24 August, 2007

احساسك ايه؟؟؟؟؟؟؟؟؟؟

السلام عليكم

,سورى اتاخرت عليكم اصلى كنت اوت دورز

اصلى كنت فى تور بره .......

ابدا ماكنتش بصيف ولا حاجه ده يدوب يومين فى البلد كان فرح ماى مازرز كازن

بس بجد مسد يو جدا

كنت حاسه انى عايزه ارجع سو فاست عشان اكلمكو واخد رايكو فى سوم امبورتانت اشوز

بس بيليف ان الارياف اتغيرت جدا

يعنى بقت لايك تاون

الشوارع نظيفه و اولموست زى ما تكون بافد وايفين فى نت كافيه هناك

والبيوت كلها مبنيه بالطوب الاحمر ومتبيضه وجميله جدا

يعنى صوره الريف القديم و بيوت الطوب اللبن والحيوانات والفراخ والحاجات دى نو مور اجزيست

بس اللى خاوفنى هناك كان الافيان فلو

اصل الناس لسه عندها بيردز صحيح مكانها نظيف بس ماحدش ضامن

ريللى اتبسط اوى فى اليومين دول والفرح كان تحفه وقعد تل دوون والناس كلها صاحيه

ياه انا اتكلمت كتير اوى لدرجه انى فورجيت انا كنت هاكلمكو فى ايه اصلا

نو بروبلم لما اتفكر هاقلوكم تانى

سي يو باى





Yaaay tasawaro in fe nas fe3la tool alnahar betetkalem English fe 3araby keda


Ana te3bt menhom gdn….


Asly ba7b lma netkalem nera3y in fe nas momken mesh tekon fahma elenglish beta3na


Ya3ny hea elthaqafa matgeesh ela lma nekteb English bel 3araby


7aga 3'areba gedn


Wla anto eeh ra'euko??????????



Salamo 3aleko

16 comments:

  1. اى ثنك ذت ان الموضوع اللى انتى كنتى بتتكلمى علية دة

    وهو الارياف

    اتغيرت

    اعتقد ان دة من زمان و انا عايز اقوللك ع حاجة انا من كفرالشيخ
    جايز تكون بلد فلاحين بالنسبة القاهرة او زى ما اهل المدن الراكية بيقولوا

    ولكن تعالى بصى
    معدش بيوت بالطوب اللبن و لا حيوانات و لا اراضى زراعية يمكن
    الفلاح بقى قاعد ع حيلة
    و فارد نفسة باليل ع الحصيرة قدام
    ميلودى وروتانا و art افلام
    ومعدش اللى انتى بتحكى فية دة


    صورة الفلاح اللى كانت بتدرس لينا ف الابتدائية

    بخ

    راحت

    وبقى الفلاح لابس بنطلون جينز
    وراكب حتة دايو و لانوس
    وضارب موبايل
    n70

    سورى
    n فلاحين
    زى مابيقولوا


    سلام

    ReplyDelete
  2. نوووووووووووووو
    ذات از نوت ماى سابجيكت كفراوى

    ثينك اجين

    ReplyDelete
  3. السلام عليكم ورحمة الله وبركاته
    فعلا دي مشكلة كبيرة جدا جدا جدا جدا وهي إننا بنتكلم بلغة غير اللغة بتاعتنا في الوقت اللي كل العالم كله بيعتز بلغته وفرحان بيها قوي مع انها ممكن تكون لغة مكلكعة زي اللغة الصينية بس برضو تلاقي الصيني بيحبها جدا وعايز يعلمها للناس كلها إلا إحنا العرب اللهم صلي وسلم على النبي يعني خيبتنا ما وردتشي على حد والحق يقال هي وردت قبل كده على ناس كان اسمهم الغرب أيام مكان فيه ناس اسمهم المسلمين في الأندلس وكان لينا حضارة هناك اسمها الحضارة الاسلامية وكان الغرب بيجي يتعلم لغتنا ويتعملوا في جامعتنا في الاندلس وكان اللي بيتخرج بيلبس اللباس الاسود اللي الناس بتلبسه دلوقتي لما يتخرجوا من الجامعة الامريكية وكان اللباس الاسود ده دليل إن الطالب اللي جاي من فرنسا او انجلترا اتعلم في الجامعات الاسلامية في الاندلس وكان بيفتخر انه اتعلم عندنا واتعلم لغتنا ودلوقتي احنا اللي بنفتخر والحال اتقلب بس يا ترى هيفضل كده لأمتى ؟؟؟؟
    موضوع ملفت للإنتباه وكل ما افتكره احزن واقول ده دليل تخلفنا بس لسه عندي الامل اننا عمرنا ما هنفضل متخلفين على طول
    والسلام ختام

