28 May, 2007

دعنــــــــــــــــــــــــــــى


قد يصدر منك بعض الاقوال
او حتى صغير الافعال
.
قد لا تقصد بها شئ
او تشعر انها لا شئ
.
ولكنها تؤثر بى وتجرحنى
تهز كيانـــــى و تحزننى
.
تذكرنى
تذكرنى بكل ما افعله من اجلك
.
وتغيرنى
وتغير شعــــــــــــورى نحوك
.
.
.
لااعرف لماذا يحدث ذلك لى
ولكنى اعرف انى سأتخطــاه
.
ساخذ وقتى واعود لما كنت عليه
وكل ما حدث اعلم..انى سانســاه
.
.
.
لا اطلب منك ان تعرف ما بى
ولكن فقط اشعر بما اعانـــــــيه
لا اطلب منك ان تصالحنى
او تواسينـــــــى او تفهمنى
فقط دعنى
.
.
دعنى لحالى فانا ادرى بي
دعنى كل ما اطلبه هو حقى
حقى فى ان اغضب
وان احزن وان اثور
.
دعنى فما تقوله يزيدنى حنقا
لماذا تريد ان تاخذ من حقوقى حقا
حقا لا اخذه من احد ...بل هو ملكى
.
.
ارجوك ان ما اطلبه ليس صعبا
حقق لى فى حياتــــــــــى طلبا
طلبا ليس بكبير
فقط دعنى اثور
دعنـــــــى
.
دعنى
.
.
.
اشكر من اوصلنى لهذه الحاله...... فاخرج منى هذه الكلمات

ايه رايكوا بقه..........حقى ولا مش حقى

26 May, 2007

ياااااااااااااااه

يااااااااااااااااااااااااااااااه اخيرا بقى عندى كمبيوتر
صحيح هو مش ليا لوحدى
يعنى لاختى كمان بس تدرو تقولوا انى انا الكبييييييييييييييييييييييييير هنا
كان نفسى من زمان انه يكون موجود
يعنى من يجى كده 20 30 سنه
يعنى لو اتولدت لاقيته كان يبقى احسن

المهم اهو جه وانا قعدت ابص له واكلمه بس ماكنش بيرد عليا
اصلى ماكنتش بعرف فيه اى حاجه
غير بس افتحه

ودلوقتى بقه
برضه مش بعرف حاجات كتير
بس اهو احسن من الاول

بس ابن خالى بقه واد حريف
طبعا مهو عنده كمبيوتر من زمان
وكل ما يجى عندنا يقعد يفتح هنا ويغير هنا وانا مش فاهمه اى حاجه
ولما قولتله علمنى
راح جابلى 5 كتب قاااااااااد كده وقالى اقريهم هاينفعوكى
واد شرير قوى


المهم ادينى بتعلم فيكوا

الاول كنت مقضياها لعب games
بس لما النت جه ولاقيت ان مصر كلها عامله مدونات قلت وانا كمان
اهو الواحد يفضفض مع ناس جديده

وكانت هذه البدايه
وادينا ماشيين
سلام
مش بقلوكوا ماشيين
مستنين ايه خلاص البوست خلص

23 May, 2007

احلى ام فى الدنيا....................امى

صباح الخير لكل الحلوين
بصوا بقه انا فى اول الامتحانات ومش كنت ناويه اكتب وافتتح المدونه غير لما اخلص امتحاناتى ,وبعيد عنكوا انا امتحاناتى بالها
طويييييييييييييييييييل....يعنى لسه بتاع كده شهر ونص

وانا خلاص مش قادره استحمل خالص فقلت اكتب وامركوا لله استحملوا بقه


اقعدت افكر وارتب افكارى واشوف ابتدى بايه؟
لاقيت ان لازم ابتدى باهم واحب حاجه لى
وبما ان دى مدونة افكارى فلازم ابدا باكتر حاجه شاغله بالى
امى
ربنا يخليها ليا ومايحرمنيش منها ابدا

ويديها الصحه

اّميـــــن

وزى ما انتوا هاتعرفوا كمان شويتين انا بحب اوى اتفرج على الكرتون وبحس كده ان فيه مشاعر واحاسيس جميله-ابقوا فكرونى
احكيلكوا حكايه مشاعر دى-المهم وانا بتفرج على الكرتونك كان فيه شويه اغانى حلوه عن الام
فانا هكتبلكوا منها الشويه اللى لسه فاكراهم
اصلى فاكره من كل اغنيه حته-مش بقولكوا استحملوا



خدوا دى بيتين شعر بحبهم اوى

امى نداء محبة بل ان كل الحب ام

امى عطاء زاخر فى حضنه بحر خضم

ضحت لاجلى بالهنا وتحملت عنى الالم

يرعاك يا امى الذى خلق البرية من عدم


بجد بحس انهم بيعبروا عن اللى جواي ا
دول بقه بتوع الكرتون


امى كم اهواها اشتاق لرؤياها

واحن لالقاها واقبل يمناها

امى
هى نبع حنان
امى
هبة الرحمن

بس خلا ص مش فاكره تانى

دى واحده تانيه ..اطول شويه

شوق يدفعنى لاراها امى زكرى لا انساها

طيــــــــــف انقى من زبد الايـــــام ابـــقى

امـــــــى أمـــــــــــــــــــــــــى امــــــــــى


همساتها

احلى من ناى

سكنت قلبى

كلمـــــــاتها

باتت نجواى

تضئ دربى


لو سرقت منا الايام قلبا معطاء بسام


لن نستسلم للالام لن نستسلم للالام


يعنى هما دول اللى افتكرتهم



قلولى بقه ها حلوين ولا مش عجبوكو
ا


على العموم انا بس قلت اعبر عن اللى جوايا ل
امى




كل اللى عايز يقول حاجه لوالدته يبعتلى وانا هانشرها بوست جديد


ولا انتوا بتكتبوا بس فى عيد الام


هاستناكوا.............سلام


ومن يتقى الله يجعل له مخرجا

ومن يتقى الله يجعل له مخرجا

انت اهو ..... :)