا مالى يعنى


ده غير شكل الوندوز اللى اتغير ومش عارفين مين بيروح فين


بس انا كان غرضى شريف يا عمى


معلش بقى خيرها فى غيرها







اه نسيت اقولكم ايه بقى تانى حاجه بتخليها تشد شعرها



ان انا اختها الكبيره وهى مش عارفه تعملى حاجه


19 comments:

  1. علشان ال
    bookmarks
    متروحش تاني استعملي
    Google Reader

    ReplyDelete
  2. الدكتورة بندقة

    انا مش عارف انتي ليه بتختفي فترة طويلة قوي كدة، اوعي يكون السبب خناقك انتي واختك الصغيرة على استخدام الكمبيوتر؟؟؟ ههههههههههه

    وبعدين انتي قولتي اول حاجة بس اللي بتخلي اختك تشد في شعرها وتصوت منك وهي الكومبيوتر، يا ترى ايه الحاجة التاني اللي انتي نسيتي تقوليها؟؟؟؟؟؟؟؟؟

    وبعدين مش حراااااام عليكي تبوظي كل حاجة بتاعة البنت، طيب مش مفروض توليلها الاول قبل ما تنزلي الفيستا او تعملي حاجة؟؟؟ حسن النية هنا مش متوفر يا بندقة انتي قاصدة تنكدي عليها؟؟؟؟

    تعرفي فكرتيني بمبدأ سكارا توتو مو؟؟؟؟؟ وعلشان تعرفي ايه هو ده باختصا هو معناه ان ممكن واحد يعمل حاجة بحسن نية لكن النتيجة بتكون كارثة، يعني بالمصري جه يكحلها عماها؟؟؟؟؟؟؟؟؟؟

    وبعدين لو الفكرة انك تنكدي على اختك قوليلي وانا اقترح عليكي مجموعة نصايح قيمة اثبتت مفعولها؟؟

    على فكرة والله انا لسة من يومين بس جابولي جهاز كمبيوتر جديد في الشغل وعليه برنامج الفيستا بدل الاكس بي والشاشة بتاعته فلات وشكله أمور قوي... مش انتي بس يعني. ههههههه

    تقبلي مروري
    وبلاش تختفي كتير

    ReplyDelete
  3. احمد عيسوي:

    ازاى يا احمد؟
    ---------------------------------
    فى حب مصر:
    انا مش بختفى
    انا هنا اهو

    ازاى بقى ماقولتش تانى حاجه
    انزل تحت شويه كده هتلاقيها



    انا برضه
    :)

    هى برضه قالتلى كده :اشمعنى انتى بتغيرى بمزاجك وانا ممنوع اعمل اي حاجه غير لما اقولك
    اسكت بقى ماتفكرنيش بتانيب الضمر تانى

    يعنى الحمد لله ماوصلتش اوى لسكاراتوتومو ده

    ياترى بقى افكارك الشريره دى جربتها فى مين؟؟

    مبروك يا سيدى الجهاز الجديد

    لا هاختفى وانت دور عليا
    :p

    ReplyDelete
  4. هههههههههههه

    بطلوا لعب في اللي متعرفهوش

    ReplyDelete
  5. يخرب عئلك يابنتىىىىىىى

    والله انا لو مكانها

    حتى لو انتى امى مش اختى الكبيره

    هسقيك ف مج الشااااااى

    بجد ربنا يكون ف عونها ويصبرها ع الجريمه اللى عملتيها ف حئها دىىىىى

    ReplyDelete
  6. ههههههههه
    يا عينى

    بس بجد حرام عليكى

    ReplyDelete
  7. بندق دق وحشتينى يابت المفروض اما تيجى تنزلى وندز تاخدى احتياطتك:
    1-
    تتاكدى انك شايله كل حاجة ما الديسكتوب
    2- تاخدى نسخه دوريه من البوك ماركس بتاعه الفايرفوكس
    organise book marks-->هيظهرلك نافذه
    تختارى
    file --->Export وتحفظيها عادى
    واما تحبى تخديها تانى
    تعملى نفس الخطوات بس بدل اكسبورت تختارى امبورت ده اقتراح