    ReplyDelete
  4. معلش انا نسيت أقلك جميل إنك عامله دعاية لبرنامج آذان والظاهر إنك بتهتمي بالصلاة وده خير فحبيت الفت نظرك لحاجة كتير من المدونين والمدونات مش بيخدوا بلهم منها وهي إنه بلاش تحط في المدونة بتعتك صورة لوحده شعرها باين او ايديها او او لأن كل ما شاب يشوفها هتشاركه في ذنبه والواحد مننا كفاية عليه ذنوبه قوي فياريت نخلي بالنا من كده
    والسلام ختام

    ReplyDelete
  5. فعلا دي مشكله حقيقيه ...
    مع الوقت حتتسرق لغتنا الجميله منا ...
    انا مش لاقي اي معني لكدا ..
    يمكن تكون منظرة!!!
    المصيبه الحقيقيه انو بعد المنظرة دي يطلع مش بيعرف يتكلم انجليزي او بينطق انجليزي بتاع فلاحين....
    يا رب اشفيهم...

    ReplyDelete
  6. اللغة كده شوية وهنحضر لها المقبرة هى دلوقتى بقت شبه اثرية
    بس فعلا الارياف اتغيرت انا برده لما رحت البلد فوجئت بالتغير الرهيب عن اخر مره رحتها وانا عيلة فى الابتدائى

    ReplyDelete
  7. احمد:
    اهلا بيك فى المدونه ويارب ماتكونش اخر زياره

    فعلا المسلمين كان لهم حضاره عريقه زمان
    بس ده مان زمان وزمان اوى كمان

    يعنى احنا دلوقتى ولا حاجه وشكلنا وحش اوى


    بس انا بتكلم عن حاجه تانيه خالص

    انا قصدى من البوست ده ..اانا حتى لما جينا نتعلم لغه جديده بهدلناها
    وبقينا نكتب العربى بالا نجليزى والعكس
    وناس كتير بتعمل كده وده ان دل ..دل على جهل اكتر منه علم

    حلو اوى ان يكون لسه عندك امل فينا لان انا فقدت الامل ده ومش حاسه اننا ممكن نتحسن فى اى شئ
    بس ربنا قادر على كل شئ
    ---------------

    بالنسبه للصور فعلا دى نقطه مهمه وجزاك الله كل خير
    مهو الواحد مش ناقص ذنوب
    بس انا لما حطيت الصوره دى صوره بنات يعنى انا مش هاخد ذنب
    بس عشان ماخدش ذنب حد تانى
    هادور على صوره تانيه
    وجراك الله خيرا
    ويلا يا عم هتاخد انت حسنات
    ---------------------------------
    احمد عيسوى:
    فعلا هى ده المصيبه انو مش فاهماى حاجه بس اهو بيتكلم وخلاص
    وممكن دى تكون وسيله لانه يخفى ضعف لغته او انه مش عارف يكتب
    ----------------------------------
    هند:
    اهلا بيكى

    المشكله مش فى اللغه
    لان ان شاء الله لغة القرأن باقيه

    المشكله فينا كشعب مستهتر بياخد كل حاجه تهريج ويلخبط ويعك وقال ايه بيخترع لغه للشات ولا النت

    يابنى دى مش لغه ده عك

    انا كمان بطلت ااروح البلد من ساعه ما كبرت
    يعنى هاروح اعمل ايه؟؟؟؟؟؟؟
    كنت زمان اروح اللعب دلوقتى خلاص

    ReplyDelete
  8. الناس بتعتبر إن ده إستكمال للوجاهه
    و بقت طريقه من طرق التمييز العنصرى بين ولاد الناس اللى لسانهم معووج
    وولاد البيئه اللى ما بيتكلموش غير لغة الضاد

