05 August, 2007

اول وتانى تاج مره واحده


انا لله وانا اليه راجعون
علمت من كام يوم ان صديقتنا شيكو صاحبه مدونه
shiko on line
توفت
اللهم ارحمها واسكنها فسيح جناتك
بجد زعلت جدا لانى رغم انى لم اعرفها لمده طويله ولكنى احسست انها فتاه طيبه
---------------------------------------------------------------------------

ثانيا
اخيرا جالى تاج

وده اول تاج وكان من الصديق ياسر
صاحب مدونه دينامو الاخوان

بعتذر ليك يا ياسر لانى اتاخرت اوى على ما رديته ولكن على ماعرفت النظام
هل تحرص بصدق علي تجديد النيه قبل الدخول علي النت؟؟؟
للاسف لا مابفتكرش
ربنا يسهل واجدد النيه فى المرات القادمه

ما رأيك في جريده الدستور؟؟؟
زى اى جريده بتهاجم وخلاص وماشوفناش اى عمل
بس هى لذيذه وفيها بغض النظر عن السياسه مواضيعها الاخرى حلوه

هل تثق في جريده الدستور؟؟؟
اثق فى ايه كله كلام جرايد

أنا بحبكو في الله..فهل تحبونني...ولا تنسوا الصدق؟؟
نعم فانت انسان محترم ومهذب

هل تعمل في السياسه والعمل العام أكثر من الربانيات والروحانيات؟؟؟
لا الحمد لله انا ماليش فى السياسه خالص

ده كان التاج الاول
--------------------------------
------------------------------------
التاج التانى خاص بحمله رفض تحديد الانترنت
وكان جايلى من هوندا صاحبه مدونه
رغايين سبووت

ما هو مدى أستخدامك للأنترنت ؟؟

مستخدم اعتيادى - ايميل - شات - العاب
- تحميل - العاب - برامج


كيف ترى هذى الحملة وما مدى تأثيرها على المستخدمين والمختصين ؟؟
1- ترجعنا للخلف
2- تفرض حصارا معلوماتيا على المتخصصين والطلبة والشعب

ما رأيك بقرار وزير الاتصالات الجديد ؟

قرار الوزير لا يؤدى لشئ سوى ازدياد الوصلات غير الشرعيه لانها غير محدده السرعه ومجالها اوسع


ما هى اسباب الوزير المعلنة والغير معلنة فى رأيك ؟؟؟؟
الوزير كما قال يريد ان يقلل السعر و يزيد عدد المشتركين .....هو بيقدم لينا خدمه

اما الهدف الخفى انه اكيد مافيش حد هاينفعه ال 2 جيجا دول وهيستخدم اكتر من كده بكتييييييييير وهايدفع اكتر والوزير عايز كده اننا ندفع اكتر والاسم بيقلل السعر
من هم المستهدفون بهذا القرار ؟
اعتقد ان المستهدف فى هذه الحمله ليس اشخاص معينه

ولكن هو عموم الشعب اللى هايدفع اكتر والبلد تستفيد واحنا مانشوفش حاجه من الفلوس دى

هل تهدف الحكومة من هكذا قرار بتطبيق المبدأ العربى الشهير الا وهو فرض الوصاية على هذا الشعب القاصر ( من وجهة نظر الحكومة ؟)
اكيد هو حكم القوى على الضعيف
كيف ستتراجع الحكومة عن قرارها ؟


الحكومه لن تتراجع الا اذا خسرت

يعنى لازم نقاطع او نرجع للوصلات الغير شرعيه اللى مش عاجباهم

يمكن ساعتها يفكرو ازاى يكسبو من غير استهبال على الناس


كيف تصف هذا الحدث ؟؟
سرقة واستغلال


هل يستحق وزير الاتصالات الائتمان على أمن مصر المعلوماتى وصناعة التكنلوجيا بمصر؟؟؟

من وجه نظر الشعب كل الوزراء يمشو احسن

من وجه نظر الحكومه اللى يجيب فلوس اكتر يقعد اكتر

ماذا تتوقع من تفاعل هذى الحملة عالميا وعربيا ومحليا ؟؟؟؟

عالميا :العالم ينظر لنا على اننا عاله عليهم ولا نستحق العيش

فلا يجب ان نعتمد عليهم فى اى شئ

لان اعتمادناعلى الغير لحل مشاكلنا هو ما ادى بنا الى هذه الحاله من كوننا عالم تالت

محليا : ارجو ان يستمع لنا احد وان كنت لا اعتقد هذا

هل أثبتت وزارة الاتصالات والمعلومات فى مصر جهلها العملى والمعلوماتى و سوء تقديرها للظروف المحلية والدوليه ... واستغلالها للوضع المحلى ؟؟؟
لا الوزاره تستغل الوضع الحالى بكل الطرق

وهذا ليس جهل ولكنه تستخدم الظروف لمصالحها وليس مصلحه الشعب
ما هو الحل فى رأيك ؟؟
الحملة وجمع التوقيعات
المقاطعة العامة لشركات الانترنت
لا نستطيع مقاطعه التليفون يجب ان نتكلم ونعمل بما هو معقول

