31 March, 2008

افرح يا قلبى لك نصيب تشوف الريس

باركوووووووووولى
وزغرطوا


انا شفت الريس
ومش مره واحده
لالالا

يجى 11 12 مره
وفى يوم واحد كمان

طبعا مهو مش اى اى ولا زى زى

ايه ايه كل دى طلبات
لالالالالالالالالالا
انتوا كده هتتعبوا الريس
لا يا جماعه نظاااااااااااااااااام


ايه انتو فاكرين الريس سهل كده
لا

استنوا اما احكيلكم انا قابلته ازاى

امبارح وانا راجعه من الكليه الساعه 3 "منه لله اللى كان السبب" مش قادره امشى ونفسى انااااااااااااااااام
لاقيت الشارع فيه عسكرى مرور عند الميدان قلت يادى الهنا يادى السرور اخيرا عسكرى ينظم مرور العربيات بدل ما الشارع بيوقف من العربيات اللى كله مصمم يعدى قبل التانى

وبعدين وانا باعدى
لاقيت برضه الشارع واقف ومفروش عسااااااااااااااكر


هو احنا مش هنعدى ولا ايه؟ "ده انا بسال
تعالى كده يلا تععالى مع الناس هنا - ده واحد ماعندوش ذوق بيكلمنى
ايه فيه ايه؟
رئيس جمهويه بلدك معدى


طبعا قلبى اتنطط وفرحت واترسمت على وشى السعاده انشرح صدرى وقلت
ياخى ربنا يخلصنا منه هو واللى معاه

انا مالى انا عايزه اروح

واذ فجاه تعدى عربيه الرادار

وبعدها عربيتين جيش اه والله عربيتين جيب مفتوحين كده وكل واحده فيها 4 جنود مدججين بالسلاح
حلود مدججين دى

وبعديهم بقى اشى موتسكلات وعربيات سودا يجى 12 عربيه ورا بعض
ياترى هو مستخبى فى انهى واحده؟؟؟
وبما انى مش عارفه قلت خلاص نقسمه على ال 12 عربيه
يبقى دى راس السيد الرئيس
ودى دراعه اليمين
وادى الشمال كمان
ودى بقى .....
واللى بعده واللى بعده.....


يبقى انا كده شفت الريس على 12 حته


وعدى سيادته فى سلام وامان وسط وابل من الدعوات والامنيات
وراح فى ......................


انا يوقفونى فى الشارع عشان فى واحد معدى ليه يعنى

هو مش عنده طياره بيمشى فى الشارع ليه زى عامه الشعب
حاجه تفلاء - ماعرفش بتتكتب ازاى دى بس هى فلء فلأ فو مفلوق يعنى اتقسم نصين

يلا باى هاروح انام بقى
شعب وشششش صحيح

قال رئيس جمهوريه بلدك قال

19 comments:

  1. شوفي يا بندقة كل البوستات اللي فاتت كوم والبوست ده كوم لوحدة، أنا بصراحة عجبني جدا جدا جدا جدا (قولي جدا من هنا للصبح)

    ايه يا بنتي الجرأة دي كلها، ده انتي طلعتي حكاية

    يا بختك شوفتي الرئيس على 12 حتة؟؟؟؟؟؟؟؟؟
    نفسي أزغردلك وأرقص كمان!!!!!!!

    تعرفي انا نفسي أشوف حتة واحدة بس.. دماغة.. بس طبعا لوحدها خالص.. بعيدة عن باقي الأجزاء.. مين عارف يمكن يكون من نصيبك تشوفي كدة

    بس بجد أحب أحييكي على البوست الجميل ده

    وبعدين انتي مش ناوية تقوليلي اسمك ايه؟؟؟؟؟؟ وفي سنة كام دلوقت؟؟؟

    ReplyDelete
  2. يا بختك بجد
    لا لا لا مش علشان شفتي موكب الريس
    يا بختك على جرءتك

    خالص تحياتي
    احمد

    ReplyDelete
  3. ههههههههههه

    حقك عليا انا

    و بعدين انتي الكبيرة يا بندقة :D

    ReplyDelete
  4. يادكتوره انا طب القصر العيني يعني في قفانا لزم يبقى مجلس الشعب وياسلام ياسلام لو سيادته ناوي يعدي على اولاده في مجلس الشعب ده يوم سعدي ده معناه اني هقضي يومي المظفر واقف على جنبات الطريق بستجدي من العسكري انه يعديني او يضربني بالنار المهم ارتاح
    مايعدي ولا يتنيل يعني خلاص لو عديت قبل ما سيادته يعدي ب8 ساعات هو هيخسر ايه
    حسبي الله نعم الوكيل

    ReplyDelete
  5. هههههههههههههههههههههههههههههههههههههههههههههه

    ReplyDelete
  6. مبرووووووووك يابندقه

    جامده اوى راس الريس

    هههههههههههههههههههههههه

    ReplyDelete
  7. هههههههههههههههه

    وجالك قلب تقفى تتفرجى على سيادت جناب حضرته وهو ماشى فى الشارع


    بس برضوا قله ذوق من جنابه انه يسيبك واقفه عشان هو يعدى
    هههههههه

    ReplyDelete
  8. اه صحيح نسيت معلش...
    وحياتك لما تشوفيه المره الجايه ماتنسيش تقوليله ابعت لمحمد ال40 جنيه بتوع الجبنه


