28 February, 2008

تاج من تااااااااااااااااانى

التاج المره دى من دكتور ديد
والحمد لله اتعمل على طول
يلا بينا

اسمك وسنك ودراستك ولا شغلتك (سؤال متكرر في كل تاج عشان نتعرف عليك طبعا )؟؟
بندقه

23

فى كليه الطب

عندك كام اخ وكام اخت ؟؟ سؤال رخم صح

لا مش رخم
اخت واحده

اصغر منى

وهتخلص كليه قبل منى فى رابعه اقتصاد وعلوم سياسيه

ترتيبك وسط اخواتك ؟؟
الكبيييييييييييييره

كنت شقي وانت صغير مع ذكر مثال لو اه ؟
كل اللى يعرفنى هيقول عليا شقيه جدا

وحتى دلوقتى ساعات كده بتلاقى حركات شقاوه بتطلع من ورايا

مثال بقى

امممممممم

يعنى اكبر مثال انى نافوخى اتفتح 3 مرات

وكل مره نقفل وتلات اربع غرز

ويرجع ينفتح تانى

بس بفكر اعمله سوسته

اكله بتحبها جدا واكله مش بتحبك ؟


بحب الحوواوشى والسبانخ والقلقاس

واى حاجه سخنه وبتطلع دخان

مالكش دعوه انت بس اعزمنى وانا هاكل

ماعدا السمك

اوعى تجيب سيرته قدامى



لونك المفضل وليه؟؟ وبيمثلك ايه ؟؟
الازرق السماوى وكل درجاته

اى حاجه لونها ازرق تبقى جميله

لدرجه انى جيبت جهاز الضغط بتاعى ازرق

وجهاز السكر بتاع ماما ازرق عشان انا برضه اللى جيبته

وكنت بحب لبس المدرسه عشان ازرق

وحبيت الفارما عشان كتابها كان ارزق

لون مش بتحبه وليه ؟؟
الموف

عشان اختى بتحبه ومزهقانى بيه فى كل مكان

بس عادى يعنى كل الالوان ماشيه معايا

دخلت كليتك غاوي ولا مجموع ؟

ييييييييه

ليه السيره دى

والله كنت حابها لحد ماخدت الباثولوجى والكميونتى


ايه اللي كسبته منها وايه اللي خسرته بسببها ؟
كسبت فيها اصحاب زى العسل

وماخسرتش فيها غير صحتى

اااااااااااااااه يانى

بتحب مجال دراستك او شغلتك ؟
اه بحبه

بس لو يدولنا فرصه نستمتع باللى بناخده يبقى حلو اوى


اول حاجة بتعملها لما تصحي من النوم غير انك تغسل وشك وتصلي ؟
بفتح الكمبيوتر لو ماما فى الشغل

انما لو فى البيت

بفطر واشرب شاى بلبن واروح كليتى بدرى

بس اوعى حد يفتن عليا

حاجة متعود دايما تعملها يوميا ؟

افتح الكمبيوتر

اكتر حاجة متعرفش تخرج من البيت من غيرها او من غير م تخدها معاك؟
ساعتى والنظاره

ماعرفش امشى من غيرهم

راضي عن حياتك؟
الحمد لله
اكيد


ايه اللي عاوز تغيره فيها وليه ؟

نفسى المذاكره تخلص واشتغل

عارفه انى بعد كده هغير رائى واقول يا ريت كنت فضلت اذاكر احسن من البهدله

بس نفسى ابقى دكتور بجد بقى


عمرك حبيت وايه اللي حصل (سؤال محرج انا عارف )؟
ابدا

لسه النصيب ماجاش

بس كان فى تفاهم



ودلوقتي حالتك ايه بعد اللي حصل ايا كان ؟؟
ماحصلش حاجه يا عم

انت مكبر الموضوع ليه


ليك اصحاب كتير؟
يعتبر لا

شويه كده على قدى خالص

كام واحد منهم بتعبره صديقك بجد ؟
مافيش

مش تكبر بس مش لاقيه حد تفكيره مضروب زى تفكيرى عشان نرتاح سوا

موقف حصلك ولقيت صديق جنبك فيه ؟
قلت مافيش

انا بحب ابقى لوحدى حتى لو ايه حصل


ايه اللي اتقال في حقك وفرحت بيه وايه اللي اتقال ضدك وزعلت عشانه؟
ماما بتقولى انى جدعه

