08 September, 2007

تاج محل


سلام عليكم
التاج ده كان جالى من زماااااااااااااااان من والقادم اجمل
وهى صبرت عليا كتييييييييييييير
لحد ما هوندا
بعتتهولى تانى ...قلت لا كده انا هاضرب
هو تاج حلو وجديد
اسيبكم معاه بقى
محدش يقولى ايه علاقه الصوره بالتاج
هو ده تاج وده تاج محل
يعنى هم التنين من زماااااااااااااااان



1- اسم مدونتك؟
me,myself and the world

2- لماذا اخترته ..وماهي نيتك من وراء اختياره؟
لانى لما فكرت اعمل المدونه كنت حاسه انى اتنين ناس فى بعض واحد عايز يرضى الناس والتانى عايز يعمل اللى يعجبه هو وكنت زهقانه جدا وحاسه بانفصال فى الشخصيه وجه فى بالى الفيلم بتاع جيم كارى
me,myself and Ayrene

3- هل فكرت في إغلاق مدونتك؟ والسبب؟
لا لانى لسه عايزه اقول حاجات كتير فيها

4- صورتك في المدونة ورمزيتها ؟؟
انا كنت بدور على صوره بندقه عشان تليق عليا
بس مالقتش
وصوره البنت الاموره دى عاجبتنى فحططتها

5- لماذا دخلت عالم التدوين من الاساس؟
فى الاول كنت عايزه اقول اللى جوايا
وبعدين قولت اتكلم اشوف يمكن الاقى حد زيى ولا انا بس اللى فيا حاجه غلط

6- جمله قيلت لك فى وصف مدونتك؟
الحمد لله فى ناس كتير قالولى ان مدونتى لذيذه ودمها خفيف
فى ناس قالولى ان موضوعاتى حلوه
فى ناس اعجبت بشكل المدونه!!! حاجه غريبه مش كده
بس الحمد لله يا رب دايما تعجبكم

7- التعليقات بالنسبه لك ,اهميتها؟
مهمه جدا التعليقات.... ده انا اول بوست كتبته وماحدش رد عليه كنت زعلانه جدا وفكرت اقفل المدونه مادام ماحدش بيرد علياوكنت هاكتب فيها "اعملو حسابكم مافيش بوست جديد غير لما تعلقو على القديم" اه امال ايه بكتب عشان اعرف راى الناس واتكلم معاهم

8- احلى بوست كتبته ...ضع اللينك , ثم اذكر لماذا؟ !!!!!!!!!
بوست خير الاسماء....لانى كنت زعلانه اوى من الموضوع ده ونفسى يتغير
بس الاهم
قلولى انتم انهى موضوع عاجبكم اكتر


9- افضل بوست قراته؟وضع لينكه
بصراحة فى موضوعات كتير فى مدونات كتير جميله

10- أفضل مدونة قرأتها؟
كل المدونات اللى بتابعها حلوه واكيد فى حلو كتير لسه ماقابلتهوش

11- حد قل أدبه فى التعليق إيه رد فعلك؟
بحذف الرد ومش هارد عليه

12- أسوأ بوست أسوأ مدون؟
اسوأ مدونه هى اللى فيها كلام خارج .او صور تخدش الحياء.فى اى موضوع
وللاسف ده موجود

13- هيحصل ايه لإيميلك لما تموت ؟؟
ليه بس السيره دى......... ولا حاجه هيتنسى

14- اديت الباسوورد لحد قبل كده؟
ايوه

15- اسمك؟
بندقه.. اه ولا عايزين اسمى الحقيقى
لااااااا دى اسرار والمدونه متراقبه
بس هو الدلع بندقه وانا هاستغلكم واخليكم تدلعونى

16- المشهور بيه وسط اصحابك؟
ممكن تقول اللى مشهور بيه وسط المدونين "بندقه برضه"امال احنا بنحكى فى ايه من الصبح

16-عمرك؟
23

17-برجك؟
الجدى
18-مجال دراستك؟
طب.... يارب نخلص على خير

17- شخصيتك نوعها إيه؟
هانبدا بقى فى الاسئله الصعبه
بس بيقولو عليا طيبه اوى

18- السفر بالنسبة لك؟
فسحه وتغير جو وخروج عن الروتين

19- وقت فراغك بتعمل فيه إيه؟
النت .. اتعلم واخرب فى الكمبيوتر

20- المود بتاعك؟
عادة بكون هادئه وبحب الضحك اوى
بس بعيد عنكم فى ساعات بكون مش عايزه اكام حد ولا حد يكلمنى
وده بيزعل ماما منى كتير

21- الاكلة المفضلة؟
الفته والسبانخ ومحشى الكرنب
والحلوياااااااااااااااااااات
بس والله مش باكل كتير عشان ماتخنش
بس اللى يحب يعزمنى يعمل حسابه على الحجات دى

22- صفات اللي أخدتها من بابا؟
دمه الخفيف وحنيته"زى ما ماما بتقولى"

23- الصفات التي أخدتها من ماما ؟
الطيبه وتحمل المسؤوليه وحسن التصرف

24- اكتر ست حاجات بكرهها؟
الاستهتار
الغباء
الظلم
القراءه والسطور اللى تحت بعضيها
الفرانكواراب
الخيانه والغش