قد نعيش بلا انترنت ولكن ليس التليفون خلينا واقعيين
هل ترى ان نجاح الحملة يتمثل فى
واسعه شويه وصعب تحقيقها اقالة الوزير الجاهل بمعايير صناعة التكنلوجيا ومواكبة التطور

:حل جيد ويرضى جميع الاطراف التراجع عن القرار
وضع نظامين تحت بند اختيارى:غير مضمونه لانهم ممكن يلغو النظام الاول فى اى وقت...... واخبطو دماغكم فى الحيط

ماذا ترى فى المناورة الاخيرة للحكومة تحت ضغط المرحلة الأولى من الحملة ؟؟؟؟
مناورة واضحة وكذب صريح

---------------------------------------------------------------
التاج ده لكل المدونين
للمشاركه فى الحمله
ومن عندى انا همرره ل
زحل الفلكى
دكتور ميستيكنص
مع نفسى
ممكن

مبحر فى ذات
فوكيره
والقادم اجمل

حكاوى وتخاريف
شبابيك على الحياه
بلاعه الحكومه
حصان برى
crazy boy

ولكل من يدخل المدونه
وارجو نشرها لكل من تعرف
ولعل وعسى يجيب نتيجه
والسلام عليكم
----------------------------------------------------
ان شاء الله عندى موضوع جديد
عايزه اعرف رأيكو فيه
هاكتبه قريب ان شاء الله

8 comments:

  1. انا اول واحد ........انا مش مصدق ...

    ما علينا


    بالنسبة للتاج الاول

    و اللة ياريت الاخ ياسر يكون قد كلامة
    و مالوش ف السياسة لانها بقت وجع قلب
    ووجع دماغ الايام دى



    بالنسبة للتاج التانى


    جميل

    بس اهدى شوية على وزير الاتصالات
    و على الوزارة


    الراجل مش عارف يكلم ف التليفون
    منك.......!اللة

    مش كدة خالص


    اراهن ان ماكان مشترك ف النت الهوائى؟


    و بعدين الراجل هايعمل اية و لا اية .....

    هو بيكافح من اجل ان يكون النت للجميع

    تحت شعار

    _النت كالماء و الهواء ورغيف الخبز_



    و سلميلى

    ع التكنولوجيا

    ReplyDelete
  2. السلام عليكم
    اهلا كفراوى

    التاج الاول ده من ياسر اه
    بس دى اجاباتى انا

    اللانترنت فعلا شكله هيرسى على
    ماء بالكلور
    هواء بالعادم
    خبز بالحديد
    وسلملى على الحكومه النظيفه

    ReplyDelete
  3. اهلاااااااان بالبندقه
    اجاباتك زي العسل بجد يابنتي

    من وجه نظر الشعب كل الوزراء يمشو احسن
    من وجه نظر الحكومه اللى يجيب فلوس اكتر يقعد

    صحيح سمعتي اعلان ايه دي اس ال
    ضعف السرعه بنفس الثمن
    الناس دي فاهمه اننا فعلا تحت سن الرشد

    صحيح ايه التدبيسه اللي تحت دي؟
    بقي دي اخره الصداقه
    معلش يا جميل بس انا تبت من زمان عن التاجات
    وكده هزعل اللي بعتولي تاجات بعد التوبه

    بس بيني وبينك فاكر اول تاج كان الواحد مبسوط بيه قد ايه

    تحياتي يا جميل

    ReplyDelete
  4. حصان برى:
    اهلا اهلا

    ايه حكايه ضعف السرع دى؟؟؟؟؟؟؟؟
    دانا السرعه عندى مجننانى من ساعه الاشعارات الغريبه بتاعتهم دى

    ياسيدى انا ماكنتش اعرف انك تبت انا كنت فاكره ان الواحد بيفرح لما يجيلوه تاج
    وطبعا مايرضنيش انك تزعل حد بلاش هاحلوه انا وابعتهولك جاهز
    ههههههههههههههههههههه

    ReplyDelete
  5. البلد دى ماحدش فاهم فيها حاجه
    و اللى بيفهم ما بيستحملش
    بيطق يموت

    ReplyDelete
  6. إنا لله وإنا إليه راجعون
    ..
    إجاباتك صريحة وحلوة
    ..
    طب ما ينفعشي نقول رأينا قبل ما البوست يتنشر..عشان الوقت بس الله يكرمك

    ReplyDelete
  7. بمناسبة هل ننتظر رد صاحب المدونة..سبحان الله..طباعن..وليست طبعا واحدة ..يعني حتى لو قلت اي تعليق ولو هايف..لازم يرد على التعليق..يعني أنا بعلق عشان أكلمه وهوا يقلب مثلا
    ..

    ReplyDelete
  8. سبحان الله..بأه أنا أقول أتنظر رد صاحب المدونة..وحضرتك ماترديش

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)