    اوعى تنسى
    :lol:

    ReplyDelete
  9. لولولولولولى بندقه شافت الريس يا ناس
    تانى مره لما تكتبى البوست ابقى اكتبيه قبل ما الريس يعدى من قدامك عشان نلحق نوصلك الطلبات وتديها للريس هههههه

    ReplyDelete
  10. فى حب مصر:

    شكرا شكرا
    ده بعض ما عندنا
    ايوه عندنا طبعا مش غلطه مطبعيه ولا حاجه
    :)


    انا يا سيدى فى سنه خامسه وفاضلى 6 شهور على الامتحانات
    ومش ناويه اقضيهم فى المعتقل
    :p
    ولا فاكرنى نسيت انك سياسه
    ----------------------------------
    موجه:
    شكرا يا احمد
    بس هى مش جرأه بجد قد مانا اتضايقت فعلا وعشان كده كتبت اللى انا حسيته
    ----------------------------
    bongo:
    خلاص هعديها المره دى بس عشان خاطرك
    -----------------------
    وائل:
    ربنا يكون فى عونكم بجد
    دا انا يادوب وقفت 5 دقايق دمى اتحرق

    معلش مانت من الاول شهيد العلم مادام فى كليه طب
    استحمل بقى
    وربنا يخفف زياراته للمجلس
    مهى خربانه خربانه
    -------------------------------
    هوندا :

    وحشانى جدا جدا
    الحمد لله انك مبسوطه

    بس اوعى تكونى فرحانه فيا
    -----------------------------
    د.اجدع بنوته:
    عجبتك الراس
    انا تحت امرك
    المره الجايه هحجزلك ال
    liver
    -----------------------------
    مافيا:
    انا جالى القلب والضغط والمراره
    وهو ولا عنده ..... وبعدين بقى كده الراجل هيشرق
    احنا كل شويه نجيب فى سيرته ولا ايه

    دع الخلق للخالق
    :)

    امممممممممم 40 جنيه بتوع محمد ..... شكلك عايز تخلص منى عن قريب
    مااااااااااااااشى

    -------------------------------
    نفريتيى : الجميله نفرتيى

    حااااااااضر من عينيا
    حضرى انتى الطلبات وانا اتصل بيه يجى يعدى ياخدهم
    انتى تؤمرى

    ReplyDelete
  11. أديني عرفت نص الاجابة انك في سنة خامسة

    لسة النص التاني.. اسمك ايه؟؟؟؟؟؟؟؟؟

    وبعدين انتي بطلتي تزوريني في مدونتي ليه، ما تخافيش هي مش متراقبة والله.

    ReplyDelete
  12. ياياسو ده تمويه الريس مش في ولا عربية من دول

    الريس بيمر من شارع تاني :D

    ReplyDelete
  13. ياه عنيا الدمعه هتفر منها

    وبيجى على بالى اغنيه شربت من نيلها

    واغنيه يابلادى يا احلى البلاد يا بلادى فداكى انا والولاد يا بلادى

    وجسمى قشعر يا شيخه

    شوفتيه بذات نفسه

    دانتى على كده فى الجنه حدف

    ياه

    واناكمان بتكلم معاكى كده وجها لوجه

    ياه
    دى اصحابى مش هيصدقونى

    ههههههههههههههههه

    اهو بوست واتحسب علينا ماشى يا بندقه بيقنا نخم فى البوستات

    بكره ابقى اكتبيلنا عن الراجل الى بيشيل الزباله اوعى تنسى


    تحياتى

    ReplyDelete
  14. deadman:
    يا ديد دى بس حركات عشان نحس انه لسه فى وسطنا

    -------------------------------
    mommken:
    مالك كده داخل فيا جامد ليه
    وانا مالى هو انا اللى قولتله تعالى عدى من هنا عشان اكتب عنك

    وبعدين يا عم انا مش بعرف اكتب كلام كبير زيك
    انا بوستاتى على قدى

    ReplyDelete
  15. ههههههههههههههههههههههه

    ReplyDelete
  16. هههههههههههههههه


    ادعوا للريس

    جنة الخلد ياريس

    ReplyDelete
  17. هههههههههههههههههههههههه

    ReplyDelete
  18. نتعلم من هذه القصة
    1 الفارق بين سيدنا عمر و الريس كبير فالاول كان ينام تحت ظل شجرة في العراء و الثاني لا تعرف عربيته و لا تراه الا في التلفزيون
    2 ايام سيدنا عمر كان لا يوجد تلفزيون
    3 بندقة جريئة

    ReplyDelete
  19. عزيزتي بندقة
    بعد كل اللي حكتيه لا نستطيع إلا ان نقول ماتشوفيش وحش تاني

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)