05 November, 2008

احلى حاجه فى الدنيا هى الاجازه

واخيرا اخدت الاجازه


ياااااااه


مش مصدقه ان سنه خامسه دى خلصت


دى كانت طويييييييييييييييييله اوى


الحمد لله



09 October, 2008

السادس من اكتوبر عدى يا جدعان

ايه احلى حاجه فى ان يكون عندى امتحانين ورا بعض على طول
اكيد مش عشان انا مذاكره ومش بحب اضيع وقت
ولا ان وقتنا ثمين اوى

لا

احلى حاجه ان يكون فى امتحان يوم 5 وامتحان يوم 7
انه هيعدىيوم 6 من غير ما تتفرج على فيلم الرصاصه ماتزال فى جيبى
يااااااااااااااااااه
قد ايه كنت حزينه انه عدى على سنه من غير ماشوفه
مش ممكن اللى بيحصلنا ده حرااااااااااااااااااام

يعدى 6 اكتوبر من غير ماشوف بندقيه واحده ولا عسكرىولا حته حبه رمل من سينا
ايه ده

بس طبعا عشان ربنا بيحبنى الريس ماحبش يضيع علينا الفرصه دى من غير ما نحس
سيادته كان السبب فى تاخير كل الطلبه عن الامتحان لانه قافل كل الطرق عشان هو يعدى
ادام الله عزه

وامتحنا بعد ساعه من وجع القلب وتعب الاعصاب

برضه ادام الله عزه
وشكرا

سلااااااااااااااااااااام

05 October, 2008

ومازالت الامتحانات تمضى

الحمد لله ربنا تمم على خير

وجت اجازه العيد والتعييد بخير


كان ضميرى مانبنى اوى وانا بتفسح فى العيد وبروح هنا وهناك

وكل اللى يشوفنى يابنتى روحى ذاكرى


ناس غريبه اوى


المهم عدى على خير عقبال الباقى

ادعولىىىىىىىىىىىىىىىىى

28 September, 2008

اخيرا رجعت تانى

الحمد لله رجعت تانى

ياااااااه
المدونه وحشتنى اوى

معلش بقى كان ظرف طارئ
اصلنا سيبنا بيتنا عشان كان بيتوضب بس الحمدد لله رجعنا
هييييييييييييييييه
:)

وحشتونى كلكم رغم انكم مش سالتم عليا
مافيش غير نفرتيتى بس اللى جبرت بخاطرى
ربنا يخليكى يا نفرفر


وبما انى زى مانتو مش عارفين
لسه فى وسط الامتحانات
مش هكون موجوده كتيييييييييييير

بس بيت اسلم عليكم
سلااااااااااااااام

02 July, 2008

البقاء لله

انتقل الى رحمه الله فلان الفلانى"مش هتفرق الاسم يعنى" ربنا يرحمنا جميعا



صلاة الجنازه بعد صلاة العصر فى الجامع تحت بيتنا
ربنا يصبر اهله
والحمد لله مافيش صويت ولا صراخ

على العشاء اتنصب الصوان وطبعا لا عزاء للسيدات
مش عارفه ليه يعنى هما مالهمش نفس ... ماعلينا

انا طبعا فى مشوار حياتى الذى لا ينتهى
راجعه بيتنا ولاقيت الصوان والقرآن والله يرحمه
ماعرفوش طبعا ولا عمرى سمعت عنه
بس برضه ربنا يرحم جميع المسلمين .. مش هتبقى دنيا واخره يعنى

كان لازم طبعا اعدى من تحت العربيات بما انهم اخدوا كل الشارع عشان الصوان

وانا فى حالى بعدى من جنبهم والمفروض يعنى ان ده موقف عظيم لا يحتمل التهريج
الاقيلك اللى داخل العزاء يسلم ويقول: البقيه فى حياتك ده بيكلم ابن الراجل تقريبا او اخوه وانا ايه اللى عرفنى
رد عليه :حياتك الباقيه

انا سمعت من هنا وكنت هافطس على روحى من الضحك
بقى كده يا راجل
ده برضه جاى يعزى وياخد بخاطرك

طبعا بتقولوا تخاريف نوم برضه
ابدا والله انا دلوقتى فى كامل قوايا المش نوميه
:)

