06 November, 2007

معلش... ده برضه رسول البشريه

السلام عليكم يا شباب

كنت قريت الموضوع ده وانا ليا عليه تعليق خاص
فحبيت اخد رايكم

الموضوع

اختر الرسول (محمد صلى الله عليه وآله وسلم)


ادخل بسرعة

جريدة اسبانية تجري استفتاء حول أفضل الشخصيات ومن بينهم سيدنا محمد ( صلى الله عليه وآله وسلم)


حالياً تجري جريدة اسبانية استفتاء حول من هي الشخصية الكبيرة التي لها تأثير على البشرية ومن تلك الشخصيات الحبيب المصطفى صلى الله عليه واله وسلم وباقي الأنبياء كسيدنا عيسى وعدة شخصيات أخرى.


والشخصية الأعلى تصويتا سوف ينجز عنها برنامج خاص للتعريف بها وهذه هي الفرصة السانحة

كي يتعرف الأسبانيون والأوروبيون بالحبيب المصطفى


إخواني لا تبخلوا عن رسولكم وصوتوا له.


أنا اعرف أن المصطفى صلى الله عليه وآله وسلم أنبل وارفع عن هذه الاستفتاءات ولكن هذا الاستفتاء ورائه شيء آخر هوانجاز برنامج خاص عن الشخصية الفائزة


وهذا ما نريده من اجل التعريف برسول الله صلى الله عليه وآله وسلم


هذا هو الموقع واسم محمد (صلى الله عليه وآله سلم) بالاسبانية هو

Mahoma


ادخل على الموقع من خلال هذا الرابط

http://www.elmundo.es/elmundo/debate/2007/...aciones689.html


واختر

mahoma

ثم إضغط على

votar

في الأسفل

نصف دقيقة لا أكثر ..أرجوكم
أرسلوها لكل من تعرفوه ومن لا تعرفوه و جزاكم الله خيرا ووفقنا لصالح الأعمال

-----------------------------------



يعنى كنت بقول :


1- اعتقد انه لسه ماجاش اليوم اللى وصلنا فيه اننا نقول صوت لرسولك


2- الرسول عليه الصلاه والسلام ليس موضع مقارنه مع رؤساء الدول او لعيبه الكوره

عشان يدخلو فى مسابقه مين احسن شخصيه


3-انا اصلا مش عارفه اقرا ايه اللى مكتوب ولا مين هيعمل ايه بعد التصويت

لانه بالاسبانى


4- احنا ايه اللى يضمنا انهم حتى لو هينشروا السيره الذاتيه للرسول

عليه الصلاه والسلام

انهم هيكتبو حقائق صحيحه وليس تحريف او تشويه

او حتى يكتبوا الحقيقه بس من وجه نظرهم هم


5- ناس كتير بتقولى دى فرصه كبيره عشان نعرف الاوروبيين مين هو الرسول محمد

صلى الله عليه وسلم

ونعرفهم ان المسلميين متمسكين بدينهم ورسولهم

واننا اكبر عدد من الغرب

طيب ولحد امتى هانفضل نعتمد على غيرنا عشان يقوم بواجبنا احنا

المفروض ان ده واجب المسلمين واولى الامر والدعاه

يبقى ماينفعش اننا نجيب شركه او مجله اجنبيه ونديهم توكيل وحق النشر فى الموضوع ده



ولا عشان حاجه ببلاش

!!!!



6 comments:

  1. على فكرة أنا فتحت بس ملقيتش أي حاجة من اللي بتقولي عليها

    لقيت خير اللهم إجعله خير شاشة بيضه أبيض في أبيض وفي النص مربع أزرق مفهمتش اللي مكتوب عليه وملقيتش الكلمة اللت انتي كاتباها

    عموما ربنا يجعله في ميزان حسناتك

    ولو إني مكنتش أحب إني أشارك في حاجة تقارن مابين الأنبياء
    أيهما أحسن
    كلهم طبعا رسل الله وأنبيائه
    ولا إنهم لو عرضوا سيرة سيدنا عيسى كانوا أكيد هيلبخوا فيها ويزورها
    مكنتش شاركت

    وجزاكم الله خيرا
    ودمتم في رعاية الله

    ReplyDelete
  2. BEDO:
    معلش يا بيدو اللينك ماكانش مظبوط
    بس دلوقتى سليم

    انت بتقول تقارن بين انبياء الله
    لا
    هم بيقارنو بين شخصيات عامه
    يعنى رغم انى ماليش فى الاسبانى الا انى عرفت
    رمسيس التانى ,غاندى

    وكمان لاقيت ان نسبه المصوتين للرسول
    عليه الصلاه والسلام 88% ومافيش غير شخصيه واحده بس هى اللى متصوتلها تانى


    بس انا مافهمتش انت صوت ولا لسه

    ReplyDelete
  3. بندقه
    انا معلوماتى فى الاسبانى زى معلوماتك فى اللغه الصينه بالضبط بس اعتقد والله اعلم انى ده استفتاء عن اهم الشخصيات على مدار تاريخ العالم علشان شوفت اسم هتلر وغاندى وده تصحيح لمعلوماتك
    بس عموما اى مكان الاستفتاء على ايه دى مش نقطه خلاف ربنا يجعلها فى ميزان حسناتك

    ReplyDelete
  4. مش مهم الاستفتاء عن ايه او لمين

    المهم انك فعلا اضفتى موضوع جديد
    هيشغلنا لفتره

    ياترى الاسلام بقى بالضعف اللى خلى الكفار يعملوا تصويت على المعنى الاسمى والرسول الاعظم


    جزاك الله كل خير

    ReplyDelete
  5. بصى يا دكتورة
    اكيد احنا عارفين ان الرسول محمد هو اعظم انسان عرفته البشرية والكلام ده برضاهم او غصب عنهم بس انا رأيى ان لما الرسول صلى الله عليه وسلم يفوز بتصويت الناس ويتكلموا عنه حتى لو كلام مش فى محله بس هتخلى الناس تقرا عن الاسلام وعن الرسول يمكن فى الاول حب استطلاع ويمكن بعد كده ربنا يكرمهم ويعلنوا اسلامهم

    ReplyDelete
  6. رئيس جمهوريه نفسه:
    شكرا على مشاركتك
    ويارب ترجع بالسلامه
    --------------------------
    د.سامو:
    فعلا موضوع جديد
    هنتكلم شويه وننسى
    هو ده اللى مخلينا دايما متاخريين مافيش حاجه بنعملها
    ربنا يوحد صفوف المسلمين
    نورت يا دكتور
    -------------------------------
    محمد:
    شكرا على التعليق
    واهلا بيك صديق لمدونتى
    وجهة نظرك سليمه
    وده اللى خلينى اصوت فعلا رغم اعتراضى على الفكره
    شكرا

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)