    و وصلت لحد حلاقين الصحه اللى كتبوا على محلاتهم جولدن فينجرز

    و بتوع العصير اللى كتبوا توتى فروتى

    و هلم جرا

    موضوع لطيف جدا و مهم و يغيظ
    برافو عليكى

    ReplyDelete
  9. الموضوع ده مستفز جدا بالمناسبه بيضايقني بجد المشكله أن إحنا بننظر للي بيكلم كده أنه إنسان كويس مش مجرد واحد مبهور بلغه معنيه وبنمط ثقافي معين وبيحاول يبين نفسه إستبشيال!!!!!!!!!!!!!هناك العديد من الشعوب التي تحترم لغتها وتقدسها بدرجه كبيره لإعتقادهم أن هذا مما يؤثر علي هويتهم وشخصيتهم بصوره كبيره بس علي فكره إحنا مش منهم

    ReplyDelete
  10. السلام عليكم ورحمة الله وبركاته
    شوفي يا آنسة بندقة أنا شامم في كلامك ريحة يأس وإحباط وأنا بصراحة مضاد لليأس وبكره سيرته وبكره أكون يائس من أي حاجة وأنا إن شاء الله هبعت على المدونة بتعتي مقالة بتتكلم ليه احنا مش مفروض نيأس وأوعدك إن شاء الله لما ابعتها هعلقك على موضوع من مواضيعك واكتبلك الوصلة وتدخلي تقريها والسلام ختام

    ReplyDelete
  11. bondka hi my 3asal friend i miss u awy
    انا بكره الفرانكو ارب اكتر من اسرائيل لانه بيضيع اللغتين عربى وانجليزى وكمنا ده عدم انتماء لبلدنا شوف الفرنسيين
    مبينطقوش غير لغتهم
    انا كنت كتبت بوست عن الموضوع ده
    http://ana-w-honda.blogspot.com/2007/06/blog-post_09.html

    ReplyDelete
  12. احنا وايتنج لما يو تفتكرى كنتى هتساى ايه
    وانتل زين ثانك يو لمرورك على المدونة
    بتاعتى وحبيت أوضح انها تحت الكونستركشن
    ولية مدونات تانية كتبت فيها كلام غير
    حرف الجىىىىىىىىى
    شكرا وسلام

    ReplyDelete
  13. الاسلوب فى حد ذاته جميل

    صحيح اللى يقرا الموضوع يحس انه بيسمع خواجيه من بتوع زمان امثال مسيو خريستو البقال او ادريانو بتاع الكونستبل

    بس زى ما كفكف قال مبقاش فى فرق كبير بين الارياف والمدينه الا فى الزحمه والمساحه ونقاء الجو ومنظر الطبيعه وطيبه الناس نفسهم

    فياترى الكفه تميل لمين يا أنسه

    سوررى هنا فورجت تو ساى انى دى زا فرست تيم فور مي هير

    but i like it

    ReplyDelete
  14. اسفه يا جماعه على تاخير الرد

    الدرويش المرووش:
    فعلا هم فاكرين عشان بيتكلمو كده يبقو احسن مننا
    مع انى لما اجى اقول كلمه بالنجليزى بحس ان اللى امامى مش هايفهمها ويدايق بقول بلاش وخلينا نقضيها وصف تفصيلي
    -----------------------------------
    شباب روش طحن:
    احنا فعلا اللى مضيعنا هو عدم وجود هويه ثابته لشعب متغير زينا كده
    الدنيا كلها سلطه عندنا
    ----------------------------------
    احمد المسلم:
    هو مش يأس قد ماهو تعامل مع الواقع
    مستنيه الموضوع بتاعك
    ------------------------------
    هوندا :
    انت اللى عسل والله
    والفرانكواراب بتاعك ده بقى انا مش بفهم منه حاجه خالص بحس انى فى الملاهى
    اقراء شويه عربى على انجليزى وابقى قابلنى لو فهمت
    ----------------------------------
    4xmisr:
    انا عارفه والله انها تحتت الانشاء بس حبيت اسجل مرورى
    وشكرا على اهتمامك بالتوضيح
    ------------------------------
    سامو:
    اسلوب ايه اللى جميل يا عم؟؟
    هو انا عرفت اقرا حاجه بعد ما كتبته
    ربنا يكون فى عونكم

    وحكايه الارياف يعنى مش عارفه هو اللى حصل ده حاجه كويسه ولا لا

    اهلا بيك فى مدونتى ويارب ماتكونش اخر مره ويارب تنال اعجابكم على طول

    ReplyDelete
  15. انا غلطان

    الاسلوب مش جميل

    انت صح ؟

    ReplyDelete
  16. يعنى ايه يا سامو قصدك ايه؟؟؟؟؟؟؟؟؟؟؟؟؟

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)