يعنى يعتمد عليا

وده بيفرحنى

اللى اتقال ضدى بقى

انى منطويه على نفسى شويه

مش بعرف اتكلم مع الناس واخد وادى

بزهق بسرعه

ظلم يابيه

راي صحابك فيك ؟؟
بيقولوا انى دمى خفيف

ومش هاقولك ايه كمان


طيب ايه اكتر ميزه شايفها انت في نفسك وايه اكتر عيب برضه ؟
اكتر ميزه اعتقد انى بحب اخدم الناس حتى لو ماطلبوش منى

ولما بزعل من حد مش بقوله وبفضل زعلانه لحد ماانسى

ماعرفش دى بقى ميزه ولا عيب

بس بتزعلنى

اكتر عيب بقى انى لو جبت اخرى من حد ماعنديش فرصه تانيه خالص بطلعه من دماغى مهما عمل

دماغى ناشفه اوىىىىىى

اوصف شخصيتك في كلمتين اتنين بس مش اكتر ؟؟
مش هاقولك

لو تعرف انت قول

اكتر لحظه فرحت فيها؟؟

فرحت واى لما جيبنا الكمبيوتر

لما كنت بطلع الاولى على الفصل بتاعى فى المدرسه

لما بجيب اكتر من 7 من 10 فى اى امتحان

اكتر لحظه زعلت فيها؟؟
السنه اللى فاتت لما طلعت درجاتى وحشه جدا

حاجة ندمت عليها ؟
الحمد لله مش نادمانه على حاجه

بس ساعات بزهق اوى انى دخلت الكليه اللى مش باينلها اخر دى

وحاجة مندمتش عليها ؟؟
انى فتحت المدونه

وعرفت ناس حلوه كتير كده

اكتر لحظه حسيت فيها بدموعك غاليه عندك؟
يوم ماحتجت حد يقف جنبى ومالقيتش

حد عاوز تقوله حاجة وايه ؟؟
اقول لماما : معلش استحملينى اصلى بزهق كتير

بتفكر في ايه دلوقتي حالا في نفس ذات الوقت واللحظه (غير انك تقتلني )؟
بفكر اشرب حاجه سخنه عشان عندى مغص

واقوم اخد النت من اختى عشان انشر البوست ده

ومذاكره الجلديه اللى عندى فيها امتحان ومش اعرف عنها حاجه

تعبت من الاسئلة ؟؟؟
لا ابدا

ياااااااااااااااااااااااه اخيرا خلصوا

انت اسالتك صعبه اوى يا ديد

بس الحمد لله تمت

التاج المره دى مش هيعدى كده بسلام

لا

همرره لكل الناس اللى عندى فى عالم المدونات

اللى ماعملوش يعمله

واللى عمله

يعمله تانى

هههههههههههه




24 February, 2008

تاااااااااااااا......دبيسه

ده بقى مش تاج عادى
لا
ده تادبيسه
هتقولى ليه
اقولك
اصلى وانا ماشيه فى العراق .... لاقيت جثه
لالالالالالالالالالا
دى قصه تانيه
:)
وانا بمر كده بكل حسن نيه على مدونه كفراوى
لاقيته كاتب التاج ده ومدبسنى فيه
بس كده


طبعا تدبيسه لذيذه
بما انى ماكنتش هاكتب حاجه

يلا بينا

_هل توافق علي حذف خانة الديانه من البطاقه الشخصيه؟

هو انا مش موافقه

بس حتى لو شالوها مش مشكله

يعنى لو فى حد حاسس انه مختلف ومدايق ..... نريحه

خليها علينا

_ما رايك في المثليين؟هل تري انها حرية شخصيه؟ هل توافق علي الاعتراف بالمثليين؟هل لك اصدقاء من المثليين؟

رائى فيهم ازاى يعنى
كاشخاص
الله اعلم بحالهم
ولكن كشخصيه عامه ويتخذها كتير من الشباب كمثل اعلى
عليهم مسؤوليه كبيره جدا
تجاه هذا الجيل
ومايقدموه له