    فى حل تانى انكم تستعملو ديليشز
    ده موقع وظيفته انك بتسجلى الفيفورتس بتاعتك اونلاين وتقدرى تفتحيها من اى جهاز
    http://del.icio.us/

    بالنسبة لجوجل ريدر بقا وظيفته انك بتحطى فيه مواقع ومدونات تتابعيها عن طريقه اول ماينزلو حاجة جديدة بس لازم الموقع او المدونة يبقا فى
    RSS
    وتقدرى تعرفى ده عن طريق الايكونه الى لونها برتقالى جمب عنوان الموقع هتلاقيها فى مدونتك
    ولو حبيتى تدخلى جوجل ريدر دوسى من هنا
    http://www.google.com/reader/

    لو عزتى حاجة اسألينى

    ReplyDelete
  8. dead man:
    لا هالعب عشان انا بحب اللعب

    ---------------------------
    د. اجدع بنوته:
    بقى كده
    انتى خوفتينى انى اكون اختك
    الحمدد لله اختى طيبه اوىىىىىىىى

    -----------------------------
    حمامه:

    نورت المدونه
    بس اوعى تكونى فاكره انى شريره كده على طول

    لالالالالا
    دى المره دى بس
    :)
    ----------------------------------
    هوندا:
    انا شيلت الحاجه من الديسكتوب و
    my documents
    بس حكايه البوك ماركس دى جديده

    هعملها المره الجايه
    شكرا يا جميله

    ReplyDelete
  9. هههههههههههههه
    نفس اللي كان اخويا بيعملوا فيا
    بس الحمد لله هو ساب لي الجمل بما حمل
    وانا عمال ابرطع في الجهاز زي مانا عاوز
    مدونه جميله
    سلام

    ReplyDelete
  10. ههههههههههه

    ياسو عملتي زي مااخواتي بيعملو لما بعمل حاجة جديدة
    ولسة اخويا بيقولي انتي محتكرة الكمبيوتر حرااااام عليكي :p

    بس بجد انتي عسل يابنتي والله والاهم انك الكبيرة محدش بيجي جنبك

    انا بقى الوسطانية :(

    ReplyDelete
  11. محدش بيتعلم ببلاش

    اوروفوار

    ReplyDelete
  12. كويس انك لفتي نظرنا لعدم استخدامه
    شكرا

    ReplyDelete
  13. ههههههههههههههههههه

    بجد يا قمر دمك خفيف جدا

    اضحك الله سنك وربنا يكون في عون اختك وتقدر تعوض اللي راح

    ReplyDelete
  14. بصراحه لو اخويا الكبير عمل الى عملتيه فى اختك كنت مش عارف عملت ايه بس حعمل حاجه اكيد
    تحياتى

    ReplyDelete
  15. لسلام عليكم
    :::دعوة :::
    يدعوكم فريق مدونة حركات
    الى زيارة المدونة الاولى فى خدمات المدونين
    :: حركات ::
    والتى تختص بالتصميمات
    الخاصة بالمدونات
    وكذلك التعليم
    ،،:::،،

    نسعد بتشريفكم لنا وانضمامكم معنا

    فريق المدونة
    www.harakat-86.blogspot.com

    ReplyDelete
  16. كلنا هذا الرجل

    انا زى اختك بالظبط

    مش بعرف اعمل حاجه واخويه اللى بيعمل كل حاجه طبعااااااا

    وبشد فى شعرى كتييييييير جدا والحاجات اللى ما سيفتهاش بتضيع برده

    المشكله اننا دايما معتمدين على الاخر

    ReplyDelete
  17. السلام عليكم
    ازيك يا بندقة
    كل سنة وانتي طيبة بمناسبة شم النسيم وعيد العمال وعيد تحرير سينا (الأعياد كتير عندكم اليومين دول يا بختكم)هههه

    ليكي عندي تاج هدية تعالي استلميه بسرعة قبل ما يحصل انقلاب عسكري

    ReplyDelete
  18. هههههههههههههههههههههه

    هيا دى اخرة اللى ينزل حاجة و ميعرفش فيها

    ReplyDelete
  19. حرام عليكي الي بتعمليه في البنيه اختك دي اه لو انتي كنتي مكانها كانت هتوريكي الويل بس بجد دمك خفيفwww.confusedgirl-tota.blogspot.com

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)