21 July, 2007

موضوع مهم..............لازم نتشارك فيه

السلام عليكم
سمعت كده من اول الشهر ان سعر خدمه الانترنت هينزل تقريبا للنص
وفرحت اوى ..قلت كده اشترك لوحدى من غير ضغط على الشبكه
بس كل ما اسأل امتى يقلولى لسه
لحد ما لقيت كلام كبير اوى ومش لذيذ عن الموضوع ده

فقلت لازم انقله ليكو عشان نضع حد للمهذله اللى هم بيعملوها دى
شوفوا كده وقلولى رأيكو
وياريت تشاركو معانا
-----------------------------------------------------
----------------------------------------------------

الموضوع اسمه

حمله المليون خطاب


انا لقيت موضوع في منتدى عن اننا نبعت مليون خطاب - رسالة يعني - لاكبر قدر من الجهات المسؤولة و الغير مسؤولة ... و العامة و الخاصة عشان الموضوع ده ...

و يا جماعة بجد لازم نكون ايجابيين عشان كدا استهبال بغباء ... دي رسالة مش هتتعبك يعني ... و مش هتاخد اي مجهود ...

و بالله عليكوا مش عاوز يطلعلي واحد يقولي ده ممنوش فايده و احنا مش بادينا حاجة ... و كل ده مش هيعمل حاجة .... احنا هنبعت لكذا جهة يعني ان شاء الله يكون في نتيجة ...

حاول يمكن ينفع ... rolleyes.gif

في ايميلات في الاخر هتبعتولها الرسالة من ايميلكوا ...

و في كام لينك في الاخر هتبعتلهم الرسالة من الموقع بتاعهم مش من ايميلك .. متنسوهمش

و في حاجة غير واضحة بالنسبة ليا لحد دلوقتي ... اذا كان الكلام ده - يعني تخفيض السعر و تحديد كمية الدونلود - هيكون موجود بجانب النظام العادي ... ولا هيشيلوا النظام العادي و هيخلوا السعر اقل و كمية الدونلود محدده ... على العموم كدا كدا لازم نبعت الرسالة ... لحد ما يتضح الامر ...


والموضوع اهو
-------------------
----------------------





طالعنا خبر يوم 17/7/2007 بقرار وزير الإتصالات نص الخبر :-




وافق مجلس إدارة جهاز تنظيم الاتصالات في اجتماعه أمس برئاسة الدكتور طارق كامل وزير الاتصالات على إطلاق أسعار خدمات الإنترنت فائق السرعة ADSL لسرعاته المختلفة مع تحديد طاقة التنزيل أو عدد الساعات للربط مع فتح المجال أمام الشركات لتقديم عروض مختلفة طبقاً لآليات السوق مع تحديد لسعر الخدمة بسعر 45 جنيه شهرياً كحد أقصى للخدمة بسرعة 256 ك بت/ثانية بدلا من 95 جنيه وقام مجلس إدارة الجهاز بتحديد طاقة التنزيل بطاقة تحميل 2 جيجا شهرياً أو تحديد عدد ساعات الربط حسب طلب المشترك ويحدد الإطار الجديد انه عند طلب المشترك طاقة تنزيل أو ساعات ربط إضافية يتم سداد المقابل الشهري الإضافي.