وكفايه يعرفوا
ان من سن اسوه حسنه فله كفل منها
ومن سن اسوه سيئه فله كفل منها


وربنا يهدينا جميعا

_هل تعتقد بوجود اضطهاد للمسيحيين في مصر؟

اضههاد ايه بس
ان قربت احس اننا اللى مضطهدين

من هو الشخص الذي تختاره لرئاسة الجمهوريه؟

الحمد لله ماليش فى السياسه
واى حد هيجى اكيد هيكون زي اللى قبله ويمكن اوحش
يعنى ماعنديش امل فى حد
ربنا كبير

_اذا قمت بتاسيس حزب سياسي ،فمن هم الاشخاص الذين سوف تضمهم للحزب ليشاركوك الحكم؟

يا عم بقول ماليش فى السياسه
ولا انفع فيها خالص


_هل توافق علي مشاركة الاقباط و الاخوان في حكم مصر؟

اللى بيحكم مصر مصريين
يعنى اللى خايف على مصلحه البلد وهيعمل الصالح ليها مش هتفرق هو ديانته ايه
ماعنديش اى مانع

_ما هي افضل مدونه زرتها؟

كل المدونات جميله اللى زرتها واللى لسه مش شفتها كمان
لان كل واحده بتعبر عن شخصيه صاحبها
وكل شخصيه جميله من ناحيه او اخرى

هل توافق علي الزواج من مطلقه؟

بالنسبه ليا كبنت
مش هوافق انى ارتبط بواحد مطلق


اذا انجبت ولدين و بنتين ، فاي الاسماء ستختارها لهم؟

الولديين :عبد الرحمن ومؤمن
البنتين :ساره واميره

_هل تعتقد ان توريث الحكم في مصر سيحدث فعلا؟

اينعم



_ما هو افضل انجاز لمبارك ؟ و ما هو اسواء سقطات حكمه؟

مش فاكره
ايه رايك نخلينا فى اسباب ارتفاع ضغط الدم

_لمن تمرر هذا التاج؟

ياااااااااااااه خلص بسرعه
مع انه كان حلو

طبعا همرره لكل الناس اللى تحب تاخده
يعنى حقوق النشر غير محفوظه

21 February, 2008

سر احتراق لمبه

لو لمبة اتحرقت هيكون تصرف الناس معاها إيه؟

http://content.answers.com/main/content/wp/en-commons/thumb/0/00/300px-Plasma-lamp_2.jpg


الإجابة البديهية:إن الناس هتغيرها طبعا



لكن ثبت بالتجربة إن الإجابة دي
مش وافية لأن تصرف الناس مع اللمبة هيختلف حسب مكانهم وثقافتهم

http://tbn0.google.com/images?q=tbn:v4pP1XGWrFgskM:http://www.2s2s.com/images/IRAQ001.jpg
فى العراق
لما ناس بتتحرق فى بيتهم لمبة بينزلوا يخطفوا أول أجنبي يقابلوه ويطلبوا من بلده تبعت لمبة جديدة مع واحد يغيرها علشان يفرجوا عن المخطوف



http://tbn0.google.com/images?q=tbn:wpc6SumPr7e_5M:http://www.moheet.com/image/29/225-300/293506.jpg

فى إنجلترا
لو واحد اتحرقت فى بيته لمبة بيتصل بمندوب حلف الأطلنطى علشان ياخد إذن بتركيب لمبة جديدة


http://tbn0.google.com/images?q=tbn:sUMN1dO-Vyc5DM:http://www.3rb2.net/get-1192947687.gif