طيب خليكم معايا كده
واحد ابوه مات
يجى التانى يقولوا البقيه فى حياتك
يعنى ايه؟؟؟؟؟؟؟؟
البقيه = عقبال ماتخلص من باقى العيله ...
فى حياتك = تفضل انت قاعد على تلها

قام يا عينى الولد زعل انت كمان جاى تدعى على مامى واخواتى
وماسكتش ..اداهملو ..
حياتك الباقيه = اعملها انت بس وخلصنا منك ومالكش دعوه بالباقى
يعنى مافضلش غير حياتك انت عشان تخلصنا

طب يعنى ينفع كده؟؟؟؟؟؟
اتنين قاعدين فى عزاء والراجل لسه مدفون
والجو كله صفاء وروحانيات
يقوموا يعملو فى بعض كده ده كان فاضل يقسموا التركه على بعض كمان

عشان كده انا ملا بروح اعزى بقول ايه؟
البقـــــــــــــــــاء لله
عشان ماحدش يستنانى
:)

بس كده
شفتوا بقى التفكير المنطقى العقلانى العالى اوى ده
حد فكر فى الحكايه دى قبل كده
اى فوكيره


28 June, 2008

عدنا بحمد الله


الحمد لله بعد نكسه 16\6
طلاب «خامسة طب عين شمس» يتجمهرون أمام مكتب وكيل الكلية ويطالبون بإلغاء امتحان «الباطنة»

ربنا كرمنا النهارده فى امتحان الاطفال
وعوضنا خي
ر
بس ماحدش ينق فيها بس عشان لسه فى امتحان تانى 1\7

طبعا كل اللى حصل فى الامتحان اللى فات
كان كفايه اوى انى اكتئب واتقوقع وماكتبش حاجه كل الفتره اللى فاتت دى

بس الحمد لله انا خلاص اتعلمت الدرس
وماينفعش مع الكليه دى غير التناحه
يعنى مهما يعملو تانى ولا هياثر فيا
بعد ماشفت الغلابه اللى فى ثانوى عام بينتحروا

انا برضه هطلع دكتوره غصب عنهم

ماما حتى قالتلى انا عايزاكى يابنتى
ومش مهم ولا تقدير ولا درجات
وادتنى كارت اخضر عشان العب وبلاهه مذاكره ووجع دماغ

احلى حاجه بقى فى الموضوع ده
ان انا اتشهرت
اصل انا طلعت فى الصوره اللى فوق دى
والنهارده بقى ماكنتش ملاحقه على الجمهور اللى عايز منى توقيع

بس بقى ادعولى

13 June, 2008

دماغ ايه دى

ياربى الساعه 1:30 وانا ايه اللى مصحينى
مش عارفه
انا كده بقالى 20 ساعه صاحيه
وده مش من عادتى يعنى
انا بحب النوم مووووووووووووت
يعنى انام 20 ساعه ماشى
اصحى لا

مش عارفه ليه انا صايحه كده
نفسى فى خبطه على دماغى عشان انااااااااااااااام
كل البيت نايم

لا وفى كمان شعور مزعج بالجوع

وبرضه مش عايزه اكل
دماغى رافضه الاكل
عامله رجييم قاسى حاد اجبارى غصب عنى
عايزه ااااااااااااااااااااااااكل
ودماغى مش راضيه
ماما تقولى اعملك سندوتش........لا
طب كلى فاكهه.................لا
ولا حتى كوبايه نسكافيه
:((
انا مش عايزه اخس
انا كده هختفى
انا "مفروض" بذاكر وعايزه طاقه
بس برضه مش باكل

اعمل ايه بس ياربى فى حياتى
اذا كنت مش هاكل ولا انام
امال اعيش اعمل ايه بس

يمكن عشان انا زهقت النهارده
هكون زهقت من ايه يعنى ... اى حاجه ممكن تكون عبيطه وتزهقنى

طيب خليكم معايا
لما تكون مستنى طول الاسبوع عشان تنزل محل تشترى حاجه
وطول الاسبوع بتمنى نفسك ان هتجيبها خلاص وتتبسط
ولما يجى اليوم ده
تروح تلاقى المحل قافل
هيكون شكلك ايه

طب بلاش
خليه مفتوح
ادخل بقى ودور وهى فين؟؟؟؟؟؟؟
كانت هنا
انا شايفها هناالاسبوع اللى فات وكنت مخبيها عشان ماحدش ياخدها
وفجأه
اهيه
هييييييييييييييييييييييييييييييييه