ويأتي ذلك في إطار تحديث مبادرة الإنترنت فائق السرعة التي أطلقتها وزارة الاتصالات وتكنولوجيا المعلومات في سنة 2004 حيث يهدف هذا القرار إلى نشر خدمة الإنترنت فائق السرعة في جميع أنحاء الجمهورية والوصول بالخدمة إلى شريحة أكبر من المستخدمين مع القضاء على الوصلات غير القانونية Line Sharing التي يتم مدها من منزل لمنزل والتي تقلل من جودة الخدمة وتعوق انتشار الخدمات الجديدة مثل خدمات الصوت والصورة حيث أن خدمة ADSL ترتبط بخدمة خط التليفون وهو مخصص للعين المؤجرة ( الشقة الواحدة).
وقد قامت وزارة الاتصالات وتكنولوجيا المعلومات والجهاز القومي لتنظيم الاتصالات بالاشتراك مع الشركة المصرية للاتصالات وشركات تقديم الخدمة في تحديد الإطار الجديد للخدمة بعد دراسة وضع السوق الحالي والأسعار الحالية مع الاسترشاد بإحصائيات عن أعداد المستخدمين وحجم استخدامهم للخدمة بالسرعات المختلفة.
وأضاف الدكتور عمرو بدوي الرئيس التنفيذي للجهاز أن ذلك سيؤدى إلى تحسين مستوى الخدمة وتخفيض الأسعار بالنسبة لمختلف السرعات لتكون في متناول أكبر قدر ممكن من المواطنين حيث من المتوقع أن تقوم الشركات بتقديم عروض مبتكرة ومتنوعة تتناسب مع الاحتياجات المختلفة للمستخدمين من حيث عدد ساعات الربط أو طاقة التنزيل هذا ومن المتوقع أيضا أن يؤدي ذلك إلى زيادة أعداد مستخدمي الإنترنت في مصر والبالغ عددهم اليوم 6.8 مليون مستخدم مما سيعمل على توسيع قاعدة المستفيدين من الخدمات الجديدة التي تتطلب سرعات عالية كحد أدنى لتوصيل الخدمة.
وأضاف الدكتور عمرو بدوى أن الجهاز يدعم هذا التخفيض من خلال صندوق الخدمة الشاملة بالتعاون مع الشركة المصرية للاتصالات وهو ما مكن الشركات العاملة في هذا المجال للوصول لهذا التخفيض والذي يقترب لنسبة أكثر من 50% بالنسبة لسرعة 256 ك/ب حيث كان السعر 95 جنيه شهرياً مع إطلاق حرية الشركات في تسعير باقي السرعات بسرعة 512 ك – 1 ميجا – 1.5 ميجا مع تحديد طاقة التنزيل بالنسبة لهذه السرعات أيضا كي تغطي احتياجات الأسرة الواحدة فقط دون توفير هذه الخدمة للمنازل أو الشقق المجاورة فيما كان يحدث عند عدم تحديد طاقة التنزيل.
وفى هذا الصدد فإن سرعة 2 ميجا سوف يظل سعرها استرشاديا 760 جنيه شهريا بطاقة تنزيل مفتوحة حيث أنها مخصصة للشركات والمؤسسات.


لدلك قررنا عمل حمله المليون خطاب كمحاوله لتعديل هذا القرار الظالم لجميع الصريين بجميع الفئات

وأن يكون هذا الخطاب موحد نص الخطاب :-






بسم الله الرحمن الرحيم

الي من يهمه الامر
اما وبعد

اولا وقبل كل شئ نشكر سيادة وزير الوزراء الدكتور الفاضل احمد نظيف و وزير الاتصالات الدكتور طارق كامل علي اهتمامها بالبنية التحتية المعلوماتية في مصر ومجهوداتهما الرائعة في سبيل تطويرها والعمل علي نموها وذلك املا في مصر متقدمة مسايرة لنهضة العالم المتحضر

تردد في الفترة القصيرة الماضية علي الساحة المعلوماتية في مصر انباء بخصوص تخفيض اسعار خدمة الانترنت وانتظرنا ذلك التخفيض بشغف وتطلعنا اليه وذلك لعلمنا بتوجيهات سيادة الرئيس محمد حسني مبارك حماه الله لنا برعاية شباب مصر والاهتمام بهم

الي ان فوجئنا جميعا بما اعلن من قبل وزارة الاتصالات في يوم 18 يوليو لسنة 2007 بتخفيض اسعار الانترنت الي اكثر من 50% مع تحديد عدد ساعات الربط او تخفيض الحد الاقصي للتحميل الي 2 جيجا

اننا مستخدمي شبكة الانترنت في مصر نعلن اعتراضنا علي هذا القرار ايا كان الدوافع المؤدية الي اطلاق هذه المبادرة

هل نسير بخطي الي الامام ام نرجع الي الخلف هل نتقدم ام نتاخر في اتخاذ قراراتنا
ان هذا التخفيض المزعوم ماهو الا تخفيض في الاسم فقط ولكن في مدلولوه واذا نظرنا له بنظرة اخري سنجد انه تخفيض كاذب وهذه الاسباب