25- اكتر ست حاجات بحبها؟
الكمبيوتروالنت
الانجليزى
الرياضه رغم انى مش بلعب اى حاجه
التفوق فى اى مجال
الاطفال بس المهم يكونو هاديين مش زي الاطفال بتوع اليومين دول
بحب دراستى فى الطب
بحب الارقام والحسابات
الايس كريم

26- الشغل بالنسبة لك؟
وسيله توصل لهدفى والنجاح

27- الانترنت بالنسبه لك؟
عالم كبير احب انى اعرفه

امرره لمين؟؟؟؟؟؟؟؟؟؟؟؟؟؟؟
حقوق النشر غير محفوظه
اللى عايزه يتفضل بس يسيب 5 جنيه على باب المدونه

13 comments:

  1. السلام عليكم ورحمة الله وبركاته
    ممكن اسأل سؤال ؟
    ايه علاقة تاج محل بالحوار عنك ؟
    يا ترى انتي ليكي أصول هندية

    ReplyDelete
  2. انتى برجى الجدى زيى هههههههه ع فكرة فى تاج معاه بتاع ادمان التدوين دوسى ع الصورة واختبرى نفسك

    ReplyDelete
  3. ههههههههههههههههه



    ع فكرة انا بحب الفرانكواراب جدا

    ReplyDelete
  4. كل تاج وانتى طيبة
    ورمضان كريم
    سلامات

    ReplyDelete

  5. اجابات طبيبة نفسية

    ربنا يستر :))

    مش قصدي انك سايكو يا فندم :P

    ربنا يكرمك

    تحياتي لك من ماناساس البلد

    ReplyDelete
  6. ازيك يا بندقه

    ايه الاجابات الدبلومسيه الجمده دى

    و بتحبى السبانغ
    انا كمان بحبها
    بس انا تقريبا ماكلتهاش غير مرتين
    فكرتينى بالذكريات

    مش السبانخ دى الى بتتعمل سندوتشات على العشا مع الشاى

    ههههههه

    تحياتى

    ReplyDelete
  7. هو ايه الفرانكو اراب ده يا بندقه؟
    بندقه انا رايحه اولى طب كويس انى دخلت الكليه دى ولا ايه اصل فى كتير قالولى انها كليه معفنه ومش مناسبه للبنات ولازم تاخدى كورسات من سنه اولى انتى ايه رايك؟

    ReplyDelete
  8. احمد:
    وعليكم السلام ورحمه الله وبركاته
    انا برضه ليا اصول هنديه
    ياشيخ
    ابدا والله
    كل الحكايه انى لقيت الصوره وعجبتنى واهو تاج برضه...مش كده ولا ايه
    ------------------------------------
    هوندا:
    انا عملت تاج الادمان ده قبل كده يا جميل
    وبلاش فضايح بقى على اللى حصل
    شكرا على التاج الحلو ده
    -------------------------------------
    كفراوى:
    ربنا يخليك للفرانكو اراب
    هههههههههه
    ----------------------------------
    عصفور بلا احنحه:
    نورت المدونه
    وكل رمضان وانتى بخير وصحه وسلامه
    ----------------------------------
    4xmisr:
    يعنى ايه الاسم ده؟؟؟
    وكل سنه وانت طيب
    ----------------------------------
    groom:
    طبيبه نفسيه....... ماشى هو حد لاقى يعنى
    هههههههههههههه
    يارب يكون رمضان سعيد فى مانساس البلد
    ----------------------------------
    mamado:
    صح هى دى اللى بتتاكل على العشا مع الشاى
    ولو جربتها بقى وانت صايم كده بعد العصر ........ ياسلااااااااام مافيش احلى من كده
    ----------------------------------
    نفرتيتى:
    اهلا بيك فى معسكر العذاب
    بس سيبك من كلام كورسات كل سنه ده
    قوليلى انت جامعه ايه؟؟
    الفرانكو اراب ده زى لما اجى اقولك كده
    "ويلكم ان ميديسن كولدج
    سمايل يو ار ان يور ساكند هووم" ربنا يشفيهم يا رب

    ReplyDelete
  9. 4xmisr
    يعنى
    فوركس = تجارة العملات
    + مصر
    بس

    انتى كنتى مرة طلبتى انى أعمل موضوع عن القوالب للمدونات
    فجيت أقولك أنى عملت التدوينة عن القوالب , وحطيت رابط للقوالب للتنزيل من مدونتى (قوالب 3 عامود)
    وحطيت رابط لمدونة صاحب القوالب ده عشان لو حد عايز ينزل قوالب 2 عامود

    نشوفك بعد العيد باذن الله
    سلامات

    ReplyDelete
  10. كل عام و انت و الامه الاسلاميه كلها بخير .

    ReplyDelete
  11. كالمعتاد متأخر عارف

    بس
    كل تاج وانت طيبه وعقبال الكاس


    كاس العالم

    ههههههههههه

    بس خلينا نشوفك

    ReplyDelete
  12. كل عام وكل يوم وكل ساعه وكل دقيه لأ وكل ثانيه وانتوا ٌرب دايما من الله والي الله..وبمناسبه رمضان بفكركم بالفوازير اليوميه وهي عباره عن خلق وصحابي بطريقه شعريه .ولسه أدامكم فرصه تجاوبوا علي الأسئله اللي فاتت لإن كل فزوره ممكن تجاوب عليها خلال عشر أيام

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)