ايه ده مش دى
لااااااااااااااااااااااااااااااااااااااااااااا
مش هى دى..... دى بايخه
بتاعتى كانت احلى من كده

اناعايز بتاعتىىىىىىىىىىىىى
ماليش دعوه


وبعدين تعرف ان اللى راح مابيرجعش
وتضطر تستنى وتمنى نفسك بيه تانى بعد اسبوع جديد

وترجع بيتكم
وتبقى حالتك زيى كده
لا عارفه انام ولا اكل ولا اكتب

طبعا انا مش كنت عايزه اشترى حاجه ده مثال توضيحى
يارب ماكونش توهتكم زياده بيه

انا بتكلم عن المسلسل الغلس الجميل اللى انا بحبه
وهما بيهرجوا ويعملو حلقات تشل
صبرنى يارب

10 June, 2008

يونيه يعنى 6

سلام عليكم

مش عارفه ليه انتو ماسكين فى البوست الكحلى
من حلاوته يعنى

انا برضه رفقا بيكم مش هنزله
عشان دمه تقيل وانا خايفه على المدونه للتعود على الكآبه ماعرفش افك منها

المهم بقى انى عشان اكتب بوست ويكون ملائم للاحداث الجاريه
قلت احكيلكم حكايه

بقى انا بقالى خمس سنين دراسه وقبلهم سنتين فى معتقل الثانويه العامه
كل شهر مايو يعدى عليا بكل وجع دماغ المذاكره
وهانت واستحملى يا بندقه وكله عشان مستقبلك
وكل اللى قدك خلصوا وانت لسه
وصاحبتك كتب كتابها بعد الامتحانات وانتى مستنيه النتيجه
عادى يعنى كل ده بيطلع فى الغسيل عادى جداااااااااااا

وكل مره اقول امتى يارب يعدى عليا شهر يونيه المزعج ده من غير امتحانات

وزى ماتكون ابواب السما كانت مفتوحه السنه اللى فاتت
واخيرا انا فى سنه خامسه اللى بيمتحنوا فيها بعد الهنا بسنه لما يكونوا اتاكدوا انهم خلاص قضوا على جميع قوانا العقليه
يعنى امتحانات فى شهر 9
ياه مش ممكن اول مره اشوف دعوه بتتحقق بسرعه كده
يا مانت كريم يارب
اخيرا هشوف اختى قاعده تذاكر وانا لا

والظاهر ان نيتى كانت مش ولا بد
اصل ماما دايما تدعيلى
ربنا يديكى على قد نيتك
وانا اقولها بلاش الدعوه دى مش مضمونه
اهى جت فيا

ومالحقتش اتهنى بدعوتى الصغيره
ومن حظنا الحلو ان امتحانات الترم بتاعتنا اتاجلت طول السنه قال ايه هنمتحن الدفعه كلها على بعض
لييييييييييييييييييييييييه
وطبعا لازم الدفعه تكون خلصت كله

وده امتى يا حلويين
صح ....... فى شهر 6 يعنى يونيه
يعنى دلوقتى
ياعينى عليااااااااااااااااااااااااااااا

لا وايه كمان
ماما كانت بتحكيلى على رمضان اللى بيجى فى الصيف
ونبقى مش قادريين وهنفطس
ورمضان بقى عز اغسطس

وانا اقول مش مهم هنكون ساعتها فى الاجازه ونقضيها نوم طول النهار
يطلع رمضان السنادى بقى فى عز الامتحانات بتاعتى



يعنى الناس كلها تنام وانا



يعنى البوست اللى مفروض يكون عادى اهو
برضه طلع كله مشاكل
وتقولولى انتى فين واخبارك ايه

هنا اهو
وده حالى

29 May, 2008

ازعاج للسلطات

سلام عليكم
بصو بقى بعد ماكنت خلاص بحضر من امبارح لبوست عشان اكتبه النهارده
بس ربنا رحمكم منه الحمد لله
اصله كان بوست كحلييييييييييى
اقولكم من الاول

انا امبارح كنت نايمه فى امان الله من الساعه 9 زى الكتاكيت
صحيت فجأه على صوت عالى ايه اللى بيحصل ده

الجيران ربنا يهدهم عندهم بنت تقريبا فى ابتدائيه وطبعا الهانم خلصت
قال يعنى كان عندها امتحان اوى
الانسه المبجله مزاجها بقى تيجى باليل الساعه 11 وتشغل الدى جى على اخره
وهاتك يا رزع وخبط وكمان بتغنى معاه

