24 February, 2008

تاااااااااااااا......دبيسه

ده بقى مش تاج عادى
لا
ده تادبيسه
هتقولى ليه
اقولك
اصلى وانا ماشيه فى العراق .... لاقيت جثه
لالالالالالالالالالا
دى قصه تانيه
:)
وانا بمر كده بكل حسن نيه على مدونه كفراوى
لاقيته كاتب التاج ده ومدبسنى فيه
بس كده


طبعا تدبيسه لذيذه
بما انى ماكنتش هاكتب حاجه

يلا بينا

_هل توافق علي حذف خانة الديانه من البطاقه الشخصيه؟

هو انا مش موافقه

بس حتى لو شالوها مش مشكله

يعنى لو فى حد حاسس انه مختلف ومدايق ..... نريحه

خليها علينا

_ما رايك في المثليين؟هل تري انها حرية شخصيه؟ هل توافق علي الاعتراف بالمثليين؟هل لك اصدقاء من المثليين؟

رائى فيهم ازاى يعنى
كاشخاص
الله اعلم بحالهم
ولكن كشخصيه عامه ويتخذها كتير من الشباب كمثل اعلى
عليهم مسؤوليه كبيره جدا
تجاه هذا الجيل
ومايقدموه له

وكفايه يعرفوا
ان من سن اسوه حسنه فله كفل منها
ومن سن اسوه سيئه فله كفل منها


وربنا يهدينا جميعا

_هل تعتقد بوجود اضطهاد للمسيحيين في مصر؟

اضههاد ايه بس
ان قربت احس اننا اللى مضطهدين

من هو الشخص الذي تختاره لرئاسة الجمهوريه؟

الحمد لله ماليش فى السياسه
واى حد هيجى اكيد هيكون زي اللى قبله ويمكن اوحش
يعنى ماعنديش امل فى حد
ربنا كبير

_اذا قمت بتاسيس حزب سياسي ،فمن هم الاشخاص الذين سوف تضمهم للحزب ليشاركوك الحكم؟

يا عم بقول ماليش فى السياسه
ولا انفع فيها خالص


_هل توافق علي مشاركة الاقباط و الاخوان في حكم مصر؟

اللى بيحكم مصر مصريين
يعنى اللى خايف على مصلحه البلد وهيعمل الصالح ليها مش هتفرق هو ديانته ايه
ماعنديش اى مانع

_ما هي افضل مدونه زرتها؟

كل المدونات جميله اللى زرتها واللى لسه مش شفتها كمان
لان كل واحده بتعبر عن شخصيه صاحبها
وكل شخصيه جميله من ناحيه او اخرى

هل توافق علي الزواج من مطلقه؟

بالنسبه ليا كبنت
مش هوافق انى ارتبط بواحد مطلق


اذا انجبت ولدين و بنتين ، فاي الاسماء ستختارها لهم؟

الولديين :عبد الرحمن ومؤمن
البنتين :ساره واميره

_هل تعتقد ان توريث الحكم في مصر سيحدث فعلا؟

اينعم



_ما هو افضل انجاز لمبارك ؟ و ما هو اسواء سقطات حكمه؟

مش فاكره
ايه رايك نخلينا فى اسباب ارتفاع ضغط الدم

_لمن تمرر هذا التاج؟

ياااااااااااااه خلص بسرعه
مع انه كان حلو

طبعا همرره لكل الناس اللى تحب تاخده
يعنى حقوق النشر غير محفوظه

6 comments:

  1. على فكرة تعليقاتك ظريفة جدا وليكي عليا اعملك تاج الفتاة المثالية زي بتاع سعاد حسني ما هو من ورق مش هيكلف كتير
    اصل انا بخييييييييييييييييييييل

    مصري غلبان

    ReplyDelete
  2. شكرا شكرا
    اخيرا هيبقى عندى سلطانيه ... قصدى تاج
    ميرسى

    ReplyDelete
  3. اجابات ممتعة
    اسامى الاولاد والبنات جميلة قوى ربنا يزققك بيهم ان شاء الله

    ReplyDelete
  4. هههههههههههههههههههه


    اية الاجابات اللى من الاخر دى

    ReplyDelete
  5. ايويه

    شكرا ربنا يخليكى
    بس هو انا هاجيب العيال دى كلها ولا ايه

    ------------------------------

    كفراوى
    ايه رايك فى التدبيسه بالبندق
    حلوه صح

    ReplyDelete
  6. ماشاء الله
    منتهى خفه الدم والدبلوماسيه فى الردود على التاج اقصد التدبيسه

    بس مشكله ان ميكونش ليكى فى السياسه
    لازم تغيرى الوضع ده
    ممكن مالكيش فى الكوره اوكيه
    لكن السياسه اصبحت زى المرض تذهب للجميع دون رغبه منهم فى ذلك

    تحياتى

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)