1- النسبة الاكبر من مستخدمي الانترنت في مصر مشتركين بسرعه 256 ك ب /ث
2- 2 جيجا فقط حدا مسموحا للتحميل من الانترنت فاجئنا جميعا انه لحد ضئيل جدا
3-هذا الحد المسموح به للتحميل انه ليجعل مستخدمي الانترنت في مصر الي مرتادي شات فقط ومرتادي تصفح مواقع ليس اكثر خوفا من تعدية الحد المسموح بيه ودفع مبالغ اكثر قد توصف بانها خيالية ( 8 جنيه للجيجا الزائدة حسب اتصالنا بمعظم مزودي الخدمة في مصر وابلاغهم لنا بسعر الجيجا الزائد عن المسموح بيه )
4-هل تعلمون سيادتكم ان متوسط استخدام معظم شباب مصر لايقل عن (20-30 جيجا شهريا)
5- هل تعلمون سيادتكم ان الانترنت في مصر ليس اداة شات ولا تصفح فقط وانما هو مقصد للتعليم ومقصد للترفيه ومقصد للمبرمجين ومصممي صفحات الوب وهذا مايحتاج الي حد اعلي من هذا
6- هل تعلمون ان هذا الحد المسموح بيه ( 2 جيجا ) احبطنا جميعا




نحن جميعا مقدرين لسبب هذه المبادرة وذلك لردع ال

internet connection sharing

ومن يستغلون الانترنت للكسب غير المشروع من خلال توصيل الشبكات الى

المنازل المجاورة عبر الشبكات السلكية واللا سلكية
ولكن سيدي انتم هكذا لستم فقط ستردعون هؤلاء الفئة ولكنم ستردعون جميع المستخدمين امثالنا من هما متتضرين من تلك المبادرة
بالعكس قرراكم هذا فيه مصلحة شخصية لمن يسموا بكبار موئسسي تلك الشبكات ال enternit connection sharing

حيث انهم سيتجهون للانترنت بسرعه 2 ميجا وستزيد نسبة توزيعهم وشبكاتهم

ناسف للاطالة ولكن مانطلبه هو

1-الابقاء علي

unlimited internet packages


2-عدم المساس بمساحه او عدد ساعات التحميل

حفظا لحقوقنا بالتمتع بخدمات الانترنت ومسايرة العصر ومواكبة تطوراته

3-تخفيض رسوم الخدمه قدر المستطاع

وذلك توجها لتلك الفئة من هم من مستخدمي الشبكات المحظور انشاءها وهم بكل تاكيد سيجدون في تلك الباقة مايسرهم لانها افضل بكثير لهم من استخدام الشبكات هذه بما لها من عيوب جمة

وبذلك تعوض الشركات تخفيض الرسوم بزياده عدد المشتركين مما يعود بالفائده على كلا الطرفين

نرجو سرعه التوضيح وتعديل القرار

شكرا لكم لرحابة صدركم

----------------------------------------------

------------------------------------------



الإيميلات الموجه إليها هذا الخطاب
أولا وسائل الإعلام :-
جريدة الجمهورية eltahrir@eltahrir.net
أخبار اليوم akhbarelyom@akhbarelyom.org
جريدة الأهرام ahram@ahram.org.eg
مجلة لغة العصر ait@ahram.org.eg
بريد الجمعه: baridelgomaa@ahram.org.eg
برنامج العاشرة مساءً: al3ashera@dreams.tv
عمرو أديب alkaheraalyoum@orbit.net
أحمد رجب a_ragab@akhbarelyom.org
90 دقيقة 90min@elmehwar.tv
ثانياً : المسئولون :-
http://www.mcit.gov.eg/ar/Contactus.aspx
وزارة الإتصالات
جهاز تنظيم الاتصالات
بريد اليكترونى: info@tra.gov.eg
صفحة الشكوي
http://www.tra.gov.eg/arabic/Complain_Add.asp?Menu=4
التليفون: 155

السيد رئيس الوزراء الدكتور احمد نظيف لترفع الشكوي الي التقرير الذي يقدم له شهريا
questions@cabinet.gov.eg
الموزعون :-
شركة Tedata احد اكبر مزودي الخدمة
ارسل الرسالة عن طريق
http://tedata.net/ContactUs.htm

شركة لينك دوت نت احد اكبر مزودي الخدمة
http://www.linkdsl.com/LinkDSL_Code/Pages/...edbackForm.aspx
Call center : ( 16333 )
شركة سوفيكوم احد كبري الشركات المزودة للخدمة
E-mail: support@soficom.com.eg
Call center : ( 19256 )
نرجوا الإلتزام بنص الخطاب والنشر إلى جميع المنتديات العربية والمجموعات بريدية
ونرجوا من كل عضو يريد الرد في هذا الموضوع أن يرد بلينك لنفس الموضوع في منتدى آخر قام هو بنقله حتى يتم متابعة آخر أخبار حملة المليون خطاب