يعنى ينفع كده يابشر الساعه 11 والناس نايمه وعندنا امتحان بكره
ومافيش اى مناسبه عشان تعلى الصوت كده
فلما بقى اصحى من نومى على صوت عالى
ماقلكوش ايه اللى ممكن يحصل
اصل الحيطه فى الحيطه وكنت حاسه ان الموسيقى بتنززززززززز من السقف
انا قمت من سكاات ولبست وكنت
about to give them some of my mind

بس ربنا رحمهم منى وسبحان الله قفلوه
عارفين قفلوه ليه
؟؟؟؟؟؟؟؟؟
اصل الواد ابن الجيران اللى هو بتاع 5 سنين اتخانق مع اخته عشان عايز يتفرج على فيلم على الكمبيوتر

كل ده انا سمعاه من بيتى والله
صوتهم يجيب اخر الشارع
ربنا يتوب عليا يارب

بس انا بقى ماعرفتش انام بعدها
وقعد دماغى يلف ويروح ويجى وجيبت قلم وورقه وقعدت اكتب كلااااااااااااااااام
من بتاع الوش التانى اللى انتو ماتعرفهوش
ده انا كنت ناويه اقلب المدونه اسود
تصوروا بقى كان شكلى ايه ساعتها


ايه اللى حصل بقى عشان اغير رائى واكتب البوست الحدوته ده
هبقى اقولكم بعدين

خلينا فى الموضوع ده بقى
يعنى انا مش عارفه واحده معليه الصوت كده ليه
ووالدتها سايباها ليه يعنى ماتعرفش ان كده عيب وقله زوق وبالذات اننا باليل
طيب لما والدتها ماتقولهاش يعنى مش واخده بالها ولا مش سامعه ولا ماتعرفش ان ده مش صح
طيب والبنت لما تكبر ويبقى عندها عيال هتعمل معاهم ايه
اظن هتسيبهم يلفو على الجيران ويصحهوم واحد واحد

بكره بقى ننزل البوست اياه
الحكلى

04 May, 2008

تاج تو



سلام عليكم
انا جيت تانى
ومعايا تاج تانى
ايوه واحده مريشه ومعاها تاجات كتير


التاج ده بقى من مدونه اهو اى كلام
عن العزوبيه
يلا بينا

ما رأيك فى الجملة التى تقول ...العزوبية تاج على رؤوس العزاب لا يراه الا المتزوجين؟

اه ساعات فعلا بيكون كده وساعات برضه بيحسد العزاب المتزوجين
وده بيحصل مع البنات اكتر كمان
عشان طول ماهى لسه بنوته غلبانه وقاعده فى البيت وكل الناس بتتامر عليها اخوها وابن عمها و....
بس بقى لما تتزوج هو واحد بس اللى هيكلمها وهى هتعرف تسكته
:D


ما هى العوائق من وجهة نظرك التى تحول بين الشباب والزواج هذه الايام ؟

يعنى واحد مش عارف يشتغل ويصرف على نفسه هيتجوز ازاى
هى حاله البلد الاقصاديه والبطاله وارتفاعه الاسعار اللى فى كل مكان ده مش هيدى للشاب فرصه اصلا انه يفكر فى الزواج
بجد يعنى ربنا يكون فى عون الشباب لانهم مهما كان عليهم عبئ كبير
ده كفايه حتى شكله وهو راجل ولسه بياخد مصروفه من والده شكله قدام نفسه حتى
انما انا بقى هاخد مصروف من ماما وبابا وعمو وخالو
ولا يهمنى انا بنوته



من وجهة نظرك هل النكد موجود فى العزوبيه ام فى الزواج ؟ ولماذا ؟

النكد
يا سلام على النكد
هوانت مش عايش فى مصر ولا ايه
ده لولا بس ان المصريين بيحبوا الضحك كان زمان حالتنا وحشه اوى
بس يعنى عشان الناس تعبانه بيبقوا مضدايقين وزهقانين

بس انا لا بحب النكد قبل الاكل ولا بعده


ما الحل من وجهة نظرك لمشكلة (( العزوبية )) فى مصر ؟؟

الحل ان الحكومه توزع شقق على بطاقه التموين
ويشغلو الشباب الغلبان ده
والاهالى بقى تساعد ولادها وامرهم لله
والناس اللى تتجوز تعمل حسابها على اليوم ده وتراعى مصلحه عيالها وتربيهم كويس وماتجيبش عيال كتير