فى السودان
واحد هايمسك اللمبة وخمسة يلفوا السقف






http://tbn0.google.com/images?q=tbn:9TeEL6djkD9HRM:http://www.moheet.com/image/29/225-300/293491.jpg
فى الصين
لما واحد بتتحرق فى بيته لمبه، بيدخل كل البيوت اللى فى شارعهم ويبص تحت السلم، لحد ما يلاقى السلم اللى فيه ناس قاعدة تحتيه
بتصنع لمبات، ياخد منهم لمبة علشان يغيرها، ويديلهم بدالها ساعة من اللى هو بعملها تحت السلم فى بيته



http://tbn0.google.com/images?q=tbn:xEXkY6aaAhSFqM:http://myhome.shinbiro.com/%7Ejslee75/world/Y/Yemen.gif
فى اليمن
لما واحد بتتحرق فى بيته لمبة بيقعد يخزن قات لحد ما يبقى شايف إن اللمبة اتغيرت لوحدها




فى الخليج
لما واحد بتتحرق فى بيته لمبة بيطلب من الشغالة الفلبينية إنها تبعت السواق الباكستانى يجيب صنايعى هندى يغير له كل اللمبات اللى فى البيت

http://tbn0.google.com/images?q=tbn:qVoNjMn-ac8F5M:http://www.shweir.com/images/flag_of_Lebanon.JPG
فى لبنان
علشان واحد يغير لمبة محروقة لازم واحد تانى يولعله الأرجيلة (الشيشة) وواحدة تغنى للإتنين وواحد ينزل يجيب معسل وسجاير للتلاتة علشان كله يعدل مزاجه قبل الشغل فى اللمبة



http://tbn0.google.com/images?q=tbn:vNvKIRpG5CiJlM:http://www.2s2s.com/images/LBYA001.jpg
في ليبيا
لو اللمبة اتحرقت بيراجعوا الكتاب الأخضر ويشوفوا فيه تعليمات
تغيير لمبة فى الجماهيرية العربية الليبية الشعبية الاشتركية العظمى


http://tbn0.google.com/images?q=tbn:5mG3d_808wVcJM:http://upload.wikimedia.org/wikipedia/commons/thumb/a/a0/Flag_of_Somalia.svg/800px-Flag_of_Somalia.svg.png
فى الصومال
لما لمبة بتتحرق ماحدش بينتبه للموضوع علشان ماعندهمش
كهربا أصلا



http://tbn0.google.com/images?q=tbn:aQp1NcMAq411sM:http://www.kwintessential.co.uk/images/country/maroc-flag.jpg
فى المغرب
لما لمبة بتتحرق فى بيت واحد بيروح مسافر فرنسا يشتغل فى المينا هناك أسبوع ويرجع بكرتونة لمبات فى إيده


http://tbn0.google.com/images?q=tbn:b8XF_GRPY7mszM:http://newsimg.bbc.co.uk/media/images/41937000/jpg/_41937180_iran_flag203.jpg
فى إيران
لما واحد بتتحرق فى بيته لمبة كهربا بيخرج ينضم للمظاهرات علشان يطالب بحقه فى لمبة نووية


http://tbn0.google.com/images?q=tbn:6NiXYoPgo05eFM:http://www.barasy.com/images/topics/33images.jpg
فى سوريا
لما بتتحرق لمبة بيعملولها استفتاء وتطلع النتيجة إن اللمبة شغالة بنسبة 99.999% ويعملوا احتفال قومى للوصول للنسبة دى، ولو مافيش ميزانيه للاستفتاء يطلع خبر فى الجرايد تانى يوم إن اللمبة انتحرت علشان حست إنها مقصرة فى أداء واجبها القومى




http://tbn0.google.com/images?q=tbn:9YlQEMwB37u3IM:http://3.bp.blogspot.com/_NvUhnDv38M4/RzDcSOzAwUI/AAAAAAAAAAM/SUOe2asOf84/S240/3alam.jpg
فى مصر
أى عيل صغير ممكن يغير اللمبة بعد ما يسرق واحدة سليمة من سلم العمارة اللي جنبهم




فى إسرائيل
لما لمبة بتتحرق بيقولو ان الإرهابيين الفلسطينيين هما اللى
حرقوها ويطلبو من أمريكا تبعت لهم بدالها ألف لمبة جديدة وكمان
شوية صواريخ وطيارات علشان يقوموا بواجبهم فى الحرب على الإرهاب وينسفوا بيوت الناس اللى حرقوا اللمبة


http://tbn0.google.com/images?q=tbn:8z8hxTdSWRi9sM:http://www.islammemo.cc/media/France/french0flag.jpg
فى فرنسا
لما لمبة بتتحرق بياخدوها يعملوها إزازة بارفان وطبعا كل الناس بتقلدهم بعد كده وتبقى موضة

http://tbn0.google.com/images?q=tbn:oKK9rKvu_vJJEM:http://www.medclub.ae/club/uploaded/8_11181079477.jpg