-------------------------------
--------------------------------
ياريت يا جماعه كلنا نشارك
ونبعت كمان بكل الايميلات اللى عندنا
ونقول لكل الناس اللى نعرفهم عشان يشاركو معانا
لان اللى هيحصل ده استهبال
يعنى ايه النت يبقى ساعتين فى اليوم
يعنى عشان ايه التحكم فينا ده
مش عايزين النت يرخص
عايزنهم يسيبونا فى حالنا
--------------------------------
----------------------------




ناسف للاطالة ولكن مانطلبه هو :

1-عدم المساس بمساحه او عدد ساعات التحميل حفظا لحقوقنا بالتمتع بخدمات الانترنت ومسايرة العصر ومواكبة تطوراته.

2- تخفيض رسوم الخدمه قدر الامكان وذلك توجها لتلك الفئة من هم من مستخدمي الشبكات المحظور انشاءها وهم بكل تاكيد سيجدون في تلك الباقة مايسرهم لانها افضل بكثير لهم من استخدام الشبكات هذه بما لها من عيوب جمة. وبذلك يعوض الشركات عن تخفيض الرسوم بزياده عدد المستهلكين مما يعود بالفائده علي الطرفين.

نرجو سرعه التوضيح وتعديل القرار


شكرا لكم لرحابة صدركم


هذه اضافه من الصديق حصان برى
ارى ان فيها مطلب شرعيه لنا
تم اضافتها فى الخطاب

17 comments:

  1. اهلا يا بندقه طبعا الكلام جميل اوى بس انا اعتقد اننا لو طلبنا انهم يرخصوا القيمه وتبقى الخدمه كما هى هيكون دى ادعى للمخاطبه اما انى اخاطبه من اجل استمرار الحال على ماهو عليه انا مش شايف ليها قيمه

    الافضل ان نناشد الزير على ترخيص سعر الخدمه وبقاء جميع الامتيازات كما هى
    وده برضه هيعظم من ارباح شركات النت نتيجه تفويت الفرصه على اصحاب الوصلات غير الشريعه
    ولكم فى شركه ايه ار تى اسوة حسنه
    عندما واجهت الشبكات والوصلات فى المناطق الشعبيه بتخفيض الاسعار
    مما ادى لزياده عدد المشتركين بكثر من اربعين فى الميه

    تحياتى

    ReplyDelete
  2. السلام عليكم بندقة
    طبعا اتحرق دمي
    انتي متخيلة ايه؟؟؟؟
    هو الخطاب لازم يكون بتخفيض القيمة وعدم وضع حد للداونلود وساعات الاتصال
    وبقاء الامتيازات زي مهي
    متعرفيش الناس دي بتفكر اذاي
    لا اله الا الله بصي لما اهدي شوية حبقي اجي اعلق تاني ع الموضوع ده ولو اني عارف اني كل محقرا الموضوع ده دمي حيتحرق
    ساعات بحس ان المسئولين في مصر مش بيفكرو
    عايز اسجل اعجابي الشديد بمودونتك سواء اللوك او الكلام اللي فيها او الاسم
    اسمها جامد بجد
    حجيلك تاني
    يلا سلام

    ReplyDelete
  3. بصي يا بندقه:
    دول ناس عاوزين يبقي رقم مستخدمي الانترنت في مصر 30 مليون ومايهمش بعديها ان 29 مليون منهم بيستخدموه في الشات بس

    جميل جدا انك فتحتي الموضوع وعملتي حركه ايجابيه انا لسه شايف الموضوع علي الدي في دي امبارح ودمي محروق من ساعتها

    وان شاء الله هبعت الجواب حالا بس هبدل اخر فقره بالاتي:

    ناسف للاطالة ولكن مانطلبه هو :
    1-عدم المساس بمساحه او عدد ساعات التحميل حفظا لحقوقنا بالتمتع بخدمات الانترنت ومسايرة العصر ومواكبة تطوراته.
    2- تخفيض رسوم الخدمه قدر الامكان وذلك توجها لتلك الفئة من هم من مستخدمي الشبكات المحظور انشاءها وهم بكل تاكيد سيجدون في تلك الباقة مايسرهم لانها افضل بكثير لهم من استخدام الشبكات هذه بما لها من عيوب جمة. وبذلك يعوض الشركات عن تخفيض الرسوم بزياده عدد المستهلكين مما يعود بالفائده علي الطرفين.

