23 May, 2007

احلى ام فى الدنيا....................امى

صباح الخير لكل الحلوين
بصوا بقه انا فى اول الامتحانات ومش كنت ناويه اكتب وافتتح المدونه غير لما اخلص امتحاناتى ,وبعيد عنكوا انا امتحاناتى بالها
طويييييييييييييييييييل....يعنى لسه بتاع كده شهر ونص

وانا خلاص مش قادره استحمل خالص فقلت اكتب وامركوا لله استحملوا بقه


اقعدت افكر وارتب افكارى واشوف ابتدى بايه؟
لاقيت ان لازم ابتدى باهم واحب حاجه لى
وبما ان دى مدونة افكارى فلازم ابدا باكتر حاجه شاغله بالى
امى
ربنا يخليها ليا ومايحرمنيش منها ابدا

ويديها الصحه

اّميـــــن

وزى ما انتوا هاتعرفوا كمان شويتين انا بحب اوى اتفرج على الكرتون وبحس كده ان فيه مشاعر واحاسيس جميله-ابقوا فكرونى
احكيلكوا حكايه مشاعر دى-المهم وانا بتفرج على الكرتونك كان فيه شويه اغانى حلوه عن الام
فانا هكتبلكوا منها الشويه اللى لسه فاكراهم
اصلى فاكره من كل اغنيه حته-مش بقولكوا استحملوا



خدوا دى بيتين شعر بحبهم اوى

امى نداء محبة بل ان كل الحب ام

امى عطاء زاخر فى حضنه بحر خضم

ضحت لاجلى بالهنا وتحملت عنى الالم

يرعاك يا امى الذى خلق البرية من عدم


بجد بحس انهم بيعبروا عن اللى جواي ا
دول بقه بتوع الكرتون


امى كم اهواها اشتاق لرؤياها

واحن لالقاها واقبل يمناها

امى
هى نبع حنان
امى
هبة الرحمن

بس خلا ص مش فاكره تانى

دى واحده تانيه ..اطول شويه

شوق يدفعنى لاراها امى زكرى لا انساها

طيــــــــــف انقى من زبد الايـــــام ابـــقى

امـــــــى أمـــــــــــــــــــــــــى امــــــــــى


همساتها

احلى من ناى

سكنت قلبى

كلمـــــــاتها

باتت نجواى

تضئ دربى


لو سرقت منا الايام قلبا معطاء بسام


لن نستسلم للالام لن نستسلم للالام


يعنى هما دول اللى افتكرتهم



قلولى بقه ها حلوين ولا مش عجبوكو
ا


على العموم انا بس قلت اعبر عن اللى جوايا ل
امى




كل اللى عايز يقول حاجه لوالدته يبعتلى وانا هانشرها بوست جديد


ولا انتوا بتكتبوا بس فى عيد الام


هاستناكوا.............سلام


11 comments:

  1. ربنا يخليها ليكي

    ويخلي كل ام

    ReplyDelete

  2. بنكتب في كل الأوقات

    أنا شخصيا ليا اتنين ماما ربنا يخليهم ليا يا رب

    عموما جزاك الله خيرا

    كتري من مشاهدة سبيس تون احسن لصحتك من الاخبار وقناة الجزيرة

    تحياتي لك من ماناساس البلد

    ReplyDelete
  3. اهلا بيك يا جروم شرفت مدونتى الصغيره
    انت بتقول فيها انا فعلا بحب اتفرج على الكرتون اهو برضه احسن من "مين بيقتل مين ومين فرقع فين "واحنا لا حول لنا ولاقوه
    اهو الواحد بينسى

    ReplyDelete
  4. الصديق عمرو
    انا اسفه مش عارفه التعليق بتاعك راح فين
    اعذرنى لانى فعلا اول مره اكتب فى مدونه ولسه بتعلم
    اسفه مره تانيه
    وياريت تشرفنى تانى

    ReplyDelete
  5. مبروك المدونة يا بندقة

    ومبروك لأول بوست
    ماشاء الله على حبك لمامتك
    ربنا يخليهالك يارب

    مرسي على الاغاني الجميلة دي رجعتيني لأيام زمان

    بالنسبة للصورة والله لسة بدورلك على موقع يكون مجمع للصور المتحركة
    لأن للاسف دي عندي من زمان ومش فاكرة جيبتها منين

    وسؤال بسؤال_شوفي من اولها مصلحة اهو_:))

    هو انتي حطيتي الصورة اللي فوق ازاي

    ReplyDelete
  6. حلو أوي الموضوع ده
    ممكن أقول لماما بس اني بحبها بجد
    أصلي مش بعرف أعبر في الحاجات دي

    ReplyDelete
  7. نسيت أقولك مبروك علي المدونه
    وربنا معاكي في الامتحانات

    ReplyDelete
  8. اولا رنبا معاكى و معانا فى الامتحانات
    بس حلو اوى الاغانى
    حاسس انى فاتح كتاب القراءه بتاع الابتدائى و بقرأ منه
    بس فكرتينى بأيام حلوه
    و بجد يمكن الواحد مش هيقدر يقول لامه حاجه
    اكتر و احلى من كده

    ReplyDelete
  9. حلوة البداية مع الام لانها اغلى من نملك
    الله يوفقك
    وانش اء الله تنجحي بامتحاناتك

    سلام

    ReplyDelete
  10. اهلا بيكم جميعا
    نورتونى
    انا مبسوطه ان الموضوع عاجبكم

    ويا ترى مفيش حد فاكر باقى الاغانى دى؟؟
    --------

    ReplyDelete
  11. طمطم
    الصوره بتضيفيها فى شريط عنوان المدونه

    ReplyDelete

ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)