فى أمريكا الجنوبية
لما واحد بتتحرق فى بيته لمبة بياخد جماعة من أصحابه وكام مدفع رشاش ويلبسوا صاعقة ويطلعوا على قصر الرياسة يعملوا انقلاب ويخلعوا الريس ويمسكوا الحكم ويكلفوا الجيش إنه يغير اللمبات المحروقة اللى عندهم كلها بسرعة قبل ما واحد تانى تتحرق له لمبة وييجى يخلعهم



فى الولايات المتحدة الأمريكية
لما واحد بتتحرق فى بيته لمبة بيتهموا تنظيم القاعدة بأنه السبب فى حرق هذه اللمبة وعلى هذا الأساس يتم استصدار قرار بالإجماع من مجلس الأمن تحت الباب السادس من ميثاق الأمم المتحدة الذي باستخدام القوة لتنفيذ القرار ويتم إرسال قوة حربية من قوات التحالف (وكلها أمريكية فقط) مؤلفة من 12000 دبابة مدعومة بـ 243000 من مشاة البحرية و غطاء جوي مؤلف من 846 قاذفة مهمتها البحث والعثور على المجرم الإرهابي الذى فعل هذه الفعلة الشنيعة ويتم نشر قواعد عسكرية فى جميع بلدان الشرق الأوسط للبحث والتحري ويتم إرسال مفتشين دوليين للتأكد من أن جميع دول الشرق الأوسط لا يوجد بها لمبة محروقة ويتم احتلال أي دولة إذا تم التأكد من وجود لمبة محروقة بها باعتبار أن حكوماتها غير قادرة على إيجاد من يغير هذه اللمبة


قريتها فى منتدى وعجبتنى قلت اجيبهالكم
عجبتكوا
لو مش عحبتكو اعتبروها مراجعه على الاعلام اللى خدناها فى اعدادى

ده طبعا لو شوفتو الصور اصلا

هى مش راضيه تطلع


15 February, 2008

مش عارفه اقول ايه

مدونتى حبيبتى
والله وحشانى
وكل الناس فيها وحشينى

شكرا لكل الناس اللى سالت عليا
عارفه انى قصرت معاكم وبعدت عن المدونه كتير
:(
معترفه
بس ان شاء الله يارب مايحصلش تانى

ان شاء الله هقول النهارده موضوع اخد رايكم فيه

**************************************
الصوره دى حد عارف معناها
انا ماكنتش اعرف معنى الصوره دى
يعنى لما بشوفها بقول ده ارنب
يمكن يكون علامه تجاريه لشركه ولا حاجه
يمكن شركه العاب اطفال

بجد عمرى ماشكيت انها تكون حاجه وحشه
اصل الارنب شكله برئ خالص

للاسف بقى عرفت انها فعلا ماركه تجاريه لمجله اباحيه
والمشكله بقى انها منتشره فى الملابس والشنط
المهم بقى
ياترى الناس فاهمه هى معناها ايه؟؟
ولو فاهمين هم راضيين بكده؟؟

ياريت تقولولى وتردو على الاستبيان اللى فوق ده

طيب سوال كمان
لو انت شفت حد معاه حاجه عليها العلامه دى
ممكن تقوله على معناها عشان مايستخدمهاش تانى؟؟


المشكله بقى انى اظن ان معظم الناس مش فاهمه هى ايه اصلا
ودى المشكله
ان الشباب بيقلد وخلاص وده باين اوى فى لبس البنات والولاد
ولا الولاد اللى لابسين تي شيرت عليه ترتر
ايه البلاهه دى
ترتر وملون وبيلمع
لالالالالالالالالالالالا
مايصحش يا شباب

يلا اللى يعيش ياما يشوف
مستنيه تعلقاتكم وردكم على الاستبيان

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)