    نرجو سرعه التوضيح وتعديل القرار

    شكرا لكم لرحابة صدركم

    وهشيل الدباجه بتاعه احمد نظيف والريس اللي في الاول لاني شايف انها نفاق ثم احنا مش بنشحت
    ثم كلامنا من موقف قوي لانهم فعلا هيخسروا كتير من المستخدمين
    اللي عاوز يبعت الجواب باللهجه دي يبعته واللي عاوز يعدل فيه يعدل بس المهم كلنا نتحرك لان القرار علي وشك التنفيذ.
    وهحط لينك الموضوع بتاعك عندي اذا سمحتي

    ReplyDelete
  4. أنا سمعت إنهم هيخفضوا اﻷسعار ودي حاجة كويسة
    بس أول مرة أسمع الكلام الغريب دا
    مش فاهم موضوع إنهم هيحددوا الدونلود
    دي حاجة سخيفة جدا ومش منطقية
    إحنا المفروض نطالب بتخفيض السعر
    بدون تغيير شكل الخدمة

    تحياتي

    ReplyDelete
  5. ممكن:
    اهلا بيك
    الحقيقه ده مش كلامى انما انا قريته وقلت لازم يوصل لاكبر عدد من المشتركيين

    فعلا هو الاحسن اننا نطالب بتخفيض السعر مع بقاء الخدمه كما هى
    ولكن الاضمن اننا نطالب انهم يسيبونا فى حالنا

    المهم اننا ما نسكتش على اللى بيحصل
    يا ريت تشارك معانا
    واكتب الخطاب بالنص اللى يريحك ويعبر عنك
    شكرا لاهتمامك
    -------------------------------------
    احمد عيسى :

    هدئ اعصابك
    احنا كلنا دمنا اتحرق وبالذات من اهنم بيفهمونا ان ده احسن على اعتبار اننا مش فاهمين حاجه
    من حقك انك تغير النص زى ماتحب
    مستنيه تعليقك بعد ماتهدى
    شكرا جدا على مجاملتك اللطيفه
    يسعدنى ان تكون مدونتى نالت اعجابك
    --------------------------------
    حصان برى:
    فعلا عندك حق
    المهم فى بلدنا هو الكم وليس الكيف

    انا فتحت الموضوع لانى حسيت انه يمسنا كلنا وهياثر علينا بالسلب

    جميل اوى الاضافه اللى كتبتها
    وان شاء الله اكتبها فى خطابى

    بخصوص الدباجه اللى فى الاول دى ممكن تسميها الروتين
    فهى لا حد بيقراها ولا حاجه بس تقدر تقول كده منظر والسلام
    بس طبعا براحتك
    انا نقلت نص الخطاب عشان اسهل على الناس انها تعمل كوبى وتبعته بدون تعب

    من غير اذن يا محمد طبعا ممكن تاخد الموضوع كله لو حبيت

    احنا محتاجين كل الدعم الممكن عشان ندافع عن ابسط حقوقنا فى ظل العولمه اللى هم قارفينا بيها ومابيجيش من وراها غير وجع القلب يعنى ماشفناش حاجه عدله
    -----------------------------------
    the alien:

    انا كمان كنت فاكره انها حاجه كويسه
    بس عرفت يا سيدى انهم عايزين يخلو الاشتراك 45 جنيه بس
    وبال45 جنيه دول ليك
    ساعتين نت بس فى اليوم يعنى 60 ساعه فى الشهر
    و2ميجا بس داونلود فى الشهر

    ولو سولت لك نفسك انك تزود عن كده
    يبقى هاتتحاسب على الميجا الواحده ب 10 جنيه

    واللى سمعته من الناس الخبره ان متوسط استخدام النت 8 ساعات فى اليوم شهريا بيكلف 20-30ميجا شهريا
    واحسبها انت بقى
    --------------------------------
    فعلا يا جماعه الموضوع شائك ويمس كل الشباب لازم كلنا نتعاون فيه
    ياريت اللى عرف يبلغ اللى ماعرفش

