25 October, 2007

عايزه اشترى موبايل

السلام عليكم
شوفو بقى بعد طول انتظار قررت اشترى موبايل
بس عايزه اعرف منكم بقى ايه الحاجه الكويسه

انا عايزاه
يستحمل الشغل الكتير وضد الصدمات يعنى يستحمل لابعد الحدود

ويكون براديو اف ام

وشاشه الوان

ونغمات حلوه

ويكون سعره كده معقول
اوعى يعدى الاف جنيه
انا ورايا عيانين بياخدو فلوسى

وهاسهلها عليكم
اناعايزه نوكيا
مش اى ماركه تانيه


وعشان انا ماعرفش اى حاجه فى اى حاجه عن الموبايلات
يبقى لازم استعين بصديق
والصديق ده بقى يبقى انتم
اه اتدبستو وخلاص

هاااااااا كله بقى يقولى رايه

10 comments:

  1. نوكيا 6630
    انا برضو مش بقتنع الا بنوكيا ...
    انا عندي زيه ما شاء الله بقاله بتاع سنتين ... و زي الفل ...
    بس هو مفيهوش راديو ...غير كدا هو تمام ....

    ReplyDelete
  2. ازيك يا بندفه هاتى نوكيا 5300 حلو جد وفى كل حاجه وشكله ظريف وهو ب900 وشويه بس انا مش متاكده اذا كان فى راديو ولا ؟لأ

    ReplyDelete
  3. هههههههههه
    لسعان رسمي يابنتي
    لا والبوست اللي قبله عن الساعه
    انتي مره واحده اكتشفتي انك ماشيه من غير بطاقه

    حيث اني مابفهمش غير ان الموبيل يقول الو
    فالموتو اللي معايا شغال زي الفل
    بس مش ضد الصدمات خالص
    moto v3i
    ماتشتريهوش بقي:)

    البوست اللي جاي عن ايه بقي يا تري؟
    مساء الدماغ العاليه

    ReplyDelete
  4. نوكيا3220
    او نوكيا 6020
    بس
    6020
    فى انفرا
    يعنى هتتظبطى
    وشكلهم محترم اوى وسعرهم ميعديش ربعمية
    لو عايزة
    مش هشتريلك طبعا
    روحى اشترى لنفسك انتى صغيرة

    ReplyDelete
  5. انا من راى انك تتوكلى على الله وتجيبى نوكيا 3310c حتلاقى فيه شاشه الوان استخدام كارت ميمورى مشغل موسيقى وكمان راديو خفيف الحجم بيعيش والسعر بحوالى 850 جنيه بس والذاكره بتعته تسعى حتى 2 جيجا بلوتوث انفرا يعنى من الاخر حتعيشى بيه

    ReplyDelete
  6. احمد عيسوى:
    شكرا يا احمد
    بس الراديو مهم عشان احنا عندنا المحاضرات
    خنيييييييييييييقه
    --------------------------------------
    نفرتيتى:
    نوكيا 5300 ده بيتفتح صح
    اناعايزه موبايل على بعضه
    بس هو فعلا حلو
    ---------------------------------------
    حصان برى:
    لسعان
    الله يسامحك
    البطاقه البطاقه
    والله مش فاكره اخرمره كانت فين؟؟؟؟؟؟؟؟؟؟؟؟
    هاروح ادورعليها
    هههههههههههههههههههههه
    الموتو بتاعك تعبان
    هابقى اجيبلك واحد معايا
    البوست اللى جاى مش عارفه لسه
    لما يطق فى دماغى هتلاقيه طلع على طول
    -----------------------------------
    doha:
    طبعا هاشترى لنفسى
    هو انا صغيره ولا ايه

    3220 ده شكله وحش اوى
    6020 مافيهوش بلوتوث
    وحش وحش
    انا عايزه واحد شكله اموووووووووووووور
    ---------------------------------
    رئيس جمهوريه نفسه:
    وسع يابنى منك له
    الريس وصل

    لالالالالالالالالالالالالا
    ده ابيض واسود
    متهيئلى انت قصدك
    3110c
    ده ايه رايك فيه

    ReplyDelete
  7. والله انا من رأيي
    تجيبي موبيل قديم مستعمل
    وهاتي ام بي ثري بلير او ام بي جي
    فور
    ومش هيكلفك الاتنين 1000 جنيه خالص
    هتلاقي اغاني وعتلاقي اف ام وبيسجل وفلاش ميموري وهتشغلي فيديو كمان علي
    لالام بي فور

    وتحياتي

    ReplyDelete
  8. بصى بقة انا اول مرة اجى مدونتك
    وعجبتنى جدا

    ونفسى ادلى برأىى فى الموضوع الرهيب دا

    انا من كام كنت مع البت بن تخالتى بنجيب لها موبايل


    قدامك حلين مع كل مواصفاتك دى

    الاول : نوكيا 3310
    تمنه 800
    شكله : اسود وكله على بعضه حتة واحدة
    كاميرا : والرزليشون بتاعها 1.3 يعنى جميل جدا زى اى موبايل من اللى معدى الالف

    فيه مكان لكرت ميمورى يعنى لو ربنا فتح عليكى وحبيتى تحطى كرت

    تقريبا فيه رايو وام بى ثرى

    والاهم من كده انه زى اى موبايل يتصل وبيستقبل مكالمات

    وصغنن وشكله حلو
    :D

    الحل التانى تجيبى الدمعة الى انا مش فاكرة رقمه اللى ليه حتة معوجة من فوق دا

    دا بره امكانياتاه حلوة وتمنه الف وخمسين

    اى خدمة
    واحنا فى الخدمة

    تحياتى
    :)

    ReplyDelete
  9. تامر حسين:

    شكرا يا تامر بس انا ماليش فى القديم
    تقدر تقول كده ان تجاربه معايا مش اوى

    اهلا بيك
    ----------------------------------
    حدوته :

    شكرا حبيبتى
    ويارب تزورينى على طول

    اكيد انت قصدك برضه على ال 3110
    هو ينطبق عليه كل المواصفات دى
    وربنا يسهل انا فعلا بفكر فيه ده

    شكرا يا ججميل على الخدمات الجامده دى
    بس قوليلى بقى
    كنتوا بتشتروه منين؟؟؟
    ----------------------------------
    كفراوى:
    والله انا سالت مالقيتش حاجه اسمها 3310

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)