01 November, 2007

تاخد حقك ولا تعيش؟؟؟

طبعا كلنا عايشين ومبسوطين
واللى مش مبسوط يبقى مش مقدر االرفاهيه اللى هو فيها
ويروح يتعالج


المهم ان انا هاحكيلكم النهارده عن احداث خياليه
من وحى خيالى انا
حيث انى حاسه بملل من كتر الهنا االى انا فيه وعايزه اقلب على نفسى المواجع

اه عايزه اتعالج

يعنى يحكى انه فى زمن من الازمنه الغابره
حيث كان يعيش الملوك
وتحت ايديهم العبيد
صدر فرمان عالى
ماعرفش منين
المهم صدر فرمان ان كل العبيد يتحرروا وتعيش كل الناس سواسيه

الناس كلها فرحت
بس بعد شويه حس العبيد المحررين دول انهم مستعبطين-يعنى حد مستعبطهم يعنى

لقو ان الملوك لسه برضو مشغلنهم عندهم
مهم مالهمش مصدر رزق غير ده
وياريتهم حتى بياخدو فلوس
لا
دول واخدينو اكل وعيشه
يعنى ماتغيرش حاجه

المهم جه بقى واحد وزته نفسه انه يقول
لا

وكانت هى ال لا
لا مش عايز اشتغل
لا مش عايز اتبهدل
لا انا عايز حقى
عايز فلوسى
عايز احترامى
عايز حريتى

تفتكرو ايه اللى حصل
؟
؟

ولا حاجه
قالو عليه مجنون
واتهم بالهرطقه
وحوكم بالاعدام شنقا
يلا كان كلب ومات


بقيت العبيد بقى
كان برضه فيهم ناس فيها الرمق
يعنى لسه بتفهم
وبتفكر
ومش راضيه عن اللى بيحصل
لا عن اوضاعهم ولا عن الراجل اللى راح فطيس ده

طيب يعملوا ايه؟
يطالبو بحقهم ويروحو فى خبر كان
"كان كلب وراح"و
ولا يسكتو ويعيشو


هو ده السؤال
تطالب بحقك وتضحى عشان غيرك يتحرك
ويحصل تاثير
وتغير
وناخد حقنا

ولا هنعيش كده ونموت كده
ونستنى اللى ياخدلنا حقنا
طبعا اللى كان بيسال كده
ده واحد من المجانين اياهم

تررررررررررررررررررررررررررررررررن
تررررررررررررررررررن
ايه الوش ده
مين اللى بيخبط عليا

اصحى يا بندقه هاتتاخرى على الكليه
ايوه يا ماما
صحتينى
ده انا كنت بحلم بالعصور السحييييييييييييييييييييييييقه

6 comments:

  1. ارد اقول ايه ؟؟

    انتى اختصرت اكتر من نثف قرن فى مجموعه من الكلمات المعبره اوى

    عارفه انا كمان عايز اتعالج بجد؟؟؟

    انا زهقت

    شبابنا كل يوم بيهربوا من العيم اللى احنا فيه ويسافروا

    تعرفى يبدو ان العلاج بقى صعب اوى

    انتى كتبتى مش عن احساسك انتى بس بالعكس انتى كتبتى هن مشاعر ملايين


    بجد تستحقى كومنت اكبر من كده بس هجيب كلام منين


    امضاء // صديقك

    ReplyDelete
  2. اخد الاتنين
    حقى واعيش


    بحكمه وذكاء

    خيالك رائع
    القصه جميله فعلا

    ReplyDelete
  3. انا بقى

    لاعايز حقى


    ولا عايز اعيش


    انا عايزكم تسيبونى ف حالى


    هههههههههه

    ReplyDelete
  4. د.سامو:
    انا كمان زهقت جدا جدا
    وحتى مش حاسه انه لو فى علاج هايجيب نتيجه
    احنا محتاجين
    eradication

    للاسف كل اللى مسيطر عليا ان مافيش فايده
    شكرا على التعليق
    اكيد مافيش اكبر من كده
    كفايه انه من صديق
    ----------------------------------
    سمسم:
    اهلا بيكى فى المدونه
    جميل اوى انك تاخدى حقك وتعيشى مبسوطه
    بس ياريت
    كلنا نتمنى
    -----------------------------------
    كفراوى:
    هانسيبك فى حالك تعمل ايه
    لما انت مش عايش
    هاتعمل ايه؟؟

    ReplyDelete
  5. الساكت عن الحق شيطان اخرس
    والمسلم إيجابى

    ReplyDelete
  6. انا افتكرت الخبط ده امن الدولة
    :)

    انا طبعا اخد حقى و اعيش
    امال احنا بنلعب ولا ايه

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)