    شكرا لاهتمامكم

    ReplyDelete
  6. هاى بندقة
    شكرا على الموضوع وانا اخدت جزء منه عندى بعد اذنك علشان ننشره اكتر

    ReplyDelete
  7. ايوووووووووه يا بندقه

    انا كنت لسه عايزه انزل على المدونه بتاعتى

    فكره احتجاج

    رسمى من مستخدمى الانترنت

    لان دى كارثه

    طب ان مكانش علشانا

    علشان سيرش الكليات
    علشان السيبرات
    علشان الناس الى شغلها كله على النت
    علشان
    علشان
    علشان

    نفسي اعرف لشخص الذكى الى حط الاقتراح ده ووافق عليه

    رجعالك تانى

    وان شاء الله اعمل موضوع على مدونتى وكمان ابعته للميل ليست عندى

    ReplyDelete
  8. معلش يابندقة علي عصبيتي الشديدة اللي في اول تعليق
    اللي فهمته انك حتختار من نظامين
    يا اما ساعات النت مفتوحة بس حجم تبادل المعلومات حيبقي 2 جيجا شهريا
    وده معناه الابلود والداونلود علي حد سواء
    يا اما تختار باقة ال60 ساعة بس في الشهر وحجم التبادل مفتوح
    وهي هي طبعا
    عاجبني قوي ديباجة حصان بري وممكن نستخدمها
    بصي انا حقعد ابعت الايميلات دلوقتي وياريت بجد تبقي حملة كبيرة لان الموضوه كدة تهريج بجد
    وان شاء الله حنزل عندي في المدونة بداية الحملة دي بعد ملم عنها معلومات بعتذر تاني وبسجل تاني اعجابي بالمدونة

    صحيح بره الموضوع انتي متابعة مسلسل
    Charmed???

    ReplyDelete
  9. بندقة
    موضوعك مهم جدااا
    انا كنت فاكرة ان سعرة هينزل قلت اخيرا
    واتصدمت لما قريت المكتوب
    احنا المفروض نقضيها شات وجييم اون لاين يعني ولا ايه
    !!!!!!!!
    معاكم ان شاء الله
    وهبعت الايميلز
    وهتابع الحملة
    ويا سلام لو حد يعمللنا لوجو اننا رافضين .. ننزله عندنا كلنا

    ReplyDelete
  10. موضوع مهم اوي

    واسجل ان الرسالة بعتها لكل الايميلات المذكورة
    ونشرتها لأكثر من 100 ايميل صديق على ماسنجري الشخصى
    وجاري نشرها في المنتديات والمدونات ان شاء الله

    حملة موفقة بإذن الله
    وان شاء الله نعمل حاجه

    ReplyDelete
  11. انسان:
    شكرا على نشر الفكره فى مدونتك احنا عايزين الناس كلها تعرف
    --------------------------------------
    فوكيره:
    من ناحيه كارثه
    هى فعلا كده
    لانهم هايقضو على اى استخدام كويس للنت

    همتك بقى عايزين كل المدونين يعرفو ويتعاونو معانا
    ---------------------------------
    احمد عيسى:

    مافيش عصبيه ولا حاجه
    كان لازم تعبر عن اللى جواك وكلنا حسينا بنفس الشعور
    انا شايفه ان الاختيارين مش عاجبنى ابدا حاسه انهم بيتحكمو فينا وبيستهبلونا بحجه انهم عايزين يخفضو السعر

    ياريت فعلا تجمع معلومات اكتر وتقولى اصل انا معلوماتى على قدى وفيه حاجات كتيره مش فاهماها

    -----
    انا كنت بتابع
    charmed
    شفت فيها 3 اجزاء على
    mbc4
    وبعد كده هم مش راضيين يكملو
    ولا انا لاقيه مكان تانى اجيبها منه
    لو تعرف موقع انزلها منه قبل ما ياخدو النت يبقى حلو اوى
    انا اعرف انها 9 اجزاء لحد الان
    ---------------------------------
    عبير:
    شكرا على انضمامك يا عبير
    فكره اللوجو دى حلوه اوى
    بس انا مش باعرف
    ياريت لو حد ليه خبره فى الموضوع ده يساعدنا
    ---------------------------------
    زحل الفلكى:
    المدونه منوره
    اخيرا لاقيت حد من الكوكب بتاعى