من وجهة نظرك ....هل للعزوبية مميزات وعيوب ؟

احلىى حاجه فى العزوبيه انك حر
لا شايل مسؤوليه حد ولا حاجه
يعنى جعانه وماليش مزاج اعمل اكل
مش هاكل
مش مشكله ماوراييش عيال بقى بتعيط ولازم اكلهم
عايزه انام هنام
عايزه اخرج هخرج -بس هاقول لماما طبعا :)
عايزه اتفرج على الفيلم مش هلاقى واحد يقولى لا هاتى الماتش

ما هو رأيك فى انشاء مدونة (( رابطة )) للعزاب من المدونين ؟؟؟

لا انا مش بحب فكره المدونه المتخصصه دى
دمها تقيل على قلبى
بحب المدونه تعبر عن صاحبها
يكتب زى مايحب
وفى فعلا مدونات بتكتب عن حكايات الجواز والخطوبه وكده
كلها اعاده وخيال


أخيرا ....لمن تمرر هذا التاج ؟؟؟

لكل اللى يحبه
التاج ده
FREE OF CHARGE


تاج ون

التاج ده من المصرى الغلبان
هو ادانى فرصه 3 سنين عشان اجاوبه وتمت بحمد الله فى اقرب فرصه
مبسوط يا مصرى
:)
الحمد لله
نبدا



أذكر 10 أشياء عن نفسك

يا سلام عليك يا مصرى
انت جيت على اكتر حاجه عامله مشاكل فى حياتى
انا مش بعرف اتلكم عن نفسى
ودى اكتر حاجه بتزعل ماما منى
بتقولى مش فاهماكى

ماعلينا نحاول
وابقى اقول لماماتيجى تقرا البوست
على بركه الله


10 اشياء عن نفسى ؟؟؟ امممم

1- بحب الضحك والهزار دمى خفيف بشهادة الاهل والاقارب


2- كمان بحب الالتزام فى العمل والاتقان
ماينفعش اعمل حاجه من غير ماكملها للاخر ولازم تتعمل صح حتى لو كانت صعبه
لانى بحب كل حاجه تكون صح
شعارى دايما : دعونا نعمل فى صمت
وبعد كده نهرج ماشى .. بس الجد جد


3- بحب مساعدة الناس والحمد لله مش بنتظر من حد حاجه ولا حتى شكرا
عشان هو كمان ماينتظرش انى لازم وحتما وضرورى انه هعمله اللى هو عايزه فى الوقت اللى هو عايزه
لا
كله بمزاجى انا
والحمد لله برضه مش عايزه من حد حاجه
ومش هزعل لو حد قالى لا
حقه

4- بحب دايما احافظ على مظهرى يكون محترم وشيك
مش عشان الناس لبست جينز درتى يبقى هالبس زيهم
مش عشان البنات دلوقتى كل لبسهم شويه قماش مقطع وملزق فى بعضه يبقى دى الموضه


5- يبقولو عليا عنديه جدااااااااااااا
يمكن اه
بس يعنى مين غيرى هيعرف انا عايزه ايه


6- حاجه مش لذيذه بقى انى مش بعرف اقول كلام مزوق
يعنى اللى فى قلبى على لسانى على طول
مابحبش اشوف حاجه غلط واسكت عليها فى حاله لو هتمسنى انا
مش عارفه ليه الناس غاويه ينضحك عليها بمزاجها
منعيش الواقع شويه


7- بكره الكدب والنفاق والمجامله
كلهم عندى مرادف واحد
بكره الكسل وانعدام الضمير والفهلوه اللى مصر عايمه فيهم


8- بحب اعيش كل يوم بيومه
مش بعرف افكر لمستقبلى جامد

9- مابحبش المفاجات خالص... ولا بحب التغير
بحب ارتب لكل حاجه فى عقلى الاول وبعدين اعملها
ماينفعش امشى فى موضوع قبل ماعرف هيخلص ازاى


10- هيييييييييييييييييه اخيرا وصلت للاخر
بحب العب رياضه رغم انى عمرى ما لعبت حتى بلى
بحب اكل حلويات لو حتى طول النهار
بحب الانجليزى جدا
بحب النجاح ونفسى اكون دكتوره شاطره وربنا يوفقنى
بحب اصحابى رغم انهم مايستهلوش
بكره اى انسان مغرور او متعالى
وبكره الغباء اوى

