15 February, 2008

مش عارفه اقول ايه

مدونتى حبيبتى
والله وحشانى
وكل الناس فيها وحشينى

شكرا لكل الناس اللى سالت عليا
عارفه انى قصرت معاكم وبعدت عن المدونه كتير
:(
معترفه
بس ان شاء الله يارب مايحصلش تانى

ان شاء الله هقول النهارده موضوع اخد رايكم فيه

**************************************
الصوره دى حد عارف معناها
انا ماكنتش اعرف معنى الصوره دى
يعنى لما بشوفها بقول ده ارنب
يمكن يكون علامه تجاريه لشركه ولا حاجه
يمكن شركه العاب اطفال

بجد عمرى ماشكيت انها تكون حاجه وحشه
اصل الارنب شكله برئ خالص

للاسف بقى عرفت انها فعلا ماركه تجاريه لمجله اباحيه
والمشكله بقى انها منتشره فى الملابس والشنط
المهم بقى
ياترى الناس فاهمه هى معناها ايه؟؟
ولو فاهمين هم راضيين بكده؟؟

ياريت تقولولى وتردو على الاستبيان اللى فوق ده

طيب سوال كمان
لو انت شفت حد معاه حاجه عليها العلامه دى
ممكن تقوله على معناها عشان مايستخدمهاش تانى؟؟


المشكله بقى انى اظن ان معظم الناس مش فاهمه هى ايه اصلا
ودى المشكله
ان الشباب بيقلد وخلاص وده باين اوى فى لبس البنات والولاد
ولا الولاد اللى لابسين تي شيرت عليه ترتر
ايه البلاهه دى
ترتر وملون وبيلمع
لالالالالالالالالالالالا
مايصحش يا شباب

يلا اللى يعيش ياما يشوف
مستنيه تعلقاتكم وردكم على الاستبيان

7 comments:

  1. ايه يا جماعه انتو نسيتو التعليقات ولا ايه

    ReplyDelete
  2. بندقه

    المفروض ندي للناس عذرهم

    اصلهم موش مجبورين انهم يعرفواكل حاجه

    والناس طبعا علي طبيعتها بتاخد الحاجه بمعناها الكويس قبل الوحش علي حد علمي

    المهم بعد ما يعرفوا هيعملو ايه

    peace

    ReplyDelete
  3. ياترى الناس فاهمه هى معناها ايه؟؟
    انا حتكلم عن نفسي
    اكيد مكنتش اعرف...
    و لو حد قالي مش حشتري منها تاني بس مش معني كدا اني مش حلبس الفانيله تاني ..


    ولو فاهمين هم راضيين بكده؟؟
    طبعا مش حرضي..

    طيب سوال كمان
    لو انت شفت حد معاه حاجه عليها العلامه دى
    ممكن تقوله على معناها عشان مايستخدمهاش تانى؟؟
    اكيد

    ReplyDelete
  4. ياترى الناس فاهمه هى معناها ايه؟؟
    انا حتكلم عن نفسي
    اكيد مكنتش اعرف...
    و لو حد قالي مش حشتري منها تاني بس مش معني كدا اني مش حلبس الفانيله تاني ..


    ولو فاهمين هم راضيين بكده؟؟
    طبعا مش حرضي..

    طيب سوال كمان
    لو انت شفت حد معاه حاجه عليها العلامه دى
    ممكن تقوله على معناها عشان مايستخدمهاش تانى؟؟
    اكيد

    ReplyDelete
  5. بالنسبه لعلامه بلاى بوى
    الى هى صوره الارنب
    او ما طلعت كانت مجله علميه بتناقش التزاوج
    وبعدين تحولت لمجله فاضحه
    اسمها بلاى بوى

    وبعدين طلع ماركه اسمها بلاى بوى
    بتنتج ملابس داخليه
    وبرفانات
    واحذيه
    واكسسوارت
    وادوات تجميل

    وليها رواج عالى جدا فى دول الخليج

    بس طبعا لما بشوف الماركه على تى شيرت او حاجه كده اصبح عادى
    بس بصراحه دماغى بترجع فورا للمجله
    تحياتى

    ReplyDelete
  6. بندقه

    نورتى المدونات بعد غياب

    عموما الماركه دى معرفه لكتير اوى من الشباب بس المشكله زى ما قولت انهم بيحبوا التقليد

    حاولى ما تغبيش عننا تانى

    نحب نشوف مدونتك دايما منوره

    ReplyDelete
  7. والله انا مكنتش عارفه

    ربنا يجازيكى خير يابندقه

    ولو انه فعلا ارنب برىء خالص

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)