    اسمحلى احييك على روح المبادره والايجابيه لديك

    هم كده مواليد كوكب زحل ..انا عارفه
    هههههههههههههه
    بجد بجد مشكوووووووووور جدا
    وربنا يوفقنا بأذن الله
    ---------------------------------
    حصان بري:
    بجد بحاول انى اضيف كلامك فى البوست
    بس مش عارفه ليه مش راضى ينزل
    بس انا وراه لحد ما ينزل

    ReplyDelete
  12. شكرا يا بندقه
    انا بعت الايميلات
    عالله يعملوا حاجه

    ReplyDelete
  13. أنا شايف أن النظام ده لو اتطبق محدش يشترك فيه كله يقطع اشتراكه
    الصراحة الحكومة كتر خيرها مسبتش حاجة الا ودلعتنا فيها
    عشان كده أنا بقترح أن الحكومة تركب عدادات على كل كمبيوتر صاحبه بيدخل بيه ع النت ويفوت المحصل كل أول شهر يقبض
    وكمان تضيف غليها رسوم تسميها رسوم المجارى اللى طافحه زى رسوم الزبالة كده اللى مع الكهربا
    وياحبذا لو الحساب يكون بالكيلوبايت مش بالجيجا
    وبكده نقطع الطريق على كل من تسول له نفسه الدخول على النت
    كفاية تيسير ودلع أحسن الشعب اخلاقه باظت!

    ReplyDelete
  14. اللي لسة مش فاهم يا جماعة

    الساعة كانت ب 13 قرش

    هتبقى ب 75 قرش

    اللي هيقول بعد كده إنه ده تخفيض للأسعار هيبقى يعني بيستهبل

    الحل الوحيد هوه المقاطعة الجادة و الشاملة للنظام ده، و ده اللي هيسبب خسائر فادحة في القطاع ده و هيضطرهم يرجعوا الخدمة أحسن من الأول علشان يسترضونا... يعني هتبقى ارخص و من غير ما نطلب... فاكرين أزمة سعر دقيقة المحمول من كام سنة؟؟؟ نفس الحركة

    نظموا الحملة يا جماعة... المقاطعة هي الحل الوحيد... اوعوا تتهاونوا في حقكم المرة دي... اللي هيسكت المرة دي عمره ما هيعرف يتكلم تاني ابدا.. دي مؤامرة على قدرتنا على التواصل و التماسك... اوعوا لنفسكم

    محجوب عبد الدايم

    ReplyDelete
  15. طبعا جاي متأخر

    الأول بقدم إعتذار للحاجة بندقة
    وأكيد هتقبله إن شاء الله

    معلش كنت مشغول جدا

    وأول ما قرأت دعوتك للموضوع جيت على طول


    حتى صوتي بينهج وأنا بتكلم


    المهم نخش في الموضوع

    طبعا موضوع مهم جدا

    وطبعا
    أن معاكم إن شاء الله

    وجاري إرسال الإيميلات

    علشان أنا بصراحة إتخنقت من موضوع النت ده بصراحة


    وربنا يكرمك يا بندقة على المبادرة الجميلة دي


    يلا سلام عليكم

    ReplyDelete
  16. شكرا ساره على اشتراكك
    ----------------------------
    مواطن:

    احنا فعلا لو مارجعوش فى كلامهم هانقاطع

    مع انهم فى البوست الجديد شكلهم غلو الاسعار مع بقاء النظام القديم

    -----------------------------------
    bedouin:

    هم فعلا الحاجه الوحيده اللى بيعملوها انهم يزودو الاسعار

    ان شاء الله عن نفسى...... لو الاسعار زادت فعلا هاقاطع
    ------------------------------
    bedo:

    عودا احمد
    مافيش بين الاخوات اعتذار
    الحمله لسه فى اولها

    سلامتك اتفضل اشرب ميه و عصير عشان ماتقولش انى بخيله

    شكرا على انضمامك ويارب يسهل

    ReplyDelete
  17. استفتاء المصرية للاتصالات علي النظام الجديد كله يخش يصوت

    http://www.mcit.gov.eg/ar/voting.aspx

    ياللا كلنا نشارك و نوصل صوتنا للمسؤلين

    حملة المليون توقيع

    http://www.petitiononline.com/no4adsl/petition.html

    Helpful Sites

    http://no-dsl.blogspot.com/

    http://www.bramjnet.com/vb3/showthread.php?t=357050

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)