07 July, 2007

خير الاسماء

قال رسول الله "خير الاسماء ما عبد وحمد"صدق رسول الله.صلى الله عليه وسلم
كلنا طبعا عارفين الحديث ده وحتى لو ما كانش حديث برضه عارفينه-اه مانا عارفه فى ناس هاتسيب كل اللى انا بقوله وتمسك فى الحديث وتقعد تجيبلى السند والماعرفش ايه....المهم انك عارف الكلام ده
خير الاسماء هى اللى بتكون زى"محمد و محمود وطه"يعنى اسماء المصطفى عليه الصلاه والسلام...و"عبد الرحمن وعبد العزيز و........... ا
اللى انا بقوله بقه هو ...........حد لاحظ اسم عبد الرحمن بيتكتب ازاى باللغه الانجليزيه؟؟؟
"Abdul Rahman"
هاا مش كده صح برضه....كل الاسماء بتتكتب بالطريقه دى
طب لو فى واحد اسمه مثلا -بقول مثلا -احمد الرشيدى...ياترى هايكتبه ازاى بالنجليزى
''Ahmed Elrashedy''
كده مثلا
ايه الفرق بين الاسمين...............ا
اللى محيرنى وغايظنى ليه يعنى اسم الرشيدى يتكب على بعضه بالانجليزى
واسم الله تعالى الرحمن نلزق نصفه فى عبد
بقى ده اسمه كلام يعنى هو فى اعظم واشرف من اسماء الله تعالى عز وجل
طبعا ده ممكن يكون شئ مش مقصود فى الكتابه اويكون الاجانب قاصدين انهم يكتبوه كده من باب عدم الاحترام لينا و لمعتقاداتنا
يعنى انا بس حبيت الفت نظركم للنقطه دى
وبما اننا حرين نكتب اسمنا زى ما نحب-يعنى ما فيش قاعده واحده لكتابه الاسماء-فاحنا لازم نصحح الخطأ ده
يعنى انا لاقيت الدوكتور عندنا فى الكليه كاتب اسمه كده
''Dr.Amr Abd Alhakeem''
اد ايه كنت فرحانه ان الدكتوركان كاتب اسمه صح............حتى انى روحت شكرته على ده..وهو حتى كان مستغرب انى اخذت بالى
ولذلك ومن منبرى هذا ..............ادعوكم
يا شعبى العزيز
ادعوكم لتسلوكوا هذا المسلك الجديد فى كتابه الاسماء
مع العلم ان هذه الخدمه مجانيه
وبدون اشتراك شهرى
وشكرا لحسن استماعكم .........وغدا الاذاعه على فصل 2\4

12 comments:

  1. فكرة والله

    بس انا بكت اسمي صح

    a.el azim

    ReplyDelete
  2. انت فين من زمان يا عمرو
    بقى يا راجل من اول بوست ماشوفكش لحد دلوقتى

    بس انت ماقولتليش الفكره حلوه ولا ايه؟.....ويا ترى هاتطبقها فعلا ولا صعب؟؟؟
    خلينا نشوفك على طول

    ReplyDelete
  3. This comment has been removed by the author.

    ReplyDelete
  4. انا عن نفسي حطبق الفكرة دايما إن شاء الله بعد كده .. وكويس إنك نبهتينا ..

    بس تعالي هنااااا .. يعني إيه مش عاجبك الناس اللي حيقولوا لك السند وما اعرفش إيه .. وهي دي شوية .. تقولي قال رسول الله وهو لا قال ولا حاجة ومش عايزانا نقول لك السند ..

    لا معلش بقى سلم واستلم ,,, عايزانا نكتب عبد الرحمن صح .. يبقى انتي تاخدي بالك من صحة نسب الأقوال للنبي عليه الصلاة والسلام .. عشان الحديث ضعيف

    :D

    ReplyDelete
  5. انا عايزه اعرف مين اللى شال التعليق ده
    وشاله امتى وازاى
    هو انا كنت نايمه ولا ايه الحركات دى
    ----------------------------------
    ما علينا :
    انا كان قصدى اننا نركز فى المضمون وليس الشكل
    يعنى لو ده كان حديث او قول مأثور مش هاتفرق لانه بيحثنا على حاجه كويسه
    ايوه انت عندك حق ان سند الحديث مهم ...بس هل يعنى عشان الحديث ضعيف ده يمنع
    اننا نكتب اسم ربنا صح..اكيد لا
    بس انا مقتنعه تماما برأيك ان سند الحديث مهم-ده لا خلاف عليه-
    شكرا على اهتمامك بالفكره واقتناعك بيها واهلا بيك فى المدونه

    ReplyDelete
  6. كلامك حلو ومعقول جدا
    وسوف نقوم بتغير طريقه الكتابه انجلش ياستى جعله الله فى ميزان حسناتك

    تحياتى

    ReplyDelete
  7. جزاكى الله خيرا انا اول مرة اخد بالى م النقطة دى وقريت الموضوع ده اكتر من مره مكنتش فاهمه ايه قصدك ههههههههه بس فهمت الحمدلله

    ReplyDelete
  8. ممكن :
    شكرا ليك ويا رب ميزان حسناتى يزيد كمان وكمان
    -------------------------
    هوندا:
    انا مبسوطه ان الموضوع عاجبك وانه سهل التنفيذ
    وربنا يجازينا خير كلنا على نيتنا الصالحه
    بس برضه انا تعباه ليك ونفسى اساعدك فى البحث عن الشئ اللى محيرك ده

    ReplyDelete
  9. الأول دي أول زيارة ليه
    في منبرك هذا

    وبصراحة موضوعك مميز

    وفعلا ممكن تكون مقصودة

    بقول ممكن

    يعني ممكن متكونش

    وبغض النظر عن هل هيه مقصودة أم لا

    ناخد بالنا منها

    لأن هيه وإن كانت مش مهمة ليهم
    فهيه مهمه لينا

    يعني هما مش هتفرق معاهم لكن إحنا هتفرق معانا

    وزي ما الست بندقه قالت الأسماء مالهاش قواعد

    ومشكورة يا بندقة

    وجعله الله في ميزان حسناتك
    إن شاء الله

    كفاية رغي كده بقى
    نأجل شوية للمرة الجاية

    سلام عليكو

    ReplyDelete
  10. بجد فعلا ملاحظة هايلة جدا
    و تحترم
    ربنا يجعله في ميزان حسناتك يا رب
    تحياتي و حبي
    :)

    ReplyDelete
  11. القادم اجمل:
    شكرا على اهتمامك
    خلينى اشوفك تانى

    ReplyDelete
  12. عمري ما اخدت بالي من الموضوع ده
    بس بجد ملاحظة هايلة جدااااااااااااااااا

    و انا هبدا بتنفيذها خلاص

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)