16 July, 2007

الشات وسنينه

ding

انا ابن مدرب المنتخب القومى انتى مين عايز اتعرف

.
.

ding

معاك ابن نائب الوزير انتى مين بقى
.
.
.
ding
.
ding
.
انا الدكتور فلان
انت مش بتردى ليه

نعم يا سيدى
اصلك وجعت دماغى من الرن ding ding
معاك بندقه 22سنه دكتوره
انت مين بقى

.
ding
ding
انتى مش بتكلمى ليه
مش انا بتكلم معاكىخليكى معاى
.
هوانت قلت حاجه
.
كلمينى عن نفسك شويه
.
مش لما اعرفك الاول
.
.
.
ding
.
ding
.
انا قربت اعملك اجنور انت وجعت دماغى ومش بتتكلم
.
.
هو مين ده اللى تعمليله اجنور
انتى مش عارفه انتى بتكلمى مين؟
اللى بيكلمك دكتور فى علم الوراثه عارفه يعنى ايه علم الوراثه يعنى ارقى علم
وانتى تلايقى دبلومه ولا بالكتير ماجيستير
.
.
بس ماقلوكوش بقه الافندى ده رضيت عليه ازاى
والله بكل ادب واحترام
بس عرفته مقامه

ايه يا رب اناس دى
كل واحد داخل فاكر نفسه ماحدش قده
قال ايه ابن المدرب والتانى ابن نائب الوزير امال لو كنت ابن الوزير كنت هاتعمل ايه
والتانى فاكر نفسه اينشتاين
.
لا وماقلتلكوش على اللى قعد يعدلى هو خد شهادات ايه ومسجل فى جامعه معرفش ايه فى امريكا
وبيحاضر فى جامعه ايه فى لندن
وقال ايه ابتدى من الصفر ووصل لمعرفش فين

ولما قولتله واخرة الشهادات دى ايه
طلع فيه ويقولى انت مفروض انك دكتوره ومقدره قيمه العلم
وسابنى ومشى
بعد ما قرفنى نص ساعه بيتكلم عن نفسه وكل ما اقوله حاجه يطنشنى
.
وواحد دوشنى كل شويه يبعتلى اضافه
والغيها
يبعت تانى.... الغيها
اخر ما زهقت بقوله انت عايز تضفنى من غير ما نتعرف
يقولى اصل انا مش فاضى دلوقتى هاضيفك نبقى نتعرف بعدين
!!!!!!!!!!!
هو انا كرسى فى المدرج هتحجزه لغايه المحاضره ما تبتدى

هم مالهم كده عقدونى مش لاقيه حد سوىّ يكلمنى
لما زهقت وقلت خلاص مش عايزه اشيت تانى

الشباب مضروب وغير صالح للاستخدام
ربنا يشفى يارب
بس قولت افضفض بدل ما اطق

15 comments:

  1. طبعا ميرضيناش إنك تطقي

    بس لازم يكون عندك بال طويل شوية
    طالما إنك قاعدة بتشيتي

    أصلك هتقابلي أشكال وألوان

    واحد عدل والتاني معووج


    وهكذا


    فلازم تكون أعصابك هادية على الأخر


    وصحتك بالدنيا

    ReplyDelete
  2. بيدو:

    مش عارفه ليه كل اللى بقابلهم انا بالذات بيكونو من المعوجيين

    حظى كده

    ReplyDelete
  3. عالطوول كده طلعتى الشباب ضارب وغير صالح للاستخدام الانثوى

    اوبس يعنى

    مش دايما ...ناس وناس ...

    مش الاغلبية نفس النوع يعنى

    بس ده يعود لاصل المشكلة

    ليه بقوا كده

    :D

    ReplyDelete
  4. بعد الشر عليك
    اقولك متدخليش شات تانى الا وانت اوف لاين

    ReplyDelete
  5. سفاح كرموز:

    هو انا اللى طلعتهم كده انا لاقيتهم كده انا ماليش دعوه يا اخويا
    هو اه مش كلهم بس طوال 6 شهور انا قابلت واحد بس لسه عاقل
    -----------------------------------
    سمسم:

    لا نافع معاهم اوف لاين ولا اون لاين
    ----------------------------------
    بس انا عايزه اعرف هو ليه ماحدش معبر السؤال اللى فى او ل المدونه
    وحش!!!!!
    ده حتى سوال برئ

    ReplyDelete
  6. ding ding
    هههههههههه مسخره يا بنتي
    بصي يا بنتي نصيحه من اخ
    الشات بقي نصين
    مجموعه فاضيه ماعندهاش اصحاب وتموت في الهيافه
    ومجموعه داجله شايفه ان المجموعه الاولي هايفه وداخله تصلح حال الشات (ملحوظه : دول اهيف من المجموعه الاولي)
    عن نفسي انا تبت عن الشات من حوالي 4 سنين واكتفيت باللي اعرفهم علي الماسنجر وزاد عليهم كام واحد عرفتهم من المدونه
    من كل الف واحد علي الشات فيه واحد سوي
    ده غير بقي لو حظك وقع في واحد وعرف انك دكتوره
    هيبقي يوم استشارات للصبح
    يمكن دلوقتي تشوفي اني ببالغ بس هيجي يوم تقولي اني بجاملهم

    علي فكره انا جيت واللهي وعلقت علي البوست اللي فات وانتي اللي طنشتيني:)
    ماقلتيش انتي جامعه ايه؟

    ReplyDelete
  7. حصان برى:

    اطنشك ازاى بس .......هو انا اقدر
    انا جامعه عين شمس ورايحه سنه خامسه
    ربنا يكملنى بعقلى يا رب

    اما بقى بالنسبه للشات
    فانا بقى لسه ماليش اصحاب كتير عليه
    بس الحمد لله مش شغاله فيه مصلح اجتماعى
    اهو اللى بيزهقنى باقفله احسن وانا مالى

    وياريتها تيجى على قد الاستشارات..لالالا...ده كل واحد يقولى طيب خدت قلب ...اصل انا قلبى بيوجعنى
    وهاتك يا غلاسه ورخامه

    انا كنت تبت
    بس الزهق بيخلينى ادور على حاجه جديده

    اهلا بيك"حصان برى"فى المدونه
    منور

    ReplyDelete
  8. هههههههههههههه

    قلتيلي ايميلك ايه

    انا الدكتور حاصل علي دكتوراة من جامعة بنها

    ههههههههههههه

    ReplyDelete
  9. بصي يا بندقة اما حد يعكسك متوليش علي اسمك و لا سنك و لا اي حاجة
    تحياتي

    ReplyDelete
  10. انا جاوبت علي السؤال البري و لا تزعلي بس يا تري ليه بتسألي

    ReplyDelete
  11. يابنتى كلهم اصلا بيبقوا اخرهم اعداديه ولو عدوها كمان
    ابقى اكدبي انتى كمان زي ما هم بيكدبوا
    اتسلي يعنى
    دي ناس تعبانه
    تحياتى

    ReplyDelete
  12. سيبك من الشات وسنينه

    مبيجيش من وراه غير الهم

    اللى تعرفيه احسن من اللى متعرفيهوش

    كلهم بيبقو ناس سايكو اصلا

    :D

    ReplyDelete
  13. عمرو:

    حتى انت يا عمرو كلكو عليا ولا ايه!!
    ههههههههههه
    -----------------------------------
    عروس البحر:
    اهلا بيك فى اول زياره يارب تنوري على طول
    وصل يا فندم كل التعليمات وجارى التنفيذ
    يارب تجيب نتيجه

    السؤال البرى يا ستى عشان اعرف الموسيقى اللى شغاله وصلت عندكو ولا لا
    ----------------------------------
    الكلام نوعان:
    ايه يا عم الكلام الكبير ده
    عارفه انا اخر ما بزهق منهم بغلس عليهم اوى
    عشان يحرمو
    --------------------------------
    زوردياك:
    والله انا سايبانى منه بس الزهق بقى
    من ناحيه سايكو اااه فعلا

    ReplyDelete
  14. و الله مش كل الشباب كده
    و الى كده دول بيكون الفراغ مسيطر عليهم و التخلف العقلى
    ف ما بيصدقو انهم يلاقو حد يكلمه و خاصه انهم لاقو بنت
    دى معجزه
    بالنسبه لهم
    فيبدا التخلف فى الظهور بقى
    فى الاسئله
    و الى بيكلمك عن نفسه ده بيحب بعرق عضلاته للى قدمه و فى وجهت نظره انها بتحلم بيه و هتموت عليه

    و ده بيوصل للمرض النفسى مش مجرد تخلفى بس


    و عموما مش كل الناس كده يعنى انا من الناس الى بحب اتكلم على النت كتير و بحب اعمل صداقه من النت
    بش مش بالتخلف ده
    بيكون الكلام عادى بين اى اتنين
    سوء كان الى بيكلمنى و لد او بنت


    سيبك من الناس دى

    مبروك على النجاج و التقدير الجامده ده
    :)))))))

    ReplyDelete
  15. مامادو:

    الله يبارك فيك
    بس مش عارفه ليه حاسه كده بشعاااااااااااااع مش عارفه منين
    ههههههههههههههههههه

    يا رب الاقى ناس جدعه كده زيك فى الشات

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)