ماما بتقول ان الناس لو حبت بعضها كل حاجه هتبقى كويسه
انا بقولها لا
لو كل واحد عمل اللى عليه بغض النظر عن انت بتخدم حبيبك ولا عدوك الدنيا هتمشى صح
مش لازم نحب بعض عشان نقوم بواجبنا تجاه الاخرين

الظاهر رقم 10 فتح معايا جامد
حظكم بقى انا ماكنتش عارفه اكتب ايه فى الاول


اختر 5 أشخاص تهدى لهم التاج

paraniod,magnetic and dramatic girl
رغايين سبوت :honda
انسانه
dr.dead اهو اى كلام :
سكاى


لا تهدى التاج لمن أهداك اياه
اكيد يعنى .. بس افرض حب يغير رايه ويكتب كلام جديد؟؟


أترك لصديقك الذى أهداك التاج بان التاج نزل وتعالى شوفه
حااااااااااااضر


حلو الكلام ؟
لسه فى تاج كمان جاى فى السكه
ان شاء الله

ايه ده

السلام عليكم يا مدونين يا حلوين

بصراحه يعنى انا مش عارفه انتو ازاى صابرين على االمدونه دى

انا كل يوم ادخل اشوف
مالقيش ولا بوست جديد ولا صوره جديده ولااى حاجه
هى المدونه دى مالهاش صاحب يسال عليها ولا ايه


بجد يعنى كتر خيركم انكم لسه فاكرينها


بجد
مش عارفه ليه مش كتب فى مدونتى حبيبتى
رغم انى عندى فى دماغى حاجات كتير عايزه اقولها
وكمان كتير بزهق وابقى عايزه افضفض فيها
بس ساعه الزهق
حالتى لا تسمح
وكمان عندى تاجات اصحابها هيموتونى قريب
ايه رايكم نبدا بالتاجات عشان ماحدش يبقى ليه حاجه عندنا



ان شاء الله البوست الجاى
هههههههههههههههه
كنتوا فاكرين انى هعملمه بسرعه كده ولاايه

بس سيبكو بقى من التهريج وقولولى
هو احنا عاملين المدونه ليه
عشان نكتب فيها كل اللى نحس بيه

امال انا ليه مش عارفه اكتب
كل مالاقى حاجه مزهقانى بلاقينى ببعد عن كل الناس وكل حاجه وبحب اقعد لوحدى
وكمان بحس انى مش لازم ازهق الناس بزهقى
يعنى لو لاحظتوا كده
هتلاقو كل امواضيع فى المدونه تهريج

اكيد يعنى انا مش عايشه فى حياه ورديه مختلفه عن كل الناس
بس يمكن مش بعرف اعبر عن زهقى

وخصوصا انى لما بزعل مع حد لا بعاتبه ولا بقول له
ولا حتى بسامحه
مجرد انى ببعد عنه شويه لحد ماانسى
هو كده صح ولا لا ......... مش عارفه

فى ناس بتحس ان كده غرور منى
بس انا مش كده

يلا بقى بعد كده كل المدونه نكد فى نكد
عاااااااااااااااااااااااااا

مش بحب النكد
ماتخافوش
اصلا انا مش بعرف ابقى كئيبه
ولا بعرف اتكلم عن الزعل والحزن والحاجات السودا دى

انا مهما حد زعل منى او زعلته برضه بصالحه بضحك وتهريج
امال يعنى فاكرينى هتحايل عليه؟؟؟؟؟؟

يلا باى
كفايه كده

16 April, 2008

vista











فى حاجتين بيخلوا اختى تصوت منى
1
الكمبيوتر


طيب انا بكل حسن نيه نزلت فيستا




وسطبتها وخليت شكل الكمبيوتر زى العسل
وثيمات بقى وديسك توب
وحاجات حلوه خالص


اصحى الصبح بقى تقولى فين الماسينجر؟
عايز يتسطب من جديد
يعنى ايه انتى مسحتيه وكل الارشيف اللى فيه

امممم اه
فيها ايه يعنى مهو ده الطبيعى

:D

طيب انت شيلتى ليه الفاير فوكس من على الديسك توب بتاعى
ااااا اا انا ماشيلتوش بس من على الديسك توب انا شيلته كله
نعم ايه؟ يعنى ايه؟ وكل ال
bookmarks
راحت؟

اه

لا حول ولا قوه الا بالله يا شيخه حرام عليكى يعنى كل الشغل اللى كنت حاطاه راح
حراااااااااااااااااااااام


ولسه لما تعرف ان مافيش
word
powerpoint
real player

ولا اى حاجه

كله راح
راااااااااااااااح

طيب وانا مالى يعنى


ده غير شكل الوندوز اللى اتغير ومش عارفين مين بيروح فين


بس انا كان غرضى شريف يا عمى


معلش بقى خيرها فى غيرها







اه نسيت اقولكم ايه بقى تانى حاجه بتخليها تشد شعرها



ان انا اختها الكبيره وهى مش عارفه تعملى حاجه


31 March, 2008

افرح يا قلبى لك نصيب تشوف الريس

باركوووووووووولى
وزغرطوا


انا شفت الريس
ومش مره واحده
لالالا

يجى 11 12 مره
وفى يوم واحد كمان

طبعا مهو مش اى اى ولا زى زى

ايه ايه كل دى طلبات
لالالالالالالالالالا
انتوا كده هتتعبوا الريس
لا يا جماعه نظاااااااااااااااااام


ايه انتو فاكرين الريس سهل كده
لا

استنوا اما احكيلكم انا قابلته ازاى

امبارح وانا راجعه من الكليه الساعه 3 "منه لله اللى كان السبب" مش قادره امشى ونفسى انااااااااااااااااام
لاقيت الشارع فيه عسكرى مرور عند الميدان قلت يادى الهنا يادى السرور اخيرا عسكرى ينظم مرور العربيات بدل ما الشارع بيوقف من العربيات اللى كله مصمم يعدى قبل التانى

وبعدين وانا باعدى
لاقيت برضه الشارع واقف ومفروش عسااااااااااااااكر


هو احنا مش هنعدى ولا ايه؟ "ده انا بسال
تعالى كده يلا تععالى مع الناس هنا - ده واحد ماعندوش ذوق بيكلمنى
ايه فيه ايه؟
رئيس جمهويه بلدك معدى


طبعا قلبى اتنطط وفرحت واترسمت على وشى السعاده انشرح صدرى وقلت
ياخى ربنا يخلصنا منه هو واللى معاه

انا مالى انا عايزه اروح

واذ فجاه تعدى عربيه الرادار

وبعدها عربيتين جيش اه والله عربيتين جيب مفتوحين كده وكل واحده فيها 4 جنود مدججين بالسلاح
حلود مدججين دى

وبعديهم بقى اشى موتسكلات وعربيات سودا يجى 12 عربيه ورا بعض
ياترى هو مستخبى فى انهى واحده؟؟؟
وبما انى مش عارفه قلت خلاص نقسمه على ال 12 عربيه
يبقى دى راس السيد الرئيس
ودى دراعه اليمين
وادى الشمال كمان
ودى بقى .....
واللى بعده واللى بعده.....


يبقى انا كده شفت الريس على 12 حته


وعدى سيادته فى سلام وامان وسط وابل من الدعوات والامنيات
وراح فى ......................


انا يوقفونى فى الشارع عشان فى واحد معدى ليه يعنى

هو مش عنده طياره بيمشى فى الشارع ليه زى عامه الشعب
حاجه تفلاء - ماعرفش بتتكتب ازاى دى بس هى فلء فلأ فو مفلوق يعنى اتقسم نصين

يلا باى هاروح انام بقى
شعب وشششش صحيح

قال رئيس جمهوريه بلدك قال

21 March, 2008

موبايلى حبيبى

بس خلاص اخيرا

بعد البحث والفحص والتدقيق

وبعد ما كل امه لا اله الا الله عرفت انى عايزه اجيب الموبايل
اخيرا
تكرمت ورضيت اجيبه


الحمد لله عاجبنى اوى ومبسوطه بيه خالص
الحمد لله كل المواصفات اللى كنت عايزاها لاقيتها فيه

وشكله كمان عاجبنى اوى
بجد انا مبسوطه


ده حتى ماما عاحبها
وعايزه تاخده منى لفه

طبعا هى ماما اه
لكن موبايلى لاااااااااااااااااا
مايغاش